تقريري عن تركيب فرش جلد لعربيتي عند شركة جينز كار
السلام عليكم ورحمه الله وبركاته
طبعا انا عربيتي سيراتو 2013 هاي لاين بس جايبها وكيل فمش نازله فيها فرش جلد وده كان منكد عليا جامد وكنت شايل هم الفرش اللي هركبه بس بعد البحث الطويل على الانترنت الحمد لله وجدت ضالتي في منتدنا العزيز نايل موتورز ولقيت شركة جينز كار وشوفت شغلهم بالصور طبعا انا اتوهمت بالصور وقلت معقولة الفرش هيطلع كده ؟؟؟
طبعا لازم ادي كل ذي حق حقه الكلام على الحاج احمد مشعل هان في المنتدى كتير اوي انه راجل كريم وجدع وطيب وذوق والكلام ده انا قلت يمكن مبالغة او شغل دعايا بس فعلا لما روحت الكلام اللي متقال عليه في المنتدى هنا قليل اوي عليه والله العظيم الراجل ذوق لابعد الحدود كريم جدا وابن بلد اوي وفعلا ربنا يباركله في شغله وفي عياله .
طبعا انا من محافظة المنيا فمكنش هينفع اني اروح اختار الفرش وارجعله بعد 4 ايام علشان التركيب الراجل طبعا يشكر قالي تعالى وهتمشي في نفس اليوم فعلا اداني معاد على يوم الخميس 20/9/2012 الساعه 10 الصبح وفعلا كنت عندهم بالدقيقة وقعدت استنيت لغايه لما جه ابنه عبدالله بيه اللي اول ما شوفته حسيت اني اعرفه من زمان جدا والله وقعدنا وهزرنا مع بعض شاب زي العسل للامانه تحس اننا كنا بنلعب كورة في الشارع مع بعض واحنا صغيرين :)))))))))
المهم اخترت الفرش اللي انا عايز والتطريز وكمان اخترت فرش الارضيه معلش انا طولت عليكم واسيبكم مع الصور
دي العربية بعد فك الكراسي منها
http://im19.gulfup.com/NWjD11.jpg
ودي مرحلة فرش الجلد للجانب الايسر
http://im19.gulfup.com/CweoP2.jpg
وده الاسطى عمرو وهو بيفرش الجلد صنايعي ومحترف بجد
http://im19.gulfup.com/VnA383.jpg
ده الجانب الايسر بس ما خلص
http://im19.gulfup.com/Xz9SU4.jpg
وده الجانب لاايمن وهو لسه بيبتدي فيه
http://im19.gulfup.com/iqBGs5.jpg
http://im19.gulfup.com/Dfln26.jpg
الصورة دي بتبين الفرش الاصلي " القماش " والجلد اللي بيركب على فكرة انا مركب جلد الارضيه المستور مش المصري
http://im19.gulfup.com/05X9h8.jpg
وده الكرسي بعد ما اتعمل جلد وجنبه كرسي بالفرش الاصلي للعربية وبصراحه الكرسي كانه فعلا طالع فابريقه زي السيراتو الخليجي بالضبط واللي كان نفسي فيها بسبب فرشها
http://im19.gulfup.com/PQl7r9.jpg
http://im19.gulfup.com/qoPPo10.jpg
دي العربية بعد ما خلصت خالص بس للاسف الصورة مش واضحه اوي علشان بالليل وباين فيها المخادع اللي ادهالي الحاج احمد هديه غير الفوط طبعا لتنظيف العربية والمعطر كل دي هدايا وحاجات نظيفة جدا على فكرة يعني الراجل مش بيطلع هدايا اي كلام
http://im21.gulfup.com/ylpDn1.jpg
الحمد لله العربية طلعت تحفة بجد بعد الفرش ما ركب عليها وفعلا الناس اللي شغاله ناس محترفة جدا جدا وعلى اعلى مستوى وعلى فكرة الحاج احمد مش ذوق وكريم مع العملاء بس واضح كمان ان مع الصنايعيه جدع وكريم جدا ومريحهم على الاخر والله العظيم الصنايعيه كانوا بيشكروا في الحاج احمد من ورا ظهره وبيقولوا عليه احلى كلام طبعا كلنا عارفين ان اغلب علاقه اصحاب العمل بالصنايعيه مش لطيفة بس بالامانه في شركة جينز كار عكس كده تماما تحس ان الصنايعيه شغالين في مكانهم مش عند حد
معلش انا عارف اني طولت عليكم بس علشان ادي للشركة دي حقها ومهما اتكلمت برده مش هوفي :))))
اه صح نسيت ندمت ندم عمري اني مخدتش صورة مع الحاج احمد بس كنت هموت من التعب لاني كنت طالع من المنيا في الفجر ومشيت من عنده الساعه 10 بالليل :((( خيرها في غيرها ان شاءالله
طبعا الشغل كله عليه ضمان 4 سنين يعني صبااااااااح الفل :))))