انا مش معاهم

**sha2e** · 23-09-2012 12:33 AM

المشاركة الأصلية كتبت بواسطة ali_333

بس خد بالك يامعلم ملهاش لازمة الجنيهات اللي بندفعها ضرايب وجمارك اعتبر ان مرسي قال انه

حيطبع 5 الاف مليار جنيه ويوزعها عالشعب يعني الواحد حيمشي بشوال فلوس

ملهاش اي لزمة عشان تاني يوم حتلاقي السلع كلها خلصت من المحلات وحنضطر ناكل الجنيهات

توضيح بسيط
لما ينطبع فلوس بتقل قيمتها وبالتالى فى المقابل قيمة اى سلعه بتزيد
وللأسف كده كده لازم هينطبع السنادي تلاتين اربعين مليار
لأن القرض الى البنك الدولي هيقدمه لينا مينفعش يتعمل بيه استثمارات لانه مقدم لسد عجز الموازنه فقط
وطبعا البنك المركزي ممعهوش سيوله 30 مليار جنيه فهعمل ايه ؟
هياخد 4.7 مليار دولار يحطهم احتياطي نقض اجنبي عشان يعلى الرانك لجذب الاستثمارات وفى المقابل يطبع تلاتين او اربعين مليار جنيه لسد عجز الموازنه العامه
طبعا ده هيأدي الى انخفاض قيمة الجنيه " تعويم الجنيه "

تحياتي

**mahmoudselim** · 23-09-2012 03:00 AM

ما هما علشان كان بيسرقونا وناهبينا كانوا بيحدرونا بموضوع الدعم وال كانوا هيشلوا علي فكرة.

المهم يعني ربنا يكون في عون مرسي والاخوان هيلحقوها علي مين ولا مين, وانا زهقتلهم والله.
بص يا باشا اعملك حزب وابقي ريس وغيرلنا البلد في سنة, ولا انزل اعمل ثورة تانية وشيلوا مرسي
وهات اي حد تحبوا وعاوز اشوف البلد زي ما انت متخيلها كدا في كلامك في سنة برضوا. والعربية ام 7000 ريال دي في السعودية هما الاخوان ولا مرسي هما السبب فيها؟ وموضوع ال 100 يوم دا هو قال بالحرف ان هيفتح ال 5 ملفات دي في اول 100 يوم ماقلش هيقضي علي المشاكل كلها في 100 يوم.

عامتا في انتخابات مجلس شعب ورئاسة بعد كدا, وهات ال تحبة بس خلينا نشوف هيخليلك العربية ب 10000 جنية اذاي!! ولو مش قادر تصبر زي ما قلتلك انزل اعمل ثورة وشيل الريس والاخوان . وموضوع شيل الدعم من علي البنزين كان بيتقال كتير في اخر ايام المخلوع وعندك ارشيف الجرائد والمقابالات التلفزيونية. بس قبل دا كلة لما حضرتك تبقي الريس وعايز تطور الموانى والشحن والتصنيع والتعدين والسياحة وجذب استثمارا, عرفني بس هتجيب الفلوس بتاعت الكلام دا منين؟ والله دي حاجة تحرق الدم, البلد اصلا مستليمنها خرااااااااااااااااااابة والناس فاكر مرسي ولا الاخوان سحرة وهيقلبوها جنة وبيقولهوم كلام مقالهوش اصلا, خليهالي انت جنة بقي.

