محتاج مساعدتكم في تركيب الساوند اللي جبته
السلام عليكم و رحمه الله و بركاته
الحمد لله اشتريت طقم الساوند اللي كنت عايزة و دا اولا بفضل الله سبحانة و تعالي و ثانيا مشاركات الناس المحترمة جدا هنا اللي استفدت و اتعلمت منها و الطقم كالاتي
JBL 1000W 250 RMS
ZERO POWER CITI SOUND CT 5000
AMP SYMPHONY 500W 4 Channel
الهيد عندي كاسيت سيتي ساوند اللي كان بي 350 جنيه mp3 cd radio usb mem card علي قدي بس نضيف والله اداؤه بالنسبة لسعرة
6 متر سلك 6 م للكهرباء و 6 متر 1م للريموت و كمان جبت 5 متر 3 م اخلية للسماعات و كدا
ناقصني بقا RCA و مش عارف اجيب كام 1 و لا 2
انا عايز اوصل سمعاتين + البازوكا علي الامب وطبعا هافصل البيز عن السماعات لانها دائري بايونير بس مش عارف كام وات هيا جامد بصراحة و اصلي لان الحج اللي كان شاريها من حوالي 6 سنين :]
و بصراحة مش عارف اوصل الليله دي ازاي و اركب الزيرو باور علي الكاسيت ولا علي الامب
و محتار اركب فين الكلام دا و يعمل كام فلوس و كدا
ياريت اي حد يساعدني باللي يقدر علية لاني ناوي اركب اليوم بمشيئة الله
سلام عليكم
