حل مقترح لموضوع التسقيف و مشكلة السحب

**excel_team2000** · 22-09-2012 04:36 PM

انا كنت عملت صيانة 40000 من شهر و العربية ماشاء الله سحب كويس و مفيش تسقيف واكن بعد اسبوع رجعت زى ما هى السحب تعبان و الموتور بيسقف مع التكييف حتى لما بكون لوحدى انا لاحظت ان بوجيهات السيراتو 1 شمعة ممكن ده يكون السبب انا كان ليا تجربة مع عربية كانت بوجيهاتها 3 شمعة و غيرتهم ب 4 شمعة سحب العربية اتحسن و استهلاك البنزين كمان بقى احسن بس ماكنش عندى مشكلة تسقيف اساسا فى العربية القديمة ممكن نجرب نحط بوجيهات 3 شمعة ماركة محترمة و نشوف الفرق و لو حد من الأعضاء جرب الموضوع ده ممكن يفيدنا

**KIAK9** · 22-09-2012 04:47 PM

انا كنت هغير ماركه البوجيهات خالص واجيب ارديوم ليزر بس كانو غالين دول ناس جربتهم وعملو اداء رااااااااائع

**a7medsh3rawi** · 22-09-2012 04:50 PM

بوجيهات دينسو يابانى 3 شمعه سعرهم كويس 40ج وكفاءة فى السحب والدوران واستهلاك البنزين قليل وعن تجربه معايا ما شاء الله عليهم.

**MohammedAladel** · 22-09-2012 05:42 PM

يعنى ممكن لو البوجيه عمره الافتراضى قرب ينتهى أو تعبان شوية يخلى العربية تسقف

على حد معلوماتى إن مشكلة التسقيف مرتبطة بنوع البنزين بس ممكن برضه لو البوجيه عليه كربون كتير الموتور يتهز ويقل السحب وكدا لكن تسقيف الله أعلم