انا مش معاهم

**waelfarid** · 23-09-2012 09:50 PM

هووووف
حاجة تزهق
الصبر من عندك يارب

**OMAR61995** · 23-09-2012 10:09 PM

المشكلة مش فى رفع الدعم
المشكلة فى الناس اللى بتقول اللى معاه عربية يبقى غنى و مش محتاج دعم
الناس دى نوع من اتنين
1) ناس ملهاش فى العربيات و فاكرة أنك بتحط بنزين و تمشى من غير صيانات ولا مصاريف
و أنك بتحط 92 عشان تحرق فلوسك و خلاص
2)النوع التانى يتلخص فى الصورة دى

=================
يا ريت نبقى حياديين و نسيب أيام حسنى فى حالها و منقولش زمان و دلوقتى
احنا دلوقتى بعد الثورة و المفروض لما يكون قرار وحش نعترف بكده مش نطلع حجج و نقول البلد أصلاً بايظة

**mahmoudysf** · 24-09-2012 01:50 AM

المشاركة الأصلية كتبت بواسطة mahmoudselim

ما هما علشان كان بيسرقونا وناهبينا كانوا بيحدرونا بموضوع الدعم وال كانوا هيشلوا علي فكرة.

المهم يعني ربنا يكون في عون مرسي والاخوان هيلحقوها علي مين ولا مين, وانا زهقتلهم والله.
بص يا باشا اعملك حزب وابقي ريس وغيرلنا البلد في سنة, ولا انزل اعمل ثورة تانية وشيلوا مرسي
وهات اي حد تحبوا وعاوز اشوف البلد زي ما انت متخيلها كدا في كلامك في سنة برضوا. والعربية ام 7000 ريال دي في السعودية هما الاخوان ولا مرسي هما السبب فيها؟ وموضوع ال 100 يوم دا هو قال بالحرف ان هيفتح ال 5 ملفات دي في اول 100 يوم ماقلش هيقضي علي المشاكل كلها في 100 يوم.

عامتا في انتخابات مجلس شعب ورئاسة بعد كدا, وهات ال تحبة بس خلينا نشوف هيخليلك العربية ب 10000 جنية اذاي!! ولو مش قادر تصبر زي ما قلتلك انزل اعمل ثورة وشيل الريس والاخوان . وموضوع شيل الدعم من علي البنزين كان بيتقال كتير في اخر ايام المخلوع وعندك ارشيف الجرائد والمقابالات التلفزيونية. بس قبل دا كلة لما حضرتك تبقي الريس وعايز تطور الموانى والشحن والتصنيع والتعدين والسياحة وجذب استثمارا, عرفني بس هتجيب الفلوس بتاعت الكلام دا منين؟ والله دي حاجة تحرق الدم, البلد اصلا مستليمنها خرااااااااااااااااااابة والناس فاكر مرسي ولا الاخوان سحرة وهيقلبوها جنة وبيقولهوم كلام مقالهوش اصلا, خليهالي انت جنة بقي.

المشاركة الأصلية كتبت بواسطة semi

بصراحة انا مندهششششششششششش من الناس اللي بتقارن عصر مبارك بدلوقتي
حرام عليكم يااخوانى هو عشان الدنيا ضاقت شوية بعد الثورة نقوم نقول ان على الاقل حسني مبارك كنا بنعرف ناكل
لا طبعا انتوا نسيتم الشرطة كانت عملة ازاي وكانوا بيعملوا البني ادمين ازاي
امن الدولة اللي كان مبهدل الناس وبيتحكم في كل حاجه وبيتجسس علينا
رغيف العيش اللي كانت الناس بتموت عشانه
اراضي الدولة اللي كانت بتتباع بأبخس الاسعار
المصانع اللي كانت بتتباع في صفقات فساد علنية زي عمر افندي ومحدش قدر يفتح بقه
العيشة اللي كانت عمالة تغلى يوم عن يوم
قضية التوريث اللي كان الحرامي عايز يعملها في اخر ايامه
احمد عز المستفز اللي قولتها بالنص من 3 سنين لو احنا عايشين في بلد بصحيح احمد عز ده مكان السجن
وغيره وغيره بس حبت افكركم بشوية حاجات يمكن يكون الزمن نساكم

