الموضوع: حد حصل معاه المشكلة دى .محتاج مساعدة بجد

انا فعلا عملت كل الحاجات دى والموبينة الا ركبة دلوقتى دى رقم 3
انا دلوقتى بدات اشك فعلا ان فى حاجة فى الكهربا الا رايحة للموبينة او الارضى الا الموجود فى فيشة الموبينة بس لو الكهربا فيها حاجة لية مش بتظهر المشكلة دى غير معا الزحمة الكتير بس ؟

اللى مخلينى اشك فى كدة لان لحظات حاجة و هى انى لما بشغل التكيف والعربية واقفة المفروض المؤشر بتاع ار بى ام بيكون واقف تحت رقم 1 لما بدوس على مفتاح التكييف المؤشر بينزل حاجة بسيطة لتحت ودا المفروض على ما اعتقد انة مش صح !

المشاركة الأصلية كتبت بواسطة hamada_5034

معلش ياجماعة انا هطول عليكم بس انا بجد محتاج لمساعدتكم لان المشكلة دى تعبانى جدا

انا عندى مشكلة بقالها 5 شهور وهى انى فى يوم كنت ماشى فى الحر و اول ما ركنت العربية راحت تلتت تتليت خفيفة وراحت مبطلة ورجعت دورت العربية اشتغلت ومكنتش مظبوطه فى المشى المهم بتطلت ودورات تانى قامت ومشيت عادى بعد حوالى ساعة تانى عملت نفس الحركة ورجعت مشيت تانى لما دورت العربية المهم روحت للميكانيكى ودا كان معاد الصيانة الدورية قالى نغير الفلتر بتاع البنزين لانة كان مسدود والبوجيهات لان دا معادها وقد كان ولكن الا حصل ان المشكلة زدات اللى زاد ان العربية بقت بتلت وهى واقفة من غير ماتبطل والتتليت دا بيزيد لما التكييف بيكون شغل رجعت للميكانيكى تانى وبص على البيوجهات الجديدة لاقيت بوجية فية شرخ فى الجزء الابيض (اول البوجية الا من ناحية الموبية ) المهم الراجل حط طقم من عندة وقالى جرب يمكن البوجيهات دى مضروبة المهم جربت ولكن المشكلة فضلت موجودة التليت اللى فى العربية موجودة زى ماهو . واداء العربية مبقاش زى الاول المهم رجعنا على سلك البوجيهات وكان شغال قولنا يمكن طرمبة البنزين حطيت واحدة تانية لكن نفس المشكلة موجودة المهم انا تعبت من البهدله وقولت دا اكيد حاجة العمر الافتراضى بتاعها انتهى و سبها بقا لحد ما تقف خالص وقد كان بدات اتعامل معاه العربية على العيب دا واستحملت لحد ما فى يوم وانا على المحور واقف فى الزحمة العربية قعدت تتلت جامدة جدا وبطلت وكل ما ادور العربية تدور وترجع تبطل تانى على طول نزلت فكيت فلتر البنزين وفتحت الكونتكت قولت اتاكد ان الطرمبة شغاله وكانت شغالة كويسه رجعت قعدت ادور تانى ولسة نفس العيب كل ما العربية تدور العربية تتلت وتبطل على طول لحد ما لمبة التشك نورت وساعتها فهمت على طول انها موبينة المهم سبت العربية فى الهوا شوية بردت ورجعت دورت قامت ومشيت عادى جدا ورحت حطيت العربية على اسكانر اتاكدت انها موبينة وروحت جبت واحدة جديدة بـ 450 وبالمرة قولت اجيب بوجيهات ان جى كا جديدة بـ 50 وسلك بوجهيات جديد بـ 60 او 40 مش فاكر اوى المهم العربية مشيت تمام ولكن المشكلة فضلت موجودة ان العربية تتلت وتبطل فى الزحمة بس زحمة لفترة طويلة شوية ولمبة التشك نورت تانى ورحت حطيت العربية على اسكانر برضوة ظهر العيب انة موبينة وان القراءة بتاعت حاسس الشكمان مش حلو اوى بس شغال المهم غيرت الموبينة بواحدة استيراد لان مكنش فى انضف من النوع اللى كنت جايبة وبعدها بيومين الموبينة دى وقف فيها طرفين الراجل قالى روح رجعها رجعتها وجبت غيرها وكنت شغال كويسة ولكن العربية نفس العيب موجود لما تقف فى زحمة كتير تتلت وتبطل ولازم تسبها تبرد رغم ان العربية نفسها مش بتسخن و غيرت حاسس الشكمان ولكن لا جديد

المشكلة باختصار شديدة ان العربية لما تمشى فى زحمة كتير فى لحظة تقعد تتلت وتبطل وترجع تدور . تدور وتتلت على طول وتبطل ولازم اسبها شوية وارجع ادور تدور وتمشى عادى جدا

معلش انا حبيت اقول التفاصيل كلها عشان يكون عندكم تصور كامل للمشكلة لانى تعبت من البهدلة والمصاريف الكتير ونفسى اوصل للحاجة الا عمله المشكلة دى

نفس مشكلتك دي حصلت معايا والحل كانت الرشاشات مش نظيفة جبت سبراي والميكانيكي حطت في الرشااشات وشاتعلت معايا كويس بس بالمناسبة الموضوع ده كان من شهرين تقيريبا وحصلت معايا النهاردة برده وروحت اديتها رشتين بس مش عارف بقي ده طبيعي ولا كده الرشاشات فيها مشكلة اتمني من الاعضاء حد يفيدنا في القصة دي