الله ينور ياباشا وتسلم على الشرح الوافى الشامل.
رقم العضوية : 21177
تاريخ التسجيل : 05Oct2008
المشاركات : 8,766
النوع : ذكر
الاقامة : damietta
السيارة: الحمد لله
السيارة[2]: opel vectra 1600 mo.1999
دراجة بخارية: لا يوجد
الحالة :
السلام عليكم ورحمه الله وبركاته..
-طبعا الاوبل من السيارات اللي فيها دوره التبريد مغلقه يعني الرادياتير مافيهوش (عصفوره) من تحت نقدر نفضي منها الميه علشان كده هنفضي الميه من خرطوم الراجع اللي راجع للقربه من الرادياتير..
-القربه ليها 2 خرطوم راجع ,اشمعني هنختار اللي جاي من الرادياتير؟؟ ببساطه علشان المستوي الافقي للراديتير اقل من المستوي الافقي لمخرج الميه من الموتور نفسه,نخش علي الخطوات ..
اول حاجه دي صوره الموتور اللي هنشتغل عليه فيكترا بي 1600 سي سي وعذرا القربه علي يمين الكادر ..
-هنفتح غطا القربه ونحط اما علبه منظف جاهزه للتنظيف ودي بتتباع في البنزينات الكبيره في حدود 35ج واحسن الانواع هي الامريكي ..او نحط 2 ملعقه كبيره ملح ليمون+2 زجاجه خل مطبخ تركيز عالي
-هنقفل الغطا وندور الموتور ونطلع مشوار طويل شويه بحيث المنظف يشتغل ويعمل بحقه
-ياريت نشغل التكييف السخن من البكره علشان نفتح طريق الميه لتنظيف سربنتينه السخن اللي تحت التابلوه
- هنفك غطا القربه وهنفك الخرطوم اللي اتفقنا عليه واللي السهم الاصفر بيشير له والموتور بارد طبعا وندلدله لتحت بره العربيه
-هنلاحظ ان الميه بدات تنزل ومحدش يتخض لما يشوف لون الميه اسود من السنين ,طبعا مش كل الميه هتنزل جزء منها بس الفيكترا بتاخد في حدود 7 لتر ماء تبريد
-يفضل يبقي جنب العربيه مصدر ميه خرطوم يعني ..
-هتحط خرطوم الميه في القربه من فوق وخرطوم الراجع زي ماهو مدلدل
-هتدور الموتور علشان الطرمبه تشتغل وتطرد الميه المتسخه اللي في مجاري الموتور والمانفولد وباقي الاجزاء
-لاحظ انك تظبط منسوب الميه النظيفه علي قد منسوب الميه المتسخه اللي نازله من العربيه بحيث لا تقل علي الموتور ولا تزيد فتقع بره القربه
-مفيش مانع تساعد بايدك وتزود بنزين من الاكسراتير لتسريع حركه الطرمبه
-هتستمر لغايه ماتلاقي الميه نازله نظيفه جدا .في الوقت ده ارفع الخرطوم وركبه مكانه في القربه وظبط منسوب الميه اعلي من السهم ب2 سم لانه هيرجع يقل شويه طبيعي ماتقلقش وكده مفيش اي هوا في الدوره لان الميه زقته في طريقها انت نسيت ولا ايه؟
-لاحظ ان الميه مش هتنظف من اول مره يعني هتمشي يومين تلاته وتغير ميه تاني بس هنا تغيير ميه بس من غير منظفات
-اول ماتطمئن ان ميه الدوره بقت نظيفه نبدا بقي شغل المحترفين
اعمل نفس خطوات تغيير الميه بس هتستبدل خرطوم ميه الحنيه بجركن ميه خضرا كبير او ميه مقطره ايا كان مصدرها سواء تشتريها او تجيبها من صرف تكييف البيت ولما تحس ان الدوره بقت كلها ميه مقطره حط علبتين كانز ميه خضرا مركزه واحسنهم ابرو الامريكي ب10ج الواحده
-وبكده مبروك عليك نظافه الدوره ,واي استفسار انا في الخدمه . تحياتي
اخوكم /فادي محمد عيد ..من مواضيعي المصوره للفيكترا بي ....
http://www.nilemotors.net/Nile/97671...post3872017889 تغيير اويل سايل اسبراتير
http://www.nilemotors.net/Nile/13044...post3872432932تنظيف الايديال كونترول
http://www.nilemotors.net/Nile/15035...post3872669019تعديل في اضاءه التابلوه
http://www.nilemotors.net/Nile/143705-b.html#post3872580355تغيير فرش السقف للفيكترا
http://www.nilemotors.net/Nile/181441-a.html#post3873046581تغيير جوان وش التاكيهات
hellboy سابقا
رقم العضوية : 56434
تاريخ التسجيل : 21Dec2009
المشاركات : 441
النوع : ذكر
الاقامة : ALEXENDRIA
السيارة: Fluence H.L 15
السيارة[2]: OPEL ASTRA AT 05
دراجة بخارية: no
الحالة :
الله ينور ياباشا وتسلم على الشرح الوافى الشامل.
