الحكومة تنفى نيتها لتحريك أسعار البنزين أو المشتقات البترولية ..طيب نصدق مين؟؟

**ACC.Eslam Arif** · 23-09-2012 12:45 AM

اليوم السابعhttp://www2.youm7.com/News.asp?NewsID=794160

نفى مصدر مسئول بمجلس الوزراء أية نية لتحريك أسعار البنزين أو المشتقات البترولية، مؤكداً أن ما يتم تداوله حالياً هى مجرد شائعات لا أساس لها من الصحة.

وأضاف المصدر، أن هذه الشائعة تأتى فى إطار مسلسل من الشائعات التى تشهدها البلاد فى الآونة الأخيرة، مثل إجراء تعديل وزارى أو تحريك أسعار بعـض السلع والخدمات وغيرها.

طالب المصدر بحسب بيان لمجلس الوزراء المواطنين، وسائل الإعلام بتحرى الدقة والحرص فى تناول هذه الموضوعات قبل إطلاق الأحكام وإحداث بلبلة تؤثر على النشاط الاقتصادى، وتعرقل جهود جذب الاستثمارات، لدفع الاقتصاد وتحسين الأحوال المعيشية للمواطنين.

**Ahmed Nasser** · 23-09-2012 01:07 AM

انا احترت ودماغى بتلف كتير !!!!!!!!!!!!!!!!!!!!!!

**m_adeleid** · 23-09-2012 01:08 AM

اوعي تصدق اي حاجه الا لما الحكومه تنفيها
ساعتها بس ممكن تصدق

**grand hand** · 23-09-2012 01:19 AM

مش كان وزير البترول بيتكلم عن تحريك الاسعار ولا ده فى بلد تانية!

**Amr Axel** · 23-09-2012 01:25 AM

ادي ردي في موضوع عن ان الدعم هيتشال و بعيده تاني

المشاركة الأصلية كتبت بواسطة axel

انا ملاحظ ان فيه تضارب جامد جداااااا في الكلام كل شوية نسمع عن خبر لنظام جديد لللتطبيق لكن مسمعناش حاجة رسمية او مسئول طلع قال كلام رسمي

بالاضافة ان الناس في جميع الاحوال معترضين ااغلب الناس يدخلوا يعترضوا و يشتموا و يخرجوا مفيش حد فكر يقول اقتراح او فكرة لتنظيم الدعم بحيث لا يأثر اوي ع الفرد و في نفس الوقت يوفر يعني ع سبيل المثال تقليل الجمارك مع رفع الدعم بنسبة بسيطة جدااا و تعويضها في حاجة تاني و هكذا مثلا تطلع كروت ذكية كبطاقة تموين لكن للبنزين فقط و تكون للجميع و الفرد له حق كارت لعربية واحد باسمه اكتر من كده يبقي ضريبة عشان محدش يكون عنده 3 و لا 4 عربيات بتاعته هو لوحده و يستفيد بالدعم و خلاص
اي حاجة فكروا فيها

و لما ادخل اقول نقتصد او يكون دعم بطريقة منظمة الاقي هجوم جماعي الناس مش عايزين يسمعوا ان قرش دعم اتشال
و طبعا ردا ع الجملة اللي قولتها اللي فاتت ديه هلاقي برده هجوم جماعي أصل الجمارك أصل المرتبات و أصل و أصل طب كل أصل اللي هتكلموه فيها حصلت في السنين اللي فاتت و البلد اقتصادها في الضياع زي ما شايفين
احنا في دلوقتي فلازم نظبط الدنيا شوية و نستحمل لحد ما تتعدل و اظن لو متابعيين الاخبار العالمية هتلاقوا بلاد بيطبقوا حالة التقشف لتنمية اقتصاد البلد

فلو مظبطناش الدنيا و هدينا شوية و فكرنا يبقي فعلا نستاهل اللي يحصلنا

**S O P H O S** · 23-09-2012 02:29 AM

المشاركة الأصلية كتبت بواسطة m_adeleid

اوعي تصدق اي حاجه الا لما الحكومه تنفيها
ساعتها بس ممكن تصدق

ردك جميل بصراحة

**m_adeleid** · 23-09-2012 07:03 AM

المشاركة الأصلية كتبت بواسطة s o p h o s

ردك جميل بصراحة

يا فندم ده من ذوقك

**ibn_seena** · 23-09-2012 07:23 AM

[QUOTE=m_adeleid;3874533849]اوعي تصدق اي حاجه الا لما الحكومه تنفيها
ساعتها بس ممكن تصدق[/QUOTE

هههههههه
كلام منطقي وساعات بيحصل

**mado83** · 23-09-2012 03:23 PM

الوزير بتاع البترول بنفسه طلع وقال الكلام ده فى التليفزيون يعنى مش اشاعات ومش كلام جرايد ولا هما قالو يجسو نبض الناس ولما لقتهم مش عاجبهم قالو لا ده خبر كاذب

الموضوع: الحكومة تنفى نيتها لتحريك أسعار البنزين أو المشتقات البترولية ..طيب نصدق مين؟؟

LinkBack

أدوات الموضوع

عرض

الحكومة تنفى نيتها لتحريك أسعار البنزين أو المشتقات البترولية ..طيب نصدق مين؟؟ - انشر الموضوع فى :

-

المواضيع المتشابهه

الحكومة بتقول مفيش نيه لتحريك أسعار البنزين- يا مثبت العقل !

خاص: الحكومة تعلن رفع أسعار البنزين والسولار في مصر

الكلمات الدلالية لهذا الموضوع

المفضلات

المفضلات

ضوابط المشاركة