تقرير شخصى عن 2012 ومقارنتها بالبومة
هذا التقرير شخصى وكل كلامى فيه من وجهة نظرى مع احترام وجهات نظر الاخرين ومش عايز حد يزعل منى دى وجهات نظر ودى وجهة نظرى ومن واقع تجربتى للسيارة شارك 2012 وهى عاملة دلوقتى 4 الاف كيلو وهاشرح فيه بعض مميزات الشارك وعيوبها ومقارنتها بالبومة فى بعض النقاط مع ذكر بعض عيوب البومة ومع احترامى للبومة وكل ملاكها وانا كنت واحد منهم فانا امتلكت سيارة لانسر مكواة لمدة 3 سنوات وكنت شاريها مستعملة بس فابركة ثم اشتريت بومة فى 2009 زيرو وبعدين بعتها وجبت شارك 2012 الفئة الثالثة اللى بـ134 الف جنيه .
بعد امتلاكى للشارك عرفت قيمة جملة سمعتها فى هذا المنتدى بس مكنتش عارف قيمتها وهى ان الشارك ميعرفش قيمتها غير اللى راكبها وانا بأكد على هذا الرأى بعد امتالكى للسيارة حتى انا عمال افكر ازاى العربية دى الناس خايفة منها وسمعتها مش قد كده واعادة البيع وحشة جدا لما كنت هاتجنن كده فى حاجة غلط هى ايه معرفش يمكن سعر العربية كان غالى شوية فاللى عايز يشترى شارك كان يزود مبلغ بسيط جدا ويشترى اوكتافيا وطبعا الاوكتافيا احسن من وجة نظرى يمكن علشان البومة سعرها رخيص فالناس بتقبل عليها علشان عربية رخيصة شوية ويابانى فى نفس الوقت يمكن علشان الشارك لما نزلت كانت بماتور 1500 وصوت الشكمان كان عالى جدا يمكن علشان الوكيل القديم معملش تسويق لها كويس يمكن يمكن مش عارف ...... المهم نيجى بقى لشرح مميزات العربية وبعض عيوبها ومقارنتها بالبومة مع >كر بعض مشاكل البومة وبعض الحلول لها ايضا .
أولا : فى معلومة يمكن البعض ماخدش باله منها وهى ان الكريستالة اليابان عملت منها ايفيليوشن وطبعا احنا عارفين الفرق بين السيارة اللانسر العادية والايفيليوشن وأيضا المكواة عملوا منها ايفيليوشن بس ما معملوش من البومة مع احترامى لها ايفيليوشن ولكن الشارك عملوا منها ايفيليوشن .. طيب ليه معملوش من البومة موديل الايفيليوشن ؟
ثانيا : من حيث الشكل انا شايف ان الشارك اشيك بمراحل من البومة وده من وجهة نظرى وذوقى الخاص يمكن البعض مش شايف كده يمكن علشان احنا لسه مخدناش على شكل السيارات الرياضية التصميم بس انا شايف انها اشيك ...... يبقى الشارك تكسب
ثالثا : من حيث الصالون ان شايف ان صالون الشارك أوسع طبعا من البومة وأفخم بمراحل ونيجى هنا للمقارنة الشارك تكسب فى ان صالونها اوسع واشيك وأفخم بكتتتتتتتتير من البومة بس البومة تكسب فى انا بعض خامات التابلوه جلد وده من وجهة نظرة احسن فى الفايبر فى حاجات كتير .. نيجى لشكل العدادات فعدادات الشارك والكاسيت البلت ان والتكييف تكسب البومة واشيك بكتتتتتتتتتتتير جدا من البومة لان العدادات رياضية والانارة قوية من اللمبات الليد وطبعا العمر الافتراضى للمبات الليد أكتر بكتير جدا جدا جدا جدا جدا جدا جدا عن اللمبات العادية اللى فى تابوله البومة وفى نفس الوقت اللمبات الليد لا تضعف وطبعا المنظر شيك جدا مع استخدام اللون الابيض فى العدادات والمؤشرات الحمراء والتكييف والكاسيت البرتقالى نفس درجة لون اضاءة البى ام معشوقتى ده غير الشاة الديجيتال ودى مصيبة لوحدها بتشرح كل حاجة فى السيارة البنزين قد ايه ديجيتال طبعا ويكفيك لكام كيلو وبتحرق كام لتر فى 100 كيلو ومتوسط السرعة ومعاد الصيانة ودرجة حرارة الماتور ديجيتال طبعا ودرجة الحرارة الخارجية حتى فى أوبنش تغير صوت الاشارات وتعمل منبه أيضا أثناء السفر لعمل الريست وحاجات تانية . أما عدادات البومة فمنظرها قديم جدا وعادى وضعيفة الاضاءة جدا جدا واللمبات بتاعتها عادية بتضعف بسرعة ووتتأثر بقوة الماتور حتى لما عملوا العدادات الجديد فى البومة 2012 عملوا العدادات لونها زى الابيض الغامق كده وشاشة صغيرة ديجيتال بينهم بتنور بيج كده أو لون غريب مش لايقة خالص وفيها عيب ان مافيهاش مؤشر حرارة لا عادى ولا ديجيتال بس لما الحرارة تعلى عن المستوى الطبيعة فى لمبة بتنور وطبعا ده عيب فى العربية ............. يبقى الشارك تكسب .
