حد جلد أرضية اللوجان جلد ؟؟؟؟

**alaaosmanakl** · 22-09-2012 04:05 PM

ياريت في حد جلد أرضية اللوجان جلد يفيدني بتجربته
لاحظت من اول ما ركبت حد في العربية إنها اصبحت مقلب تراب خاصة الجزء اللي فوق العتب .
فحسيت إني لازم اجلد الأرضية جلد .

وكان لية اسئلة بسيطة :
[1]- هل شكل الأرضية اصبح اجمل من الارضية الموكيت مع الدوسات فقط ؟؟؟
[2]- هل مكان الكلباسات بيتأثر . يعني بعد وضع التجليد علي الارضية . بيكون سهل التقفيل . ولا مش بيرجع زي الاول وبيكون شكله وحش أو أو الكلبسات مش بتقفل كويس ؟؟؟؟
[3]- بشكل عام هل هناك اضرار من تجليد ارضية اللوجان جلد ؟؟؟ سواء من حيث التقفيل ؟؟ او من حيث الشكل العام ؟؟؟؟

ارجو الإفادة ...

**georgedada82** · 22-09-2012 04:16 PM

الجلد انضف مليون مرة في تنضيفه ... انا روحت مرة مطروح بالموكيت وما ادراك برملة مطروح طبعا تحس ان الشاطئ اتنقل جوه العربية لازم مكنسة كهربا وبيطلع عين اللي بيعملها ... انما الجلد ساهل في التنضيف كمان في مشكلة في الموكيت والفرش القماش بيلقط ريحة اي حاجة يعني لو جايب سمك او حاجة زي كده ليها ريحة الريحة تكمكم في العربية ما تطلعش الا بعد مدة كبيرة بالمعطرات والغسيل بعد مدة كبيرة ... انما الجلد ما بيلقطش ريحة خالص

**korkor** · 22-09-2012 04:21 PM

على فكره تجليد الارضيه جلد فى اللوجان حاجه شبه ضروريه الموكيت اللى فى العربيه اللى بيجى فى الفرش الاصلى مقرف جدا وبيلم تراب ووساخه بطريقه مش طبيعيه , الجلد جميل ومفيد ومريح جدا وبيدى شكل حلو لو مركبه صح وعند حد بيفهم

**tondar90** · 22-09-2012 04:49 PM

اتكل على الله و حط الجلد

التنظيف اسهل بكتيييييييييييييييييييييي يييييييير و الشكل العام جامد جداً و بالنسبة للتغفيل حسب شطارت الي حيعمل الجلد بس ما تتوقعش ان كل حاجه حتتزبط زي فبريكة المصنع ------ بس حط الجلد انت و مش حتندم

**zkralla** · 22-09-2012 05:15 PM

سبير كار الى عند مديرية امن القاهرة بيعمل الموضوع كويس وتقفيل كويس
طبعا الجلد ممتاز

**alaaosmanakl** · 22-09-2012 08:17 PM

شكرا للجميع علي التفاعل
فعلا مجرد ركوبة بعض افراد العيلة معاياه
لاقيت الموكيت لازم تراكب ورملة غريبة جدا
من اول العتب لحد جوه العربية .

السؤال المهم : هل (سبيركار) افضل ؟؟؟ ولا (جينز كار) ؟؟؟؟؟
وهل يوجد حد افضل منهم هما الاثنين ؟؟؟؟
ارجو النصيحة ؟؟؟؟

**screamseko** · 22-09-2012 08:26 PM

اريح وانضف مييييت مره من الفرش اللي عامل زي المغناطيس للتراب بتاع العربيه ومبتشغلش دماغك لما تيجي تغسل ميه تخش جوه ولا لا

الفرش جاهز بالتركيب عامل 360
الارضيه بالتركيب بارضية الشنطه 300
وجبت طقم دواسات ب55
مفيش ترابايه بتمسك في العربيه

**alaaosmanakl** · 22-09-2012 08:31 PM

طيب ممكن تشوفوا الرابط دي :
وتقولوه رأيكو إية في شغل (جينز كار) من حيث (الخامة / الشغل / التكلفة) ؟؟
http://www.nilemotors.net/Nile/212022-a.html (تقرير تركيب فرش ارضية لنيسان صنى by "جينزكار")

http://www.nilemotors.net/Nile/212022-a.html

وبالمرة فرش الكراسي :

http://www.nilemotors.net/Nile/203522-a.html (تقرير مفصل وبدقة عن تركيب فرش جلد لنيسان صني by "جينز كار")

http://www.nilemotors.net/Nile/203522-a.html

**abo_mahmud** · 22-09-2012 09:08 PM

أنا بالأمس كنت فى المصيف مع المدام والوالد والدة وحاجة بقة مقلب رمل والمشكلة اننى كنت لسه واخد المكنسة عند واحد صحبى عنده فيشة جنب البوابة ع الشارع !
وكنت يوم الأربعاء لقيت فيه فرش جلد أربع قطع فى التوفيقية زى اللى بشوفه مع التاكسيات وبيغسلوه برة بالشامبو !
هل هذا هو المقصود أم فرش آخر بحيث يبقى زى السجاد كدة بحيث يضطر إنه يشيل الكراسى عشان يفرش جلد وهل فرش الجلد ده ينفع معاه لباد تحت عشان عزل الصوت وينفع أعزل الحتت الباينة مثل عمود الدركسيون والمواسير تبع السروجى !

**amrelzawawy** · 22-09-2012 09:41 PM

نصيحه وهتدعيلى زود وهات لباد حرارى خامه ثقيله او قو ل للسروجى عليه يجيبه وحطه تحت الكراسى الاماميه وشده تحت الدركسيون بطول صدر العربيه السروجى فاهم .....