ايهم افضل هوندا سيفك 92 خليجى 1600 كاربراتير ام فيكترا بى 97 مانوال 1600 سى سى
السلام عليكم ورحمة الله وبركاته
اخوكم من قسم الاوبل وبيعت العربية اللى معايه فيكترا ايه لظروف السفر بس لقيت نفسى مش عارف اعيش من غير عربية علشان الاولاد وزحمة المواصلات فى الاجازات.
المهم انا اللى قدامى دلوقتى العربيتين دول تقريبا فى نفس الحالة والسعر.انا متعود على الاوبل وعارف مشاكلها وقطع غيارها وصيانتها بس الهوندا انا بحترمها لقلة اعطالها وسمعتها بس معنديش فكرة عن اسعار قطع الغيار والميكانيكى بتاعها فقلت اتشاور مع اخوتى فى المنتدى وربنا يوفقنا ان شاء الله فى الخير السعر تقريبا 40000