حد يلحقني

**madinabaza** · 22-09-2012 02:49 PM

يا جماعه الماتريكس عندي الزيت بتاعها بينقص والشكمان بيطلع دخان ابيض خفيف كده لما بكارك المهم الميكانيكي بتاعي قالي المكنه سليمه ومش محتاجه عمرة ولا حاجه هيا بس فيها جلده حاجه كده نشفت فا بتعمل الدخان الابيض ده ورحت لميكانيكي تاني قاللي دي عايزة طقم شنبر ورحت لميكانيكي تالت قاللي دي عايزة بساتم وشنبر انا مبقتش عارف اعمل ايه لو حد يعرف يقولي

**madinabaza** · 22-09-2012 02:52 PM

وانا لو حبيعها رايكو اجيب اوبترا احسن ولا النترا 2005 ولا صني 2006؟؟؟ انهي واحده من دول اقل في المشاكل؟

**enghany** · 22-09-2012 04:10 PM

المشاركة الأصلية كتبت بواسطة madinabaza

يا جماعه الماتريكس عندي الزيت بتاعها بينقص والشكمان بيطلع دخان ابيض خفيف كده لما بكارك المهم الميكانيكي بتاعي قالي المكنه سليمه ومش محتاجه عمرة ولا حاجه هيا بس فيها جلده حاجه كده نشفت فا بتعمل الدخان الابيض ده ورحت لميكانيكي تاني قاللي دي عايزة طقم شنبر ورحت لميكانيكي تالت قاللي دي عايزة بساتم وشنبر انا مبقتش عارف اعمل ايه لو حد يعرف يقولي

االاخ الكريم
اولا نقصان الزيت ده من داخل الموتور 100% فهم حاتين اللي ينقصوا الزيت
1- اولسيه الصباب او جلد الصبابات بس بتكون الدخنه الصبح بس و نقصان الزيت بيكون علي فترات و كميات مش كتيره يعني نص كيلو كل 5000 كم
2- الشنبر بتاع الموتور
لكن انا عايز اقولك حاجه اللي يقولك انها عايزه اي حاجه قبل ما يفك وش السلندر يبقي ---- فهو لايعرف اذا كانت شنبر بس او بستم و شنبر او لاقدر الله خراطه شميز قبل ما يفك الوش بتاع السلندر
و كمان اعتقد ان ماينفعشي تبعها غير لما تعماها لان اللي هيشتري كده هيخسف بتنها الارض