رابعا : من حيث العزل اعتقد ان الاثنين العزل فيهم سىء وده انا عرفت تفسيره من صفحة الفيس بتاعت دايموند موتورز وهو ان استخدام خامات العزل مكلف جدا فكيف سيضيفون هذه المواد وفى نفس الوقت يبقى سعر العربية رخيص بالنسبة للالمانى مثلا اللى عازله كويس وعلشان كده غالى طبعا مش علشان العزل بس ولكن انا بكلم فى جزئية العزل .. بس بصراحة البومة تكسب فى الموضوع ده نظرا لعلو ماتور الشارك المايفك عند عمل كيك داون مع العلم ان الشارك 2012 غيرت تصميم علبة الشكمان عن موديل 2011 .. هذا بالاضافة ان الشركة وضعت كاوتش من نوع دانلووب فى الشارك 2012 وده صوته عالى جدا جدا بالاخص على الاسفلت المرمل بس بيدى ثبات عندى الجرى وعند الفرامل أيضا .... ففى هذه المقارنة البومة تكسب بس لو الكاوتش اتغير الشارك هتبقى افضل بكتير مع العلم بأنها سيارة هادية نوعا ما ومكتومة يعنى فى المطبات مبتعملش أصوات .
خامسا : من حيث الاصوات الغريبة فى السيارة وهى من واقع الشكوات المتكررة من الاعضاء هانبتدى بالشارك . السيارة الشارك لحد دلوقتى معايا فيها بعض الاصوات البسيطة والصعب سماعها الا وانت مركز وطافى الكاسيت وفى مكان مغلق وده انا سألت عليه فى التوكيل وطلع طبيعى ففيها صوت عند فتح الكونتكت دون تدوير العربية صوت كده تكتكة كهرباء لمدة ثانيتين مثلا وده طلع طبيعى وفى صوت اخر وهو عند وضع الفتيس على d أو r بيجى صوت زى كهرباء لمدة ثانيتين أيضا وبتسمعه وانت فاتح الزجاج وبليل بالاخص يعنى فى الهدوء التام وبتسمعه أسفل الماتور يعنى فى الفتيس وده طلع طبيعى لان الفتيس كهرباء وفى صوت تانى بيجخى أيضا لما تجيب حرف r أو d بعد وهو خبطتين أو خبطة من ورا وده طلع طبيعى وهو صوت فصل الفرامل عن الطنابير الخلفية وفى صوت اخير وهو عند فتح الكونتكت بتسمع صوت زى صوت تصفير الاذن بس بسيط جدا جدا جدا جدا جدا جدا وده صادر من لوحة العدادات بس انا لسه مسألتش عنه مع العلم انه عايز جراج محل مقفول ومفيش أى ضوضاء خالص خالص علشان تسمعه ... كل الاصوات دى ليست لها قيمة وخفيفة جدا جدا جدا جدا ومش متلاحظة نهائى ومش مسموعة خالص ويمكن الكثير لم يسمعها بس انا لاحظتها لانى غالبا بجرج العربية بليل والجراج عبارة عن محل صغير ويمكن علشان كده أنا سمعت الاصوات دى وسألت عنها .
نيجى بقى للبومة . البومة مكتومة أيضا فى المطبات بس لما البارات أو الاتياش بتبوظ وهى دائما بتبوظ بسرعة ودى أحد عيوب البومة فبتسمع صوت مزيكا تحت العربية ده غير صوت قواعد الماتور واللى دايما بتبوظ أيضا بسرعة فى البومة ده غير الصوت الشهير فى البومة وهو صوت خبط حديد حديد يسمع فى الدريكسيون بالاخص اثناء كسر الدريكسيون شمال والصوت ده مقرف جدا جدا وبيكره الواحد فى العربية ومش بيحس انه سايق زيرو خالص وطبعا الصوت ده صادر من علبة الدريكسيون وانا قلت قبل كده الحل وهو استبدال البستم الحديد اللى فى علبة الدركسيون بتاع الرجلاش بأخر فايبر نفس المقاس وده بيقلل الصوت وبيخلى تكراره نادر جدا . انا بحس ان البومة صوت عفشتها مسموع قوى بالاخص لو فى مشاكل فيها عكس الشارك بحس ان الشارك العفشة مفصولة تماما عن العربية يعنى مش بتحس بأى خبط أو اهتزازات يعنى صالون العربية فى وادى والعفشة فى وادى اخر بحس ان فى فاصل بينى وبينها . ملخص الكلام فى الجزئية دة الشارك تكسب .
