في الزمن ده طبعا الاتو احسن 100 مرة بس بالنسبة للرينو لوجان في شوية ملاحظات لازم يحطها في الاعتبار
§الاوفر برايس في سعر العربية لو عايز تسليم فوري و ده بيتراوح من 1000 الي 3000 جنيه حسب كل معرض و شطارة المشتري
§استهلاك البنزين اعلى من المانيوال بصورة ملحوظة خصوصي مع التكيف
§الموتور اقوى من المانيوال لانه مختلف عنه (المانيوال 8 صباب و كامة واحدة ده 16 صباب 2 كامة) وده معناها تكلفة صيانة و تشغيل اعلى من المانيوال ( ده حتى بياخد زيت اكتر) و برضه استهلاك البنزين اعلى
§فتيس الرينو عايز سواقة عادية (يعيش لغايت 200 او 250 الف كيلو طالما بتصونوا كويس) انما شد و حرت و كيك داون طول الوقت مش حايكمل معاك 60 او 70 الف كيلو و حايشيع وده طبعا العربية لسة نازلة موديل 2012 فا مانعرفش لسه ايه ظروفه لكن ده رأي الناس اللي راكبين رينو سينيك بره علشان هو هو نفس الفتيس
§الطلعه بتاعتها بطيئة و الموضوع ده بيتحسن بعده كده مع الوقت
§النتشه المحسوسه بين الغيارات من الأدنى للأعلى و العكس و ده ساعات تحس بيها و ساعات لا و ديه موجودة حتي في الميجان و الفلوانس
§التكييف بيأثر جدا على صوت العربيه لكن سحب العربيه لا يتأثر بنفس الدرجة (تأثير بسيط)
لو كل اللي فات ده ماشي معاك يبقى طبعا الاتو احسن 100 مرة توكل على الله و هاتها
المفضلات