صوت تك تك تك

**Mahmoud.Fathy** · 21-09-2012 10:21 PM

يا شباب .... من امبارح سامع بسمع صوت جاى من العجل اللى ناحيتي ... يعنى الشمال بس مش قادر احدد ان كان من قدام ولا ورا ..... صوت كأن فيه حاجة لازقة فالعجلة وبتعمل ... تك تك تك ... ومعدل الصوت بيعلى كل اما السرعة تعلى يعنى .... تك ......... تك ....... تك ..... تك .... تك .. تك .. تك. تك. تكتكتكتكتكتكتكتكتك كأن فيه حاجة لازقة فالعجلة وكل اما تلف تخبط فحاجة بلاستيك وتعمل الصوت دا ... بصيت على العجل كده من برا بس مش لاقي حاجة غريبة .... فهل الصوت دا ممكن يكون من حتة تانية .... هو على فكرة مش صوت معدني ومش صوت طرقعة .... دا صوت حاجة زي متكون بلاستيك او زلطة .... فهل من ردود يا رجالة ؟؟؟؟؟

**mailo** · 22-09-2012 12:28 AM

ممكن زلطة فالعجل أو الكارتيرا بتحك فلكاوتش

**medo_mony** · 22-09-2012 12:29 AM

عادى يا باشا دى بتبقى زلطة صغيرة محشورة فى الفراغات اللى فى الكاوتش فما تقلش خالص ولو قلقان اوى كدة حاول تمسك ال4 فرد كاوتش وتنضفهم من الزلط الصغير المحشور بس دة وادعيلى بقا

**Mahmoud.Fathy** · 22-09-2012 02:28 PM

متشكر لكل الردود .... هل فيه حد عنده رأى تانى ؟؟؟؟؟

**Mahmoud.Fathy** · 22-09-2012 11:12 PM

المشاركة الأصلية كتبت بواسطة elnaser_m

حل الفردتين اللى ناحيتك واطمن كدا ونضفهم من الزلط او اي حاجة ممكن تعمل صووت
وومكن يكون الصاجة اللى عند التيل اللى قدام اتعوجت
روح لميكانيكي يبصلك عليها اريح :)
ممكن تكون مشكلة تافهة جدا .. وممكن تكون مشكلة تحمد ربنا انك لحقتها

بس الصوت مش صوت صاجة خالص .... دي حاجة خفيفة اوي .... تفتكر ممكن تكون ايه ؟؟؟؟