محدش هنا اخد اعفا طبى بعد ترشيح ظابط

انا اترشحت ظابط واخدت اعفا طبى غير لائق لكن اتحددلى معاد تانى يوم 30 وانا خايف جدا من اللجنة الطبية دى ياريت الل جرب الموضوع ده يفيدنى

محدش هيفيدنى

انا الحمد لله اخدت اعفا طبى بعد ماترشحت ظابط
الكلام دة من حوالى سنتين
ماتقلقش ان شاء الله لو ليك نصيب تطلع هاتطلع
وهما بيكشفوا كوي جدا فى حلمية الزيتون

اخويا اخد اعفاء طبى بعد ما اترشح ضابط احتياط سنه 2008 - 2009 على ما ذكر بس بعد ما راح القومسيون الطبى فى حلميه الزيتون .. هو كان خريج هندسه تحكم و باور و كل دفعته دخلوا ضباط احتياط ماعدا واحد كان معاه واسطه نزلوه عسكرى .. لكن اخويا كان بجد عنده مشكله فى الفقرات و انزلاق غضروفى و كان معانا تقرير طبى بكده ... لو عندك مشكله صحيه بجد (لا قدر الله) حاول تعمل تقرير طبى بيها فى مستشفى حكومى و تقدم طعن لو طلعوك لائق و تروح القومسيون الطبى و فى 99% من الحالات هتطلع غير لائق ...

هو انت واخد اعفاء لية الاول
لكن فى حاجات مهما حصل هتكون غير لائق وفى حاجات تانى ممكن تتاخد وممكن لا
انا اخدت اعفاء عشان عندى حرق فى المعصم الايمن واول ما رئيس الهايكست شافوا قوللى اعفاء من غير اى كلام
ربنا معاك وان شاء الله تاخد اعفاء نهانى وخير ان شاء الله