**mahmoudselim** · 23-09-2012 03:07 AM

المشاركة الأصلية كتبت بواسطة amr_8800

يا باشا مهو انت مش فاهم اصل الصبر خلص
ده حتى ايام يوسف بطرس غالي (الحرامي الهارب)
كان الكلام بيتقال كده
(لا مساس بأسعار المواد البتروليه)
تيجي احنا بقا لحكومه الثوره ونغلي البنزين والسولار
تيجي ازاي دي
وعجبي

هو مش يوسف بطرس زفت دا برضوا ال عمل قانون الضرائب ال بيزيد الفقير والمتوسط
فقرا, ويزيد الغني غني, ويوسف بطرس دا ال طلع وقال ان وزارة المالية بتدعم الغاء دعم البنزين,
ويوسف زفت دا مش هو برضوا صاحب الصناديق الخاصة ال سارقين بيها البلد

لا مساس فعلا . طيب اتفضل مناقشات مجلس الشعب سنة 2010 ( احمد عز)

بات من المؤكد ان رفع الدعم عن البنزين اصبح امرا مؤكدا خلال الشهور القادمة فقد قاد أحمد عز رئيس لجنة الخطة والموازنة نواب الحزب فى مجلس الشعب أمس إلى تصويت غير رسمى انتهى بأن «الدعم المقدم إلى بنزين 92 حرام».

وخلال اجتماع لجنة الخطة والموازنة فى المجلس أمس أشار النائب محمد محمدين أمين سر اللجنة إلى أن الحكومة تدعم بنزين 90 بنسبة 36٪ فى حين أنها تدعم بنسبة 92 بنسبة 46٪ وتدخل عز فى الحوار وسأل النائب......الخ
فيديو: الغاء الدعم عن بنزين 92.

اليوم السابع

رفع أسعار البنزين والسولار والغاز 40%بعد انتخابات الشورى.. فهمى يعترف بأن الدولة تربح من البترول فيعارضه رئيس لجنة الخطة والموازنة: «والله العظيم تلاتة بتخسر»

السبت، 15 مايو 2010 -.

http://www.youm7.com/News.asp?NewsID=227501

الشعب الشعب : 17 - 05 - 2010

رفض عدد من الاقتصاديين مطالب بعض أعضاء مجلس الشعب( احمد عز وشلتة الحاكمة) مؤخرا بإلغاء الدعم عن البنزين والسولار بحجة أن الدعم يذهب إلى غير مستحقيه من الأغنياء،

http://www.masress.com/alshaab/23771

&

**semi** · 23-09-2012 06:25 AM

بصراحة انا مندهششششششششششش من الناس اللي بتقارن عصر مبارك بدلوقتي
حرام عليكم يااخوانى هو عشان الدنيا ضاقت شوية بعد الثورة نقوم نقول ان على الاقل حسني مبارك كنا بنعرف ناكل
لا طبعا انتوا نسيتم الشرطة كانت عملة ازاي وكانوا بيعملوا البني ادمين ازاي
امن الدولة اللي كان مبهدل الناس وبيتحكم في كل حاجه وبيتجسس علينا
رغيف العيش اللي كانت الناس بتموت عشانه
اراضي الدولة اللي كانت بتتباع بأبخس الاسعار
المصانع اللي كانت بتتباع في صفقات فساد علنية زي عمر افندي ومحدش قدر يفتح بقه
العيشة اللي كانت عمالة تغلى يوم عن يوم
قضية التوريث اللي كان الحرامي عايز يعملها في اخر ايامه
احمد عز المستفز اللي قولتها بالنص من 3 سنين لو احنا عايشين في بلد بصحيح احمد عز ده مكان السجن
وغيره وغيره بس حبت افكركم بشوية حاجات يمكن يكون الزمن نساكم

**S O P H O S** · 23-09-2012 08:03 AM

المشاركة الأصلية كتبت بواسطة semi

صبرنا على حسني مبارك واحنا عارفين انه حرامي ومعاه عصابة 30 سنه مش هنصبر على الرئيس الجديد
واحنا عارفين انهم عايزين يطهروا البلد وعايزين يعملوا اصلاحات
موضوع السئ والأسوأ فاحنا فعليا عايشين فيه من سنين
مفيش مظهر فساد موجود حاليا الا وكان موجود من قبل
من الظلم الحكم على اي نتائج للحكومة الحالية لازم نصبر
بل بالعكس انا متفاءل جدا باداء الرئيس والحكومة على الاقل اصلحوا اخطاء المجلس العسكري
والاوضاع في البلد هدأت نسبيا والحمد لله

