المشاركة الأصلية كتبت بواسطة aboomar22
ابسط راىء بقصة حقيقية حدثت معى واحد صاحبى كان عنده محل وكان مشغل ولد اونطجى وعامل زى العفريت قلتله يا سامى انا حاسس ان الواد ده حرامى قالى لا مش احساس هو فعلا حرامى بس مفتح وملحلح بسيب له المحل برجع الاقيه بايع كتير وبيعرف يبيع والناس بتحبة انا كنت مشغل صبيان كانوا امناء لكن خايبين ارجع الاقى الدرج فاضى --- انا شايف انها نفس الحسبة غير كده ان الشعب انتظر واتعشم فى اكتر من اللازم حياه افضل لقى كل حاجة بتغلى البلد تنظف لقها هى هى ومحدش شايف خير جاى يعنى مثلا مع احترامنا للجميع الدكتور قنديل راجل محترم جدا وعلى عينا وراسنا بس ايه مقوماتة انه يكون رئيس وزراء فى الفترة الحرجة دى -اسهل حاجة بيفكروا فى الموارد من الشعب البنزين الكهرباء المحمول رسوم زيارة المستشفيات رسوم التنمية بدلا من الحصول على موارد خارجية من تطوير الموانى والشحن والتصنيع والتعدين والسياحة وجذب استثمارات واللى زاد وغطى مشروع النهضة اللى الكل كان بيتغنى بيه طلع مشروع فكرى ومش كده وبس دا طلع العيب فى الشعب هو اللى مش مساعد فى تحقيق النهضة برضه دا كلام