سادسا : من حيث قوة الماتور : الشارك تكسب طبعا وقوة ماتورها 117 حصان ومايفك أم البومة السوبر اكشن تقريبا 107 حصان ومن حيث التسارع الشارك تكسب وفى حاجة فى الشارك عجبانى قوى قوى وهى بعد سرعة 100 وعايز تجرى من غير كيك داون ولا حاجة بتجمع بسرعة رهيبة لحد 180 يعنى فى وقت قصير جدا أكنك بتشد بالغيار التانى فى عربية مانيوال فما بالك لو عملت كيك داون انا العربية عجبانى جدا جدا جدا فى السحب بتاعها وعلى فكرة انا ركبت بومة 1300 و1600 فعارف انا بقارن ازاى مع احترامى بردو للبومة ومش عايز حد يزعل انا بقول وجهة نظرى فقط .
سابعا : من حيث الثبات : كنت كتير بختلف مع البعض أثناء امتلاكى للبومة وكنت دايما بقول ان ثبات البومة مش حلو بداية من سرعة 130 كيلو والدركسيون بيبقى خفيف جدا جدا ولو سبته هتلاقيه بيلعب يمين حوالى 2 سم وشمال حوالى 2 سم مع الطريق لان الطرق عندنا كلنا عارفنها كويس والعربية بتبقى خفيفية جدا جدا وبتتأثر بالطريق صحيح انها مبتعومش بس بتبقى خفيفة والدركسيون خفيف أيضا فمن الصعب التحكم فيها وطبعا كلنا بنتحكم فيها مع التعود بس بتبقى بتجرى وانت قلقان ومتعصب اكنك بتلعب بلاى ستيشن مش هادى والعربية راسية . نيجى للشارك مش قادر أوصف ثباتها انا جربتها كتير وكنت من فترة صغيرة على طريق مصر اسماعلية وحبيت أجرب الثبات على السرعات العالية جدا العربية هادية جدا على السرعات العالية يعنى بعد 130 وانت طالع حتى كان فى واحد جنبى وكنت ماشى على 180 وقالى انا حاسس ان العربية مش بتجرى وده لانها ثبته جدا جدا جدا جدا جدا مش بتلعب على الطريق ثقيلة على الطريق حتى حبيت اجى يمين وشمال أكنى باخد غرزة على سرعة 160 وكأنى باخد غروة على سرعة 70 كيلوا مثلا والدركسيون ممتاز يمكن بيقى خفيف شوية بعد الـ170 بس سهل التحكم فيه جدا من غير عصبية ولا تنشنة خالص صدقونى اكنى سايق المانى بالظبط .
ثامنا : من حيث الفرامل : صحيح ان الشارك عربية تقيلة عن البومة بس الفرامل رائعة وجربتها على السرعات العالية هى مافيهاش abs وانا عارف فوائده بس الفرامل اكتر من ممتازة .
تاسعا : من حيث الصاج : قبل ما اشترى العربية مهندس قريبى فى متسوبيشى فى التوكيل القديم وهو خبرة عالية جدا جدا جدا قالى صاج الشارك أقوى واحسن من البومة بس وانا بضغط على الباب بعد ما اشريت الشارك حسيت انه اخف من البومة بس العضم وأماكن القوة أكتر بكتير من البومة بس المهندس بيأكدلى ان الصاج أحسن يمكا علين الابواب كده علشان ترد معاك فى الخبطات .
عاشرا : البارومة . البومة فيها عيب وهو وجود بارومة فى الجزء الخلفى من الاعتاب الجانبية يعنى فى التجويف اللى أمام العجلاتين الخلفيتين وده انا قلت الحل بتاعه فى مشاركة ليا وهو ملىء هذا التجويف بسيلكنون عضم ثم دهان هذا السيليكون بلون العربية وهذا لا يعيب العربية اطلاقا ولو حبيت تشيل السيليون فى اى وقت هايتشال بالدهان اللى عليه وعلى فكرة انا عملت الموضوع ده فى الشارك أيضا تحسبا لوجود نفس العيب وكنت عملعه فى البومة أيضا .