+111111111

**Magoda** · 23-09-2012 08:51 AM

انا بصور بلدنا على انها عربيه عاملة حادثة واتعجنت
تفتكروا هتاخد كام وقت عشان ترجع فابريكة تانى
شهر ولا 2 ولا 5 ولا كام بالظبط عشان ترجع زى الاول تانى
وطبعا مع وجود معوقات بيحاول يعديها ويصلحها
مرسى استلم البلد كدته معجونة فى بعضها
فمابالك تصليح عربيه بياخد وقت أد إيه فما بالك بلد كاملة فيها فساد 30 سنة
ربنا يحفظ بلدنا وتكووون أحسن فى الايام القادمة

**tutankhamoun** · 23-09-2012 09:01 AM

أحنا لسة عايشين عهد مبارك .

هما الأخوان لحقوا يعملوا حاجة ؟؟؟؟؟؟؟؟؟؟؟؟؟؟؟؟

أنا لم أنتخبهم ........... و لكن من الظلم أن نحكم عليهم في فترة صغيرة .

و أنا شايف أن مرسي معقول و لكنه سلبي شوية تجاه تشديد عقوبات البلطجة مش عارف ليه ؟؟؟؟؟؟؟؟؟؟

إنما اللي أحنا فيه و لا الاخوان لهم فيه ناقة و لا جمل .

دي مصايبنا أحنا كشعب و مصايب الحكومة المباركية لمدة تزيد عن 30 سنة في تخريب البلد .

**amr_8800** · 23-09-2012 01:25 PM

المشاركة الأصلية كتبت بواسطة mahmoudselim

ما هما علشان كان بيسرقونا وناهبينا كانوا بيحدرونا بموضوع الدعم وال كانوا هيشلوا علي فكرة.

المهم يعني ربنا يكون في عون مرسي والاخوان هيلحقوها علي مين ولا مين, وانا زهقتلهم والله.
بص يا باشا اعملك حزب وابقي ريس وغيرلنا البلد في سنة, ولا انزل اعمل ثورة تانية وشيلوا مرسي
وهات اي حد تحبوا وعاوز اشوف البلد زي ما انت متخيلها كدا في كلامك في سنة برضوا. والعربية ام 7000 ريال دي في السعودية هما الاخوان ولا مرسي هما السبب فيها؟ وموضوع ال 100 يوم دا هو قال بالحرف ان هيفتح ال 5 ملفات دي في اول 100 يوم ماقلش هيقضي علي المشاكل كلها في 100 يوم.

عامتا في انتخابات مجلس شعب ورئاسة بعد كدا, وهات ال تحبة بس خلينا نشوف هيخليلك العربية ب 10000 جنية اذاي!! ولو مش قادر تصبر زي ما قلتلك انزل اعمل ثورة وشيل الريس والاخوان . وموضوع شيل الدعم من علي البنزين كان بيتقال كتير في اخر ايام المخلوع وعندك ارشيف الجرائد والمقابالات التلفزيونية. بس قبل دا كلة لما حضرتك تبقي الريس وعايز تطور الموانى والشحن والتصنيع والتعدين والسياحة وجذب استثمارا, عرفني بس هتجيب الفلوس بتاعت الكلام دا منين؟ والله دي حاجة تحرق الدم, البلد اصلا مستليمنها خرااااااااااااااااااابة والناس فاكر مرسي ولا الاخوان سحرة وهيقلبوها جنة وبيقولهوم كلام مقالهوش اصلا, خليهالي انت جنة بقي.

