بى ام دبليو الجديدة.. تشتكى لصاحبها ...!!!!

**Menna Hassan** · 22-09-2012 01:48 PM

بى ام دبليو دائما تطور من سياراتها كاى شركة ناجحة بى ام دبليو تبحث عن ما يحتاجة العميل و فى عصر المعلومات وجدت بى ام دبليو ان المعلومات التى يعرفها السائق عن سيارته تبدو منعدمة فيفاجأ فى الطريق بالكثير و حرصا من بى ام دبليو على تقديم افضل خدمة ممكنة لعملائها اعلنت عن تطويرها حزمة الأنظمة التكنولوجية المبتكرة كونيكتيد درايف ضمن سياراتها.....

ويمثل نظام بي إم دبليو كونيكتيد داريف فلسفة المجموعة منذ انطلاق الألفية الجديدة الهادفة إلى تأمين تبادل للمعلومات بين السائق والسيارة والعالم الخارجي على أعلى مستوى، ليحظى السائق وركاب المقصورة الداخلية بالمعلومات والخدمات التي تسهم في جعل تجربة القيادة أكثر راحة وسلامة.

وأضاف الصانع الألماني مزيداً من التطورات التكنولوجية الجديدة إلى باقة نظام كونيكتيد درايف، فإلى جانب الأنظمة القائمة أساساً ضمن الباقة، مثل نظام دعم السائق الذي يتصل تلقائياً بخدمات الطوارئ حال وقوع حادث استدعى استخدام الوسادات الهوائية، والبقاء على تواصل مباشر مع خدمات أون لاين الذي يسمح للركاب بتلقي الأخبار المباشرة وقراءة الرسائل الإلكترونية، شهد نظام خدمات بي إم دبليو للاتصال الهاتفي تيلي سيرفيس، إضافة عدد من المزايا الجديدة التي تسهم في إبقاء السائق على اطلاع على جميع المعلومات المتعلقة بالسيارة، حتى إن كان بعيداً عنها.

**ali_333** · 22-09-2012 01:55 PM

في منافسة شرسة بينها وبين ال 127

**Menna Hassan** · 22-09-2012 02:24 PM

المشاركة الأصلية كتبت بواسطة ali_333

في منافسة شرسة بينها وبين ال 127

اه فعلا...............
لدرجة انك متعرفش تقارن بينهم .............!!!!

00000000000000000000000

**Mostafa.Mahran** · 22-09-2012 02:34 PM

يعنى الواحد يجى بليل ينزل بالعربية يروح اى مكان تقوم العربية تقوله لا فكك منى انا مش رايحة معاك فى حته تانى سيبنى استريح من مشوار الصبح و خد تاكسى و انا هبقى احاسبك عليه

**Elawany13** · 22-09-2012 02:51 PM

ياااااااااااحلاوة
شكرا على الموضوع

**Menna Hassan** · 22-09-2012 03:57 PM

المشاركة الأصلية كتبت بواسطة eng.m mahran

يعنى الواحد يجى بليل ينزل بالعربية يروح اى مكان تقوم العربية تقوله لا فكك منى انا مش رايحة معاك فى حته تانى سيبنى استريح من مشوار الصبح و خد تاكسى و انا هبقى احاسبك عليه

ههههههههههههههههههههههه
انت متأكد انك بتتكلم عن العربية......؟؟؟؟

وبصراحة يعنى الست وعندها حق..........قصدى العربية وعندها حق....
مش كفايه عليها شغل البيت.......اقصد مش كفاية عليها مشوار الصبح......!!!!
ايه اللى انا بقوله ده.................؟؟
انت فصلتنى على فكرة..

**Menna Hassan** · 22-09-2012 04:06 PM

المشاركة الأصلية كتبت بواسطة Land_Cruiser

انا متخيل لما يجيبوا البى ام بنت الناس دى يمشوها فى شوارعنا اللى ما يعلم بيها غير ربنا. هتبقى عامله زى شيرين فى مسرحيه المتزوجون و بعدين تشتكى دى فى بلدها انما عندنا هتلطم و هتصوت و تقول ما كنش يومك و تفرج الناس على صاحبها و بعدين لما يحطلها البنزين بتاعنا تانكها اكيد هيوجعها و لازم يعملها عمليه غسل تانك كل شويه. الحمد لله ان العربيات بتاعتنا خرساء و مستحمله من غير ما تفتح بقها والا كنا سمعنا بلاوى

هههههههههههههههههههههههه
ههههههههههههههههههههههههه

تصدق,,,, حاسة انى عايزة اعيط.......!!!!!

0000000000000000000000000000000000

**a7medsh3rawi** · 22-09-2012 04:17 PM

النظام الصوتى دا فعال جدا وهو نفس نظام شاشة الاعطال بس بيتكلم والبى ام اثبتت وجودها فى مصر بشكل فعال ولو بصيت على جميع فئاتها هتلاقيها معمره ومستحمله واى واحد فى مصر اول ما ربنا يكرمه بفلوس علطول بيشتريها من غير ما يفكر وبعد التطور دا هتلاقيها بتقولك مثلا ( خلي بالك من المطب ) ( سيبك من البص على البنت وركز فى الطريق ) ( الحق الميكروباص هيزنق عليك ) وهكذا ...