طقوس x طقوس

**OlaOsman** · 03-07-2008 08:23 AM

النهاردة الصبح اتأخرت على النزول من البيت للشغل، و بالرغم من اني كنت باتحرك بسرعة عشان ما اتأخرش اوي، إلا اني كان نفسي أشرب كباية الشاي بلبن اللي متعودة عليها كل يوم الصبح قبل ما اروح الشغل.. ساعتها جه في بالي أد ايه احنا مرتبطين بطقوس خاصة بينا لازم نعملها أيا كانت الظروف.. يعني فينا اللي ما ينزلش من البيت قبل ما يشرب كباية الشاي بلبن زي حالاتي.. و فيه اللي يوصل الشغل ما يقدرش يشتغل قبل ما يضرب مج النسكافية او فنجان القهوة التمام.

اما المبتلين بالتدخين فأساسي عندهم الشئ لزوم الشئ.. يعني زميلتي في المكتب (هي أجنبية) لازم مج النسكافيه مع السيجارة.. و لازم سيجارة بعد الأكل مع كباية شاي بلبن.. و من كتر ما هي متعودة على كباية الشاي بلبن بعد الأكل فمش مهم هي كلت ايه.. المهم كباية الشاي بلبن بعديه.. ساعات أقول لها حد يشرب شاي بلبن بعد التونة على طول؟ تقوم تقول لي انا عارفة، بس هو التعود بأه اعمل فيه ايه

يا ترى ايه تاني في حياتنا متعودين عليه اوي كده؟ و هل ده صح؟ ان الانسان يعني يبقى ليه طقوس معينة لو يوم ما حصلتش بحذافيرها يبقى حاسس ان فيه حاجة في اليوم غلط؟

**Islam_galal** · 03-07-2008 08:32 AM

اعرف ناس كتير كده، بس الحمد لله أنا مش منهم
طول عمري باكره احساس إني أبقي أسير لعادة
أي عادة حتي لو كانت شرب اللبن

**Goodle** · 03-07-2008 09:48 AM

طبعا أول حاجة ماج النسكافية لما أوصل الشغل..
وده عشان أعرف أنا مين.. وإيه اللي جابني هنا.. ومين الناس اللي حواليا دول :) :)

عندي عادة غريبة من زمان مش متعلقة بالأكل..
وهي إن بقرأ الجرايد من الشمال لليمين..
أنا عارف إن في ناس بتبتدي تقرأ الصفحة الأخيرة في الأول عشان بتكون ممتعة.. لكن أنا بأمسك الجرنال كله من الشمال لليمين (حاجة غريبة ومالهاش تفسير ومش بسأل نفسي أنا باعمل كده ليه)... لأنها أيها الإخوة..

مجرد..

طقوس.. :)

**hamedo0** · 03-07-2008 10:16 AM

المشاركة الأصلية كتبت بواسطة Goodle

طبعا أول حاجة ماج النسكافية لما أوصل الشغل..
وده عشان أعرف أنا مين.. وإيه اللي جابني هنا.. ومين الناس اللي حواليا دول :) :)

حاسس انك بتكلم عني في موضوع النسكافيه ده ولازم بعض الاكل علي طول مج الشاى المحترم

**Islam_galal** · 03-07-2008 10:19 AM

آه ، آسف
فيه عادة لا إرادية مش طقوس
عند التوتر بابقي مفجوع

**BLACKVERNA** · 03-07-2008 10:31 AM

اما انا فمليش حاجه معينة متعود عليها بس من كام شهر بقيت مدمن نايل موتورز و لما يعدى يوم ابقى فى مأمورية و لا اى حته مقطوعة و مدخلش اسلم على اخوانى ابقى فعلا حاسس ان فى حاجه نقصانى و نفسى اعرف اخبارهم و اطمن عليهم .

**sab3aawy** · 03-07-2008 11:18 AM

المشاركة الأصلية كتبت بواسطة Goodle

وده عشان أعرف أنا مين.. وإيه اللي جابني هنا.. ومين الناس اللي حواليا دول :) :)

يبدو ان كلنا بنستعمل نفس الجملة مع اختلاف المنبه

يعن انا برضه لازم اخبط واحد شاى على غيار الريق علشان عرف انا مين وبعمل ايه هنا وجاى هنا ليه

بس الحاجة الغريبة جدا انى بنزل من بيتنا اسوق 25 كيلو متر من شرق القاهرة الى غربها مرورا بكل الحبشتكانات الشوراعية اللى ممكن تتخيلها وبكون فى منتهى التركيز، لكن مجرد ما اوصل الشغل بفصل وبحس بحالة من التوهان المهنى واليتم الوظيفى تنتهى مع اخر شفطة من كباية الشاى(ولازم يكون جوهرة او عروسة، الليبتون مبينفعش معايا)

**Ahmed Selim** · 03-07-2008 11:29 AM

كباية شاى كشرى الصبح أول لما أروح الشغل
ولازم على الساعة 2 ظهراً كباية قهوة بحليب عشان مانمش وأنا قاعد فى الشغل :)

**Noha.M** · 03-07-2008 11:37 AM

اكتر حاجة للاسف للاسف للاسف بعملها و اهم طقس من طقوس خروجي و بجد نقطة ضعفى هي البرفانات لو محتش برفان ببقي متعكننة ووبقيت احطها في البيت بس!! بس الحمد لله قللتها لغاية ما منعتها وانا نازلة

-

الموضوع: طقوس x طقوس

LinkBack

أدوات الموضوع

عرض

-

-

-

-

-

-

المواضيع المتشابهه

طقوس تشغيل الماروتي....

طقوس المذاكرة و أيام الامتحانات

الكلمات الدلالية لهذا الموضوع

المفضلات

المفضلات

ضوابط المشاركة