الزجاج الخلفى معلق ومش راضى ينزل

**korkor** · 22-09-2012 04:38 PM

السلام عليكم امبارح بليل كنت خارج والقزاز الورانى شغال حلاوه وصلت البيت وبحاول انزل القزار اللى ورا السواق وراسه والف جزمه انه مايتحرك خدت العربيه وروحت على الميكانيكون العرب لاقتهم مش شغالين , روحت لواحد بتاع قزاز فى المنطقه وفك فرش الباب والخلاصه ان الزرار بايظ وعايز يتغير , المهم قولتله يرفع القزاز ويفصل الفيشه علشان محدش ينزله بالغلط وقولت اروح التوكيل

السؤال هو هل الموضوع ده بيتغير ببلاش لان العربيه لسه فى الضمان ولا هيعملوا حوار ويقولوا انت فتحتها بره والجو الفاكس ده , ياريت اللى خبره فى الموضوع ده يفيدنا قبل ماروح التوكيل بس علشان ابقى عارف انا رايح اعمل ايه .

**pharmacology** · 22-09-2012 05:08 PM

انا بقي حصل معايا الموضوع ده 4 مرات ورحت التوكيل 4 مرات .. مرتين فرع العدوي المنصورة ومرتين فرع العبور .. الزارين دول طهقوني في عيشتي واخر ما زهقت حطيت عليهم لزقه عشان الغيهم ومحدش يدوس عليهم عشان اريح دماغي .. كان كل مرة اروح التوكيل يصلحوها ومجرد ما اروح البيت الاقيهم علقوا تاني .. اخر مرة كان في شهر 7 رحت توكيل العبور بعد ما قدمت شكوي علي الرقم المختصر وغيروا المفتاحين ومع كده رجعوا باظوا تاني بعدها بيوم !! قدمت فيهم شكوي علي موقع رينو فرانس وفعلا اتصلوا بيا من كام يوم وقالولي ان اكيد العيب bad ....... !! او دخل فيهم تراب او لما تغسل العربية ممكن يحصل كده !! مش عارف انا مفاتيح ايه اللي لسه جديدة وتبوظ بعدها بيوم ! وطبعا قعدوا يعتذروا ويقولوا تشرفنا نصلحهملك .. عشان كده انا قررت اخط لزق عليهم واريح دماغي او علي الاقل لحد ما اروحلهم في الصيانة الجايه ... موضوع انك فكيت الباب ده ما اعتقدش ان فيه اي مشكله مادام ملعبتش في ضفيرة الكهريا يبقي محدش يقدر يكلمك .. ياريت لو رحت تقولنا عملت ايه وربنا معاك

**MEDO84EG** · 24-09-2012 12:16 PM

ربنا ييسر و ميحصلش اي قلق

**abo_pasem** · 24-09-2012 02:36 PM

ربنا معاك
عشان كده مبحبش الازاز إللي ورا يبقي كهربا المنوال أحسن

**georgedada82** · 25-09-2012 10:53 PM

انا حصل معايا وعملوه بدابليو دي تقريبا واشتغل وقعد يلعب تاني ... القصة بقي ان اصلا تقريبا العيب في الفيشة او السلك مش في الزراير ليه لانك لو خلعت العلبة اللي فيها الزراير وحاولت تشغله هتلاقيها بتشتغل ترجعها في مكانها تلاقيها ما بتشتغلش ناهيك ان العلبة بتطلع عينك عشان ترجع مكانها تاني ... طب هل السلوك في الفيشة مش واصلة كويس مش عارف ... طب هل السلك ملمس في حاجة برضو مش عارف بس بدرجة كبيرة العيب مش زرار

**hugan** · 25-09-2012 10:59 PM

اشتري المفتاحين وخلي كهربائي نضيف يركبهم

**ashrafkemo** · 26-09-2012 11:42 AM

العيب ده حصل معايا كتير ورحت التوكيل ونضفو السويتشات طبعا انا ما شوفتش حاجه والعيب رجع تاني بعد فترة وبالتحديد بعد غسيل العربيه فكيت السويتشات ونضفتها ب cleaner وما فيش فايده وبقيت اغطي العربية عشان ماتتسرقش وبعد كده اشتغل لوحده وبقي العيب بقي يروح ويجي كل ما اغسل العربية

