ايه رايك في مقاطعة اليوتيوب وجوجل؟؟

**dr.hazem** · 22-09-2012 08:22 AM

المشاركة الأصلية كتبت بواسطة y a r i s

ياجماعه هيا يومين بس. يوم ٢٤ ويوم ٢٥
انا فكرت نقاطعهم للابد ... خلاص محبكتش يومين بس نحسسهم ان وجودنا ورضانا مهم .... وكرامت نبينا مهمه عندنا
وخلاص. بقه بلاش تتكلموا على السعودية. ميبقوش الناس بتساعدنا و ( حسنة وانا سيدك )
المهم خلونا احنا في نفسينا حاولوا تقاطعوا يوم ٢٤ ويوم ٢٥ وجزاك الله خير يا دكتور حازم. انا إن شاء الله اول واحد هيقاطع .

هقولك ايه يا هندسه
هما يومين فعلا لكن هل المبدأ سليم؟؟؟
هل المفروض ان اليوتيوب يتدخل في محتوى الماده المرفوعه؟؟
عموما هنشوف ايه اللي هيحصل

المشاركة الأصلية كتبت بواسطة menna hassan

بص....انا من رأيى انه مينفعش نسيب الجذر ونمسك فى الفروووووووووع..
او بمثل تانى يليق بهم...
مش قادرين على الحمار ...ونتشطر على البردعة...
لا خاااااااااااااالص انا مش مع المقاطعة دى ..
لان زى ما حضرتك بتقول مش المفروض ان انا اللى ارد الاساءة دى
او مش اكون الاساس...
لان هناك اولو الامر ....اساس الرد المفروووووووووووض يكون من عندهم..
وبالرغم من كده لو المقاطعة دى فعلا هتحل المشكلة
اقاطع......ليه لأ..

0000000000000000000000000000

مهو برضو عشان نكون متطقيين
ايه اللي بنطلبه من حكامنا؟؟؟
طرد السفير مثلا؟؟
معتقدش انه حل مناسب
التنديد؟؟
مش حل كافي
فمش عارف برضو عشان ما اكونش متحامل على الحكام
ايه المطلوب؟؟؟

المشاركة الأصلية كتبت بواسطة seiffoz

لأن اقاطع لأن الناس مش بتفكر كده ...

احنا موهومين انهم اعداء الاسلام و حاقدين و كارهين .. فى الحقيقة الاسلام عندهم زيه زيه البوذية لا تعنيهم فى شئ على الاطلاق .. و عندهم قوانين حرية التعبير و مش هيقف قصادها من اجل شوية ناس ..
فالفكر ده انا مش موفق عليه و لو عايز احاربه احاربه بفكر ...

جميل
ايه الفكر اللي المفروض نحارب بيه وياترى الافراد هما المطالبين بيه ولا الحكومات العربية والاسلاميه ولا مين بالظبط وايه طبيعة الفكر ده؟؟

تحياتي

**dr.hazem** · 22-09-2012 08:31 AM

هو انا كان عندي تساؤل لجوجل

دلقتي لو فعليا في فلم اترفع وفيه اي حاجه مينفعش تتعرض
مش اليوزرز بيعملو ريبورت وبيتلغي الفلم ده

طيب
حاليا جوجل شهدت مش ريبورت ان الفلم المسئ لازم يتشال وبس دي شافت مطالبات من امم شعوب
ومع ذلك متحركتش نهائي بل رفضت تغيرر الواقع

اذن جوجل مشتركه في الموضوع ولابد من المقاطعه
لكن هل المقاطعه دي يومين كافيه ولا دي تحت العجز والزياده؟
هههههههههههههه

طيب على سيرة المقاطعه

كبديل لجوجل مثلا عندنا بنج وافانت الاتنين محركين بحث كويسين

تحياتي

**tutankhamoun** · 26-09-2012 05:56 PM

أنا خلاص قررت التوقف عن أسخدام خدمات جوجل و يو تيوب
أحنا مش أقل من اليهود الكاذبين

أخترعوا حكاية المحرقة ........ و محدش بيقدر يتكلم عليها .
لازم الغرب يحترم نفسه شوية .... مفيش حاجة أسمها حرية تعبير طالما بتأذي مشاعر غيرك .

**OMAR61995** · 26-09-2012 06:25 PM

معلش يا جماعة
المقاطعة مش هتعمل حاجة
امبارح ممكن تكون قللت ترتيب الsearch engine بنسبة 0.1 و اليوتيوب زاد 0.2
بس دى مش فارقة مع جوجل لأن عندها خدمات بالهبل
كفاية الأندرويد و الblogger
غير دول List of Google products - Wikipedia, the free encyclopedia

الحل مش فى المقاطعة الالكتروينة

**dr.hazem** · 27-09-2012 08:25 AM

المشاركة الأصلية كتبت بواسطة omar61995

معلش يا جماعة
المقاطعة مش هتعمل حاجة
امبارح ممكن تكون قللت ترتيب الsearch engine بنسبة 0.1 و اليوتيوب زاد 0.2
بس دى مش فارقة مع جوجل لأن عندها خدمات بالهبل
كفاية الأندرويد و الblogger
غير دول list of google products - wikipedia, the free encyclopedia

الحل مش فى المقاطعة الالكتروينة

بس جوجل فعليا خسرت أرقام خرافية اليومين اللي فاتو حسب ما سمعت على قناة الجزيرة امبارح...
وعارف يعني ايه موقع يقعد 8سنين رقم 1 وعشان يومين ينزل ترتيبه؟
يعني اليومين لو بقو 10 الترتيب هينزل كمان وخد بالك ان اللي بيقاطع كده كده بيستعمل بديل ففي ناس بتتقدم والكلام ده في عرف الاسهم اصابات قاتله تخسر ملايين كثيرة جدا جدا....
تحياتي