المشاركة الأصلية كتبت بواسطة mahmoudselim

لا اتكلم براحتك المهم تتكلم في الصح ولما تقول كلام لازم يبقي صح
جبت منين ان ايام الحرامي كانو بيقولوا مش هيشيلوا الدعم من علي البترول
وان الرئيس مرسي هو ال كخة علشان هو ال هيشيل الدعم.
وبعدين ما انا لازم (اشيلك وأحطك وأجيبك) طالما انت حطيت نفسك في مكان الرئيس
وأقولك المشاكل ال انت بتقول حلها بسيط دي هتتحل اذاي وهتجبلها فلوس اذاي, كمل وجهة نظرك بقي, ولا انت عليك تحط نفسك مكن الريس في ايجاد المشاكل بس وخلاص( دي سياسة المواطن السلبي , يهاجم وخلاص من غير حلول) . وبعدين يا بطل انت لية ماردتش علي موضوع مناقشة مجلس شعب المخلوع بشيل الدعم علي البنزين؟! ما انت كنت عمال تقول ان في عهدة كااان لا مسااااس والكلام دا. وجبتلك بالدليل ان كلامك غلط ودا ال بينرفز الواحد وربنا يكون في عون الريس الناس جالها زهايمر مرة واحدة ومش عارف بيقرنوا اية باااية.وفي ملاااين عاملين نفسهم روؤاسة وبيتكلموا في ال ملهومش فية. ولو اتكلم 90% من كلامة غلط وماعندهوش دليل اللهم من سمع المزيعين والبرامج ال اياام المخلوع كانوا ولا مؤاخذة وتقولوا انت عايش في احسن بلد وعندك احسن رئيس واحسن اقتصاد وولي العهد العبقري ال ماجبتهوش ولادة. بص انا ال حارق دمي كلمة قالها السادات وافهمها انت بقي ( احنا كل ما نتقدم خطوة لقدام يرجعونا عشرة لورا)

الله ينور قولتو اللي عايز ااقوله
:018a1d~146::018a1d~146::018a1d~146::018a1d~146:

**ahmed-moga** · 24-09-2012 05:22 AM

ياريت زملائنا الأفاضل التي تشجع وتدعم وتدافع بأستماته عن الرئيس في قرارته وطريقة حكمه وطريقة تسيره للبلاد أن تحذر ولا تبالغ في ذلك فليس كل من ينتقد قرار او تصرف للرئيس يعني هذا ان المقصود به مهاجمة الرئيس لأن بذلك نكون نحن بحق من يصنع الفرعون دون ان نشعر فقد يكون القصد من ذلك تبيان وايضاح خطأ هذا القرار وان ذلك يكون من منطلق الحرص علي الصالح العام للبلد وللرئيس من خلال نقضه بموضعيه وطرح الحلول البديله لتجنب الوقوع فيما وقع فيه السابقون الذين اعرضوا عن سماع النصيحه فأصبحوا بذلك فاسدون
ثمة هناك آمر هل من المنطقي اتباع نفس سياسات النظام الفاسد السابق والذي كاد احمد عز وشلته ان ينفذوه وقد تبنوا هذه الأفكار السوداويه والأفكار الهدامه التي أتت ضد مصلحة المواطن البسيط والتي جعلت الشعب ينفجر ليثور ويخلع رأس هذا النظام ويبعث بهؤلاء الي السجون هذا الفساد الذي تسبب في ظلم وذل وقهر وامتهان هذا المواطن وجعله يعيش عيشه غير كريمه بل غير آدميه علي الأطلاق فهل من المعقول تنفيذ هذه السياسات مره ثانيه فلماذا أذن ثارت المعارضه و الأخوان وقتها علي تلك القرارات واعترضوا عليها في المجلس والأن لايرون لاغضاضة فيها ويريدون تنفيذها بل يدافعون عنها ويهاجمون من يعترض عليها ويلتمسون لهم الأعذار التي تبيح لهم تنفيذها من قبيل انها من الضرورات التي تبيح المحظورات
واذا تم تنفيذها فذلك يعتبر اعترافا صريحا من الرئيس وحكومته ومن معارضي النظام السابق بأن هذا النظام كان علي حق وان سياستهم التي كانت يتبعونها كانت صحيحه وسليمه وان شعار (من اجلك انت و آطمن )كان سيكون بالفعل في صالح البلد وفي صالح المواطن البسيط
زملائي الأفاضل لايوجد انسان معصوم من الخطأ فكم من اناس لاتحسبهم لايخطئون وقد وقعوا في الخطأ لذا ينبغي علي كل شخص اذا كان يحب رئيسه او صديقه او اخيه حتي لو اخيه في الأسلام ان يشير عليه بالقرار الصحيح بشكل بناء وان ينصحه النصوحة الحق لا ان يتخذ وينصب نفسه في صورة الحرس الحديدي له ويستميت في الدفاع عنه او عن التيار الذي يمثله والا ماذا فرقنا عن الحزب الوطني والنظام السابق في محاربتهم لمعارضين رئيسهم المخلوع في سياسته الفاسده الخاطئه
قالي الله تعالي في محكم اياته
( يَا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ وَلا يَجْرِمَنَّكُمْ شَنَآنُ قَوْمٍ عَلَى أَلَّا تَعْدِلُوا اعْدِلُوا هُوَ أَقْرَبُ لِلتَّقْوَى وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ )
وتصبحون علي خير ....حي علي الصلاة ....الصلاة خير من النت