استشارة عاجلة وارجو الرد -- الطنابير والتيل صوت صفارة مزعجة جدا

**moryalex** · 22-09-2012 02:24 AM

السلام عليكم ورحمة الله وبركاته
عندى صوت صفارة عالية عند ضغط الفرامل - العربية دايو نوبيرا أوتوماتيك 2001
رحت للراجل بتاع تيل الفرامل
حل العجلة الامامية والعجلة الخلفية اللى من ناحية السواق
قاللى ان الطنابير فيها شفة وعايزة تتخرط وقاللى ان التيل عاوز يتغير لأنه صينى وناشف بياكل الطنابير
ودى الاسعار اللى قاللى عليها عاوز رأيكم أعملها واللا لأ:

ودى هتكون اخر خرطة بعد كدة الطنابير لازم يتغيروا بجديد او استعمال الخارج والتيل الامامى والخلفى عايزين يتغيروا بنوع كورى ناعم التفاصيل:
خرط طنابير امامى 40 جنيه
تيل أمامى كورى 85 جنيه
مصنعية أمامى 30 جنيه
خرط طنابير خلفى 20 جنيه
تيل فرامل خلفى 90 جنيه
مصنعية خلفى 30 جنيه
إجمالى 290 جنيه وبعد خصم 20 جنيه بتوع الكشف النهاردة يبقى الاجمالى 270 جنيه

أعمل الموضوع ده واللا اغير كله واجيب جديد وأمرى لله؟

**elnaser_m** · 22-09-2012 03:12 AM

مش خرط .. انت حتروح للخراط يمسحلك الطنابير .. عشان يشيل الشفة .. ولو الطنابير خلصانة المفروض تتغير (الاحسن جديد)
والتيل الصيني فعلاً ساعات بيبوط و(بيحمص) وبالتالي بيبهدل الطنبوره (خليك في الكوري الـ Gold )
ولو اني شايف الميكانيكي مأفور شوية في الاسعار .. بس الاخوه يفيدوك
والله اعلم :)

**tarek_2005** · 22-09-2012 12:07 PM

الطنابير تجيبها جديدة دي فرامل مش هزار
الخرط لا جدوي منه علشان المعالجة الحرارية بتاعت الطنبورة بتبوظ من الخرط وكلها علي الاكثر 6 شهور وهيقولك عايزين نغير الطنابير التيل الاصلي افضل شيئ وعن تجربة يليه الجولد