وصلى اللهم وسلم على اشرف الخلق أجمعين نبينا محمد وعلى آله وصحبه وسلم تسليما كثيرا
رقم العضوية : 23085
تاريخ التسجيل : 24Oct2008
المشاركات : 27,771
النوع : ذكر
الاقامة : Giza
السيارة: لايوجد حالياً
السيارة[2]: Opel Vectra A Sport 2.0L M/T
دراجة بخارية: هوندا 1000
الحالة :
الله ينور يا فادى يا جامد
لا اله الا انت سبحانك انى كنت من الظالمين - اللهم اصرف مقتك و غضبك عنا و اعنا على ذكرك و شكرك و حسن عبادتكلو أن ابن آدم هرب من رزقه كما يهرب من الموت لأدركه رزقه كما يدركه الموتمحمد الطنانى
رقم العضوية : 92931
تاريخ التسجيل : 30Mar2011
المشاركات : 235
النوع : ذكر
الاقامة : kafr elshikh
السيارة: opel vectra
السيارة[2]: 1994 1.6 opel vectra
دراجة بخارية: لا
الحالة :
تسلم يا فادى باشا جزاك الله خير الجزاء وجعله فى ميزان حسناتكم
رقم العضوية : 107820
تاريخ التسجيل : 16Jul2011
المشاركات : 1,679
النوع : ذكر
الاقامة : cairo
السيارة: Fait127
السيارة[2]: Nissan Tiida 2012
دراجة بخارية: no
الحالة :
100100, ربنا يباركلك
رقم العضوية : 74241
تاريخ التسجيل : 30Jun2010
المشاركات : 3,685
النوع : ذكر
الاقامة : Egypt Fayoum
السيارة: ٍSpectra 2002
السيارة[2]: Nubira 1997
دراجة بخارية: No
الحالة :
اية الحلاوة دى
رقم العضوية : 116182
تاريخ التسجيل : 31Oct2011
المشاركات : 223
النوع : ذكر
الاقامة : Banha
السيارة: N/A
السيارة[2]: Opel Vectra
دراجة بخارية: N/A
الحالة :
ألف شكر يا فادي أنت بكده سهلت الأمور جدا بوضعك الخطوات المفصلة بطريقة مبسطة. جعله الله في ميزان حسناتك وزادك علما ورفعة.
رقم العضوية : 92457
تاريخ التسجيل : 26Mar2011
المشاركات : 277
النوع : ذكر
الاقامة : cairo
السيارة: ..............
السيارة[2]: Victra B
دراجة بخارية: مليش فيها
الحالة :
استااااااااااااذ والله
ربنا يباركلك ويبارك فيك ويجعله في ميزان حسناتك :)
رقم العضوية : 129312
تاريخ التسجيل : 12Sep2012
المشاركات : 1,359
النوع : ذكر
الاقامة : البحيره
السيارة: ..........
السيارة[2]: Opel vectra B 2.0
الحالة :
الله ينور يا عم فادى ... انت ما سبتش لينا فرصه نسأل عن توضيح أو زياده يا نجم ... ما شاء الله وربنا يبارك فيك
رقم العضوية : 5719
تاريخ التسجيل : 14Feb2008
المشاركات : 3,044
النوع : ذكر
الاقامة : Cairo
السيارة: accident Accent 2011
السيارة[2]: Opel Corsa 2007
الحالة :
7 لتر
انا عندى فى الكورسا 1600 خليت الميكانيكى ينضفلى مياه التبريد ويغيرها كنت جايب جركن من توتل 4 لتر مايه حمراء لقيته سايب ليا حبه بتاع نص لتر كده و قالى نضفتلك الدوره كلها ؟!!!
وشكرا على الموضوع والشرح الهايل
[shr71=http://www.dieselstation.com/pics/Hyundai%20Accent%202009-car-pictures.jpg]Hyndai Accent 2011[/shr71]
المفضلات