هو في الاول انا لما كنت بتكلم موجهتش كلامي لحد ولا هاجمت حد
انا كنت مجرد بنقض اوضاع شايفها غلط ودي ابسط حقوقي
انت دلوقتي بتهاجمني (شيل وحط وتعالي) عشان انا بمارس ابسط حقوقي
لا وايه كمان بنتكلم بنفس الطريقه القديمه (الي مش معايا يبقا ضدي)
عشان بقول في اوضاع مش عجباني يبقا انا بقيت عايز اشيل الريس وعايز اعمل ثوره جديده
لا كمان عايز ابقا ريس
انت كده ناقص توجهلي تهمة (التأمر على قلب نظام الحكم)
وعلى فكره انا مش ضد الريس خالص بالعكس
بس انا عايز بلدنا تبقا احسن (تفتكر من حقي احلم)

واسف لو كلامي مبيعجبكش

**ahmedkhairy** · 23-09-2012 03:42 PM

الأمور دى مش هتنتهى فى يوم وليلة

**mahmoudselim** · 23-09-2012 08:40 PM

المشاركة الأصلية كتبت بواسطة amr_8800

هو في الاول انا لما كنت بتكلم موجهتش كلامي لحد ولا هاجمت حد
انا كنت مجرد بنقض اوضاع شايفها غلط ودي ابسط حقوقي
انت دلوقتي بتهاجمني (شيل وحط وتعالي) عشان انا بمارس ابسط حقوقي
لا وايه كمان بنتكلم بنفس الطريقه القديمه (الي مش معايا يبقا ضدي)
عشان بقول في اوضاع مش عجباني يبقا انا بقيت عايز اشيل الريس وعايز اعمل ثوره جديده
لا كمان عايز ابقا ريس
انت كده ناقص توجهلي تهمة (التأمر على قلب نظام الحكم)
وعلى فكره انا مش ضد الريس خالص بالعكس
بس انا عايز بلدنا تبقا احسن (تفتكر من حقي احلم)

واسف لو كلامي مبيعجبكش

لا اتكلم براحتك المهم تتكلم في الصح ولما تقول كلام لازم يبقي صح
جبت منين ان ايام الحرامي كانو بيقولوا مش هيشيلوا الدعم من علي البترول
وان الرئيس مرسي هو ال كخة علشان هو ال هيشيل الدعم.
وبعدين ما انا لازم (اشيلك وأحطك وأجيبك) طالما انت حطيت نفسك في مكان الرئيس
وأقولك المشاكل ال انت بتقول حلها بسيط دي هتتحل اذاي وهتجبلها فلوس اذاي, كمل وجهة نظرك بقي, ولا انت عليك تحط نفسك مكن الريس في ايجاد المشاكل بس وخلاص( دي سياسة المواطن السلبي , يهاجم وخلاص من غير حلول) . وبعدين يا بطل انت لية ماردتش علي موضوع مناقشة مجلس شعب المخلوع بشيل الدعم علي البنزين؟! ما انت كنت عمال تقول ان في عهدة كااان لا مسااااس والكلام دا. وجبتلك بالدليل ان كلامك غلط ودا ال بينرفز الواحد وربنا يكون في عون الريس الناس جالها زهايمر مرة واحدة ومش عارف بيقرنوا اية باااية.وفي ملاااين عاملين نفسهم روؤاسة وبيتكلموا في ال ملهومش فية. ولو اتكلم 90% من كلامة غلط وماعندهوش دليل اللهم من سمع المزيعين والبرامج ال اياام المخلوع كانوا ولا مؤاخذة وتقولوا انت عايش في احسن بلد وعندك احسن رئيس واحسن اقتصاد وولي العهد العبقري ال ماجبتهوش ولادة. بص انا ال حارق دمي كلمة قالها السادات وافهمها انت بقي ( احنا كل ما نتقدم خطوة لقدام يرجعونا عشرة لورا)

الموضوع: انا مش معاهم

LinkBack

أدوات الموضوع

عرض

-

-

-

-

-

المواضيع المتشابهه

للي معاهم ميجان 3

سؤال للي معاهم الmcv اوتوماتيك

الاسكندرانيه اللى معاهم بوينتر

استرها يارب معاهم

كان نفسي اتخانق معاهم !!!!

الكلمات الدلالية لهذا الموضوع

المفضلات

المفضلات

ضوابط المشاركة