مروحة الردايتير هتجنني

**hesham1978mmmm** · 22-09-2012 09:44 PM

انا عندي مروحة الراديتير بتشتغل فترة طويلة اوي مش عارف ليه مع انها مكنتش كده الكلام ده لسه ظاهر من شهر وروحت التوكيل غيرو ترموستات الكوعة ولكن لسه المشكلة موجودة هي العربية مش بتسخن بس المروحة بتشتغل فترات كبيرة اوي لدرجة ان احيانا باليل وبيكون الجو حلو وسايق علي 120كم واول ما اهدي عشان مثلا في مطب او اركن علي جنب الاقي المروحة شغالة ولو ركنت العربية بعد مشوار ساعة مثلا مجرد لما ادور العربية بعدها ب 30 ثانية المروحة تشتغل واول ما افصل الكونتاكت تطفي تاني مع ان المكفروض المروحة ملهاش دعوة بالكونتكت لانها بتشتغل علي د\رجة الحرارة مش عارف اعمل ايه في الناس التعبانة فنيين التوكيل ممكن اروح لمين او للخبراء ممكن يكون العيب في ايه

**Motarjim** · 22-09-2012 11:02 PM

متابع - خير إن شاء الله.

**K3A** · 22-09-2012 11:26 PM

المشاركة الأصلية كتبت بواسطة hesham1978mmmm

انا عندي مروحة الراديتير بتشتغل فترة طويلة اوي مش عارف ليه مع انها مكنتش كده الكلام ده لسه ظاهر من شهر وروحت التوكيل غيرو ترموستات الكوعة ولكن لسه المشكلة موجودة هي العربية مش بتسخن بس المروحة بتشتغل فترات كبيرة اوي لدرجة ان احيانا باليل وبيكون الجو حلو وسايق علي 120كم واول ما اهدي عشان مثلا في مطب او اركن علي جنب الاقي المروحة شغالة ولو ركنت العربية بعد مشوار ساعة مثلا مجرد لما ادور العربية بعدها ب 30 ثانية المروحة تشتغل واول ما افصل الكونتاكت تطفي تاني مع ان المكفروض المروحة ملهاش دعوة بالكونتكت لانها بتشتغل علي د\رجة الحرارة مش عارف اعمل ايه في الناس التعبانة فنيين التوكيل ممكن اروح لمين او للخبراء ممكن يكون العيب في ايه

حضرتك أمرين تراجع عليهم... أولا: ان مياه الراديتير مش ناقصه ... ثانيا :وانت سائق ..الحرارة لا تزيد عن 85-90 ... كذلك الحال و انت بتركن بعد مشوار طويل او بتهدي عن مطب او خلافه ان مؤشر الحرارة لا يزيد عن معدله السابق ... لو الامرين دول تمام يبقى لا داعي للقلق ... و المروحة فعلا بتفصل مع الكونتكت مش زي الريجاتا وده عشان متفضيش البطاريه ... وخصوصا ان العربية حتبرد لوحدها لو مش دايره .... الا في بعض الحالات النادرة اللى الحرارة بتزيد فيها عن 90 ساعتها بس حتى لو فصلت الكونتنكت حتلاقى المروحة شغالة ...

تحياتي

**hesham1978mmmm** · 23-09-2012 11:20 PM

المشاركة الأصلية كتبت بواسطة k3a

حضرتك أمرين تراجع عليهم... أولا: ان مياه الراديتير مش ناقصه ... ثانيا :وانت سائق ..الحرارة لا تزيد عن 85-90 ... كذلك الحال و انت بتركن بعد مشوار طويل او بتهدي عن مطب او خلافه ان مؤشر الحرارة لا يزيد عن معدله السابق ... لو الامرين دول تمام يبقى لا داعي للقلق ... و المروحة فعلا بتفصل مع الكونتكت مش زي الريجاتا وده عشان متفضيش البطاريه ... وخصوصا ان العربية حتبرد لوحدها لو مش دايره .... الا في بعض الحالات النادرة اللى الحرارة بتزيد فيها عن 90 ساعتها بس حتى لو فصلت الكونتنكت حتلاقى المروحة شغالة ...

