السلام عليكم
كتير مننا بيبقي حاطط اللي وراه واللي قدامة في حتت البيك اللي حلتو
ونظرا للوقت الراهن وما تمر بيه ظروف البلاد وانتشار السرقة
:whtauwant:
والسؤال دا اتكرر كتير
وطبعا عمالقة القسم جاوبو عليه كتير
ازاي احمي البيك بتاعي من السرقة ؟
تعالو نتبع خطوة خطوة
مش عارف ابتدي منين ولا منين بس هنحاول نرتبهم بسرعة ونكتب عن كل نقطة شوية
1- جهاز انذار
+
2- زرار فصل كهربة
+
3 - GPS tracker
+
4 - بويصلة تامين
+
5 -جنزير محترم
=
استحالة البيك يتسرق
حتي لو اتسرق هيرجع
ودي بسميها الحماية الخماسية
(زي اوكسي الكيس البمبي )
:D
:guitarplay1:
انا عارف هتقولولي كتير واية كل دا
لو حسبتها هتلاقي انت الكسبان
تعالو نشوفها مع بعض
1- جهاز الانذار
جهاز الانذار لية عامل كبير جدا
بيربك الحرامي وبيخلي البيك محط الانظار
ويا سلام لو واحد من اللي بيعملو ازعاج دول
لو مخلاش الحرامي يجري
هيعرقلة شوية
لان الواحد مبيعرفش يشتغل مع الازعاج
:bump1:
الثمن المتوسط 250 جنية
اي نوع بقي يكون مزعج هيفي بالغرض
2- زرار فصل الكهربا
معظم الحرامية بيعملو اية
بيشغلو البيك من السلوك
(دا لو مكنش شالو علي عربية )
زرار الفصل دا يكون في مكان مستخبي ودا هيخلي البيك مستحيل يدور غير للي عارف مكان الزرار
هتقولولي الاونذار الانذار هيركب علي البطارية علي طول
متوسط السعر
100 جنية
3- GPS tracker
طبعا مش لازم البيك يكون مركون ويتسرق
ساعات الواحد بيبقي ماشي يطلع عليه ناس ولا حاجة ويخدو البيك
طيب هيعمل اية
طيب لو البيك مركون ولا قدر الله اتسرق لسة هندور ؟
طيب الجي بس اس تراكر اختراع حلو قوي جدا وخصوصا او اتركب مع جهاز الانذار
بمجرد ما الانذار يضرب الجي بي اس يبعتلك موقع البيك فين بالظبط في شارع اية وكل حاجة
ونقدر في اي وقت نخش علي الموقع ونجيب مكان البيك فين
طبعا مش عاوزين ندخل في تفاصيل اكتر
متوسط السعر 800 جنية
4 - التامين
تامين اية يعم الحج ؟؟؟؟
هقولك احنا لية نغامر لاقدر الله حادثة.... سرقة الخ الخ
واحنا عندنا نظام حلو قوي
الا وهو التامين
وعلي العكس الكل فاكر انو بيدفع تمن البيك والكلام الفارغ دا
اديك نبذة بسيطة
روح شركة تامين محترمة
وانت بتكتب العقد
بيبقي عبارة عن مبلغ بسيط تدفعة سنويا
ويكون التامين ضد الحوادث والسرقة الخ الخ الخ
لو لاقدر الله حصل حاجة منهم
بتاخد تعويض اي بتمن البيك اللي انت مئمن عليه
يعني نفترض ان تمن البيك 100 الف بتدفع كل سنة حوالي 2.700 جنية
طبعا كل شركة ليها رقم معين
طبعا عشان مش عاوز ادخل في تفاصيل اكتر هتوجع راسنا
فكرو في التامين يا جدعان
متوسط السعر 1000 جنية
5- جنزير محترم
حتة جنزير محترم كدة وتكون العقل بتاعتة ملحومة
وفي الجنط مرورا بالمقص واي حتة تانية ندخلة فيها :D
وفي اقرب عمود نور ولا سور وحتة قفل محترم
وجنزر
انا كنت بلف البيك اكني بكفنة بالجنزير :D
:POINTIy2[2]:
متوسط السعر 250 جنية
يبقي بكدة
250 +100 + 800 +1000 +250
=
متوسط 2500 جنية
وبكدة اقولك لو هتركن في مسقط راس الحرامي البيك هيرجع هيرجع
ولو بعد كل دا البيك مرجعش
نبتدي
نحسبن بقي
حسبي الله ونعم الوكيل
:crying1:
