وحوش الكيا والهيواندى مقارنة بين كيا اسبورتاج وهيواندى توسان

السلام عليكم
كل سنه وحضراتكم جميعا طيبين

انا عايش بره مصر بقالى سنتين وكان معايا عربيه مستعمله 4*4وبفكر حاليا اشترى عربيه زيرو جديده وبعد فتره انزل بيها مصر وادفع الضريبه بتاعتها وعرفت ان اللى فوق 1600 سى سى يبقى سعر ضريبتها عليا جدا وفى نفس الوقت كنت حابب اشترى عربيه 4x4 لان اتعودت عليها واغلب العربيات ال4*4 بتبقى فوق ال1600 سى سى فربنا هدانى الى اختيارين صعبين شويه اول اختيا كان الكيا سبورتاج الهاى لاين وتانى اختيار هيونداى توسان برده الهاى لاين علشان كدا حبيت اخد رأيكم من حيث المميزات لكل عربيه والعيوب والشكل والثبات وكمان عايز اعرفهم اسعارهم فى مصر كام الهاى لاين وكمان الضريبه بتاعت الجمارك بتاعتهم كام لو هنزل بيها كمان 3 سنين .. بمعنى اصح اعمل مقارنه مبينهم لان الاتنين شكلهم حلو ونفس رنج السعر هنا تقريبا .

وشكرا ليكم جميعا ..............

مبدأيا العربيتين هاتبقى جماركهم عاليه جدا حوالى ربع مليون جنيه لان موتورهم 2000 سى سى

السبورتاج 2000 سى سى سعرها فى مصر حوالى 375 الف , والتوسان فى نفس الرنج

عموما العربيتين اساسياتهم واحده موتور عفشه فتيس

اللى تعجبك هاتها

بس الاسبورتاج فيها فئه 1600 سى سى -اتوماتيك -فتحه سقف بانورما - جنوط - اى بى اس

اقتباس:

---

المشاركة الأصلية كتبت بواسطة madaaa

بس الاسبورتاج فيها فئه 1600 سى سى -اتوماتيك -فتحه سقف بانورما - جنوط - اى بى اس

---

ايوه الكلام دا فى مصر , بره مصر مفيش

بس انا سألت عند معرض الجبر دا وكيل كيا فى السعوديه قالى ان الفئه 1600 سى سى موجوده دى ممكن يكون جمركها كام

اقتباس:

---

المشاركة الأصلية كتبت بواسطة madaaa

بس انا سألت عند معرض الجبر دا وكيل كيا فى السعوديه قالى ان الفئه 1600 سى سى موجوده دى ممكن يكون جمركها كام

---

الجمرك هايكون تقريبا 60 % من تمن العربيه , احسب تمن العربيه بالجنيه واضرب فى 60 % هايبقى هو دا الجمرك بالتقريب

بس بعد إذنك عايز معلومات وتفاصيل اكتر عن موضوع ال 1600 فى السعوديه لانى اول مره أسمع عنه وياريت صور للموتور

اقتباس:

---

المشاركة الأصلية كتبت بواسطة hosam_optrawy

الجمرك هايكون تقريبا 60 % من تمن العربيه , احسب تمن العربيه بالجنيه واضرب فى 60 % هايبقى هو دا الجمرك بالتقريب

بس بعد إذنك عايز معلومات وتفاصيل اكتر عن موضوع ال 1600 فى السعوديه لانى اول مره أسمع عنه وياريت صور للموتور

---

انا انشاء الله يوم الاثنين هروح هناك لان السبت والاحد اجازه علشان العيد الوطنى وهصورها وانزلهالك ... بس هوا على ماأتذكر ان الهورس باور بتاع المكينه 140 ودا انا استغربتله بصراحه ان ماكينه 1600 سى سى وبتعمل الهورس باور دا .

اقتباس:

---

المشاركة الأصلية كتبت بواسطة MaDaaa

انا إن شاء الله يوم الاثنين هروح هناك لان السبت والاحد اجازه علشان العيد الوطنى وهصورها وانزلهالك ... بس هوا على ماأتذكر ان الهورس باور بتاع المكينه 140 ودا انا استغربتله بصراحه ان ماكينه 1600 سى سى وبتعمل الهورس باور دا .

---

ايوه الرقم مظبوط لان الموتور دا حقن مباشر GDi فبيطلع قوه اكبر من الحقن متعدد النقاط MPi

فى انتظارك ياباشا على احر من الجمر لان لو الراجل كلامه مظبوط هاتفرق معايا ومع غيرى كتير اوى

اقتباس:

---

المشاركة الأصلية كتبت بواسطة hosam_optrawy

ايوه الرقم مظبوط لان الموتور دا حقن مباشر gdi فبيطلع قوه اكبر من الحقن متعدد النقاط mpi

فى انتظارك ياباشا على احر من الجمر لان لو الراجل كلامه مظبوط هاتفرق معايا ومع غيرى كتير اوى

---

خير ان شاء الله

ايه الاخبار ياباشا رحت النهارده ؟

انا متأسف يا استاذ حسام على التأخير انا رحت النهارده وطلع كلام حضرتك مظبوط بس ده بالنسبه للتوكيل مفيهوش 1600 لكن وانا هناك اتعرفت على واحد مصرى وقالى انى ممكن استوردها عن طريق اى معرض سيارات بالمواصفات اللى انا عايزها وانا ماشى فى الموضوع ده حاليا وأول مربنا يكرم انشاء الله هبلغلك .

بالتوفيق ان شاء الله

الاخوه الافاضل
سبورتاج بتنزل بره مصر 1600 بنزبن وديزل بس مانيوال وللاسف معرفش الجمارك بتكون كام