تحياتي

بس مكنتش كده خالص انا كنت احيانا في الجو النار اوي انزل ابطل
العربية المروحة تفضل شغالة شوية وبعدين تفصل بس دلوقتي بتشتغل علي طول تفصل ثواني وتشتغل دقايق وبعدين اول ما ابطل العربية تفصل واول ما اشغل العربية تشتغل والمياه مرة واحد بس لقيتها ناقصة زودتها بي مؤشر الحرارة ثابت

**Motarjim** · 23-09-2012 11:25 PM

المشاركة الأصلية كتبت بواسطة hesham1978mmmm

بس مكنتش كده خالص انا كنت احيانا في الجو النار اوي انزل ابطل
العربية المروحة تفضل شغالة شوية وبعدين تفصل بس دلوقتي بتشتغل علي طول تفصل ثواني وتشتغل دقايق وبعدين اول ما ابطل العربية تفصل واول ما اشغل العربية تشتغل والمياه مرة واحد بس لقيتها ناقصة زودتها بي مؤشر الحرارة ثابت

طيب ما تحاول يا أستاذ هشام تكشف على دورة التبريد، والتأكد من عدم وجود تسريب سواء من الرادياتير أو الخراطيم أو ما إلى ذلك. إن شاء الله خيرًا

**mido_soliman** · 24-09-2012 04:46 AM

ركب ترموستات تااااااااااااااااااانى غير اللى انت ركبتة
لانة باااااااااااااااااااااااا ااااااايظ بردة
ولازم ياخدوا هوااااااااااااااااا كويس ويتاكدوا ان المروحة بتشتغل وتفصل بعد تركيب الثرموستات الجديد وسحب الهوا

**hesham1978mmmm** · 25-09-2012 09:30 PM

النهاردة روحت التوكيل فرع العجوزة وبصراحة اثنين مهندسين في قمة الذوق والأحترام قولتله علي المشكلة قالي طاما المروحة بتفصل يبقي مفيش مشكلة وبعدين حط الكمبيوتر في العربية وقالي الحرارة علي الكمبيوتر 93 والمروحة بتفضل شغالة وفصلت علي 89 وجربها كذا مرة وقالي مفيش مشكلة بس بصراحة انا مش مرتاح لان المروحة بتفضل دايرة كتير جدا

**Motarjim** · 25-09-2012 11:12 PM

المشاركة الأصلية كتبت بواسطة hesham1978mmmm

النهاردة روحت التوكيل فرع العجوزة وبصراحة اثنين مهندسين في قمة الذوق والأحترام قولتله علي المشكلة قالي طاما المروحة بتفصل يبقي مفيش مشكلة وبعدين حط الكمبيوتر في العربية وقالي الحرارة علي الكمبيوتر 93 والمروحة بتفضل شغالة وفصلت علي 89 وجربها كذا مرة وقالي مفيش مشكلة بس بصراحة انا مش مرتاح لان المروحة بتفضل دايرة كتير جدا

السلام عليكم أستاذ هشام،

طيب ما تعرضها يا أستاذ هشام على حد أخصائي رادياتيرات كويس، يطمن حضرتك، ويؤكد لحضرتك هل فعلاً الثرموستات الكوع بايظ ومحتاج يتغير، أم تقليب طلبمة المياه ضعيف، أم هناك سبب آخر، وإن شاء الله اعتقد الموضوع بسيط.

بغض النظر عن مشكلة مروحة التكييف دي، ما هو تقييمك للعربية بوجه عام؟

**a7mad_mo7amad6** · 27-09-2012 01:01 AM

افصل البطاريه بالليل وارجع ركبها الصبح
الكمبيوتر هيعمل ريسيت
اتوقع تهييس ككبيوتر
انا كان عندي مشكله ان المروحه بتفضل شغاله بعد مفضل الكونتاكت بالعشر دقايق
وبعد دوخه السنين متظبطتش غير لما عملت البقول عليه ده