نيجي للمهم بقي من كثرة تكرار هذا العيب عرفت الحل ايه
اولا ودي اهم حاجه قبل غسيل العربيه اضغط علي ال switch اللي بيعمل lock للازاز الخلفي وبكده تكون فصلت الكهربا عن السويتشات ومكن الازاز ولو دخل اي بقايا ميه من الازاز الي مكنه الرفع مش ها يحصل حاجه لان احنا فصلنا كهربا عن الابواب الخلفية وبعد الغسيل بنص ساعه ابقي رجع ال switch تاني
ثانيا مراعاة الا يضع احدا قدمه علي المفاتيح الخاصة بالزجاج الخلفي لان هذا يسبب حمل علي موتور مكنات الرفع مثلا اذا كان الازاز مفتوح واحدا ما يضع قدمه علي المفاتيح هذا يعني انك اعطيت امرا لموتور مكنة الرفع بان يستمر في العمل رغما عنه لانه قام بفتح الازاز فعلا مما يتسبب في اتلاف الموتور او علي الاقل يهنج
وطبعا كل الكلام ده عن تجربه ومن ساعة ما ابتديت اعمل الخطوات دي خصوصا الخطوة الاولي الحمد لله العيب ما جاش تاني خالص واعتذر عن ضعف صياغة الموضوع وشكرا للجميع .

**korkor** · 26-09-2012 01:49 PM

شكرا جزيلا لكل اللى رد انا ان شاء الله رايح بكره التوكيل وربنا يسهل نشوف ايه اللى هيحصل وهبقى اقولوكوا ان شاء الله

**pharmacology** · 26-09-2012 04:49 PM

المشاركة الأصلية كتبت بواسطة ashrafkemo

العيب ده حصل معايا كتير ورحت التوكيل ونضفو السويتشات طبعا انا ما شوفتش حاجه والعيب رجع تاني بعد فترة وبالتحديد بعد غسيل العربيه فكيت السويتشات ونضفتها ب cleaner وما فيش فايده وبقيت اغطي العربية عشان ماتتسرقش وبعد كده اشتغل لوحده وبقي العيب بقي يروح ويجي كل ما اغسل العربية

نيجي للمهم بقي من كثرة تكرار هذا العيب عرفت الحل ايه
اولا ودي اهم حاجه قبل غسيل العربيه اضغط علي ال switch اللي بيعمل lock للازاز الخلفي وبكده تكون فصلت الكهربا عن السويتشات ومكن الازاز ولو دخل اي بقايا ميه من الازاز الي مكنه الرفع مش ها يحصل حاجه لان احنا فصلنا كهربا عن الابواب الخلفية وبعد الغسيل بنص ساعه ابقي رجع ال switch تاني
ثانيا مراعاة الا يضع احدا قدمه علي المفاتيح الخاصة بالزجاج الخلفي لان هذا يسبب حمل علي موتور مكنات الرفع مثلا اذا كان الازاز مفتوح واحدا ما يضع قدمه علي المفاتيح هذا يعني انك اعطيت امرا لموتور مكنة الرفع بان يستمر في العمل رغما عنه لانه قام بفتح الازاز فعلا مما يتسبب في اتلاف الموتور او علي الاقل يهنج
وطبعا كل الكلام ده عن تجربه ومن ساعة ما ابتديت اعمل الخطوات دي خصوصا الخطوة الاولي الحمد لله العيب ما جاش تاني خالص واعتذر عن ضعف صياغة الموضوع وشكرا للجميع .

طب انا كنت لسه مركب زرارين جداد وتاني يوم الزجاج علق بدون ما اغسل العربية او اضغط علي الزارير ...

الموضوع: الزجاج الخلفى معلق ومش راضى ينزل

LinkBack

أدوات الموضوع

عرض

-

-

-

المواضيع المتشابهه

R P M معلق على 2000 و مش راضى ينزل

الزجاج الخلفى

اللوك بتاع الباب الخلفى معلق

الزجاج الخلفى

الزجاج الخلفى مبيرفعش

الكلمات الدلالية لهذا الموضوع

المفضلات

المفضلات

ضوابط المشاركة