من ناحية أعادة البيع : انا عارف الموضوع دع كويس والكل عارفه بس انا عايز ادى مثال بومة مثلا موديل 2008 سوبر أكشن كان الواحد شاريها بـ 125 الف جنيه لما يجيى يبعها هايبعها بكام كبيرها 85 الف جنيع يعنى خسر 40 ألف جنيه طيب الشارك مثلا واحد كان شاريها مثلا الفئة المتوسطة بحوالى 130 الف جنيه هايبعها بكام سوقها 90 ألف جنيه يبقى خسر كام حوالى 40 الف جنيه يعنى الخسارة قريبة من بعضها ومعروف فى سوق السيارات بتاعنا واللى من أغرب أسواق العالم ان السيارة كا ما زاد ثمنها كل ما خسرت اكتر فى البيع .
ملخص التقرير : هاعيدها تانى هذا التقرير من وجهة نظرى مع احترامى لوجهات نظر الاعضاء ومع احترامى للبومة وهى سيارة ممتازة وفيها مميزات كثيرة وكفاية انها يابانية الصنع ولكن ملخص التقرير الشارك عربية لا يعرف قيمتها غير اللى راكبها .
معلش يا جماعة هذىا تعديل التقرير
معلش يا جماعة هذا تعديل التقرير واللى اضفت فيه بعض النقاط
هذا التقرير شخصى وكل كلامى فيه من وجهة نظرى مع احترامى لجهات نظر الاعضاء ومش عايز حد يزعل منى دى وجهات نظر ودى وجهة نظرى ومن واقع تجربتى للسيارة شارك 2012 وهى عاملة دلوقتى 4 الاف كيلو وهاشرح فيه بعض مميزات الشارك وعيوبها ومقارنتها بالبومة فى بعض النقاط مع ذكر بعض عيوب البومة ومع احترامى للبومة وكل ملاكها وانا كنت واحد منهم فانا امتلكت سيارة لانسر مكواة لمدة 3 سنوات وكنت شاريها مستعملة بس فابركة ثم اشتريت بومة فى 2009 زيرو وبعدين بعتها وجبت شارك 2012 الفئة الثالثة اللى بـ134 الف جنيه .
بعد امتلاكى للشارك عرفت قيمة جملة سمعتها فى هذا المنتدى بس مكنتش عارف قيمتها وهى ان الشارك ميعرفش قيمتها غير اللى راكبها وانا بأكد على هذا الرأى بعد امتالكى للسيارة حتى انا عمال افكر ازاى العربية دى الناس خايفة منها وسمعتها مش قد كده واعادة البيع وحشة جدا لما كنت هاتجنن وقلت كده فى حاجة غلط هى ايه معرفش يمكن سعر العربية كان غالى شوية فاللى عايز يشترى شارك كان يزود مبلغ بسيط جدا ويشترى اوكتافيا وطبعا الاوكتافيا احسن من وجة نظرى يمكن علشان البومة سعرها رخيص فالناس بتقبل عليها علشان عربية رخيصة شوية ويابانى فى نفس الوقت يمكن علشان الشارك لما نزلت كانت بماتور 1500 وصوت الشكمان كان عالى جدا يمكن علشان الوكيل القديم معملش تسويق لها كويس يمكن يمكن مش عارف ...... المهم نيجى بقى لشرح مميزات العربية وبعض عيوبها ومقارنتها بالبومة مع ذكر بعض مشاكل البومة وبعض الحلول لها ايضا .
أولا : فى معلومة يمكن البعض ماخدش باله منها وهى ان الكريستالة اليابان عملت منها ايفيليوشن وطبعا احنا عارفين الفرق بين السيارة اللانسر العادية والايفيليوشن وأيضا المكواة عملوا منها ايفيليوشن بس ما معملوش من البومة مع احترامى لها ايفيليوشن ولكن الشارك عملوا منها ايفيليوشن .. طيب ليه معملوش من البومة موديل الايفيليوشن ؟
ثانيا : من حيث الشكل انا شايف ان الشارك اشيك بمراحل من البومة وده من وجهة نظرى وذوقى الخاص يمكن البعض مش شايف كده يمكن علشان احنا لسه مخدناش على شكل السيارات الرياضية التصميم بس انا شايف انها اشيك ...... يبقى الشارك تكسب من وجة نظرى وفى حاجة تانية جميلة قوى وهى علو ابواب السيارة يعنى وانت جالس فى السيارة بيقى الباب اللى