الموضوع: العربية رجعت وفيها 60 الف جنيه؟؟؟؟؟؟؟؟؟؟؟

المشاركة الأصلية كتبت بواسطة sha2e

استاذ منسي حضرتك فاتح موضوع للنقاش العام وزي ما عرضنا الموضوع وحللناه من وجهة نظر واحده - وده كان خطأ مني - فكان لازم نعرض الاتجاه الاخر ونحلله برضو ونظهر مواضع الشك فيه
فمفيش داعي ان حضرتك تضايق لو طرحنا فكرة - مجرد فكرة ولم نتهم احد بشكل يقيني برغم كل الثغرات - ان صاحب العربيه قد يكون له دخل فى الموضوع ؟

انا مش متضايق ولا حاجة انا اللى حكالى الموضوع واحد قريبي ومش شرط انه يكون نقل الموضوع بحذافيره زى مابيقولو وانا طرحته هنا للنقاش ليس الا

اولا بخصوص التبليغ :
الطبيعى اى حد بينزل من بيته مش بيلاقى عربيته اول حاجه بيعملها انه يبلغ
خصوصا انها مش مسروقه منه بالقوه وساعتها بتتاخد العربيه بالرخص ومعاهم موبيل صاحب العربيه عشان يتواصل معاهم بشكل اسرع لدفع الفدية
وده طبعا محصلش فايه الى هيخليه يستنى ميبلغش ؟؟

ثانيا فترة التبليغ :
حضرتك قولت قبل كده انهم اتصلو بيه بعد ما العربيه اتسرقت بيومين مش فى يومها وده كلامك بالنص :

..................................................

احتمال - بقول احتمال - تكون قصه السرقه والرجوع كلها قصه مختلقه خشية افتضاح حادئه اخرى قد تكون على سبيل المثال

استخدام السلاح شخصى فى جريمه ما وخشية افتضاح امرها بعد ذلك
فى الحاله دي هيتقال ان يوم الحادثة كان السلاح فى العربيه وكانت العربيه مسروقه والناس كلها عارفه كده

وممكن يكون صاحب السياره علي علم بأخذ السياره وحدث خلاف لاي سبب فذهب بنفسه لاخذ السياره من شرم
وقد يكون ابن صاحب السياره هو المتورط فى هذه العمليه ودور والده هو محاولة اخراجه من هذه الورطه
خصوصا لو عرفنا ان الشهر الى فات كله كان الدنيا كلها مقلوبه فى سينا واى عربيه بتدخل او تطلع من سينا بيتم تصويرها اثناء مرورها فى النفق ثم رصدها و تسجيل ارقمها فى بعض الكمائن
واعتقد ان صاحب السياره يعرف كده ( أو تنبه له متأخر )

وذي ما احنا ناقشنا الموضوع من وجهة نظر لازم نحاول نبص للموضوع من زاويه مخلتفه حرصا على حضرتك برضو لأن فى بعض الامور الغريبه فى الموضوع
1- ذهاب صاحب السيارة بنفسه لشرم لمجرد ان واحد اتصل بيه وقاله العربيه هناك - بغض الطرف عن حصولهم على رقم هاتفه .
2- على غير المتوقع محاولة اذاعة الصيت لحادثة سرقه السيارة ورجوعها بمبلغ مالي مرفق معه جواب شكر

واتمني من حضرتك انك متاخدتش الموضوع بمحمل شخصي لان زي ما واضح من كلامك عدم وجود صله قويه بينك وبين صاحب السياره لعدم معرفتك لمهنتة بصوره دقيقه
وان كنت اتمنى انك تقدر تقنع حد من المقربين ليه انه يبلغ كي يربأ بنفسه عن شبهات أو مشاكل قد تواجه مستقبلا
لان بغض النظر عن دور صاحب السياره سواء جاني او مجني عليه واضح من ردود اغلب الاعضاء ان رأيهم انه الموضوع لم ينتهي بعد

واخيرا سيدي الفاضل نحن لا نتهم أحد ولكن ننقاش الموضوع من كل الجوانب وجميع الاحتمالات حتى لو كانت ضعيفه


تحياتي

صاحب السيارة لااعرفه كل الحكاية اللى انا سردتها قريبي كان بيحكيهالى على سبيل ان العربيات ممكن اليومين دول تتسرق للاستخدام فى هذا الاتجاه وبعدين يسيبوها فالموضوع فى الاول والا مجرد حادث حصل لجار قريبي ده وهو حكاه ومش شرط يكون اللى قريبي حكهولى هو الحقيقة ممكن يكون هو ده الكلام اللى اتقاله من صاحب العربية والله اعلم الحقيقة فين

متقلقش انا الحمد لله عمرى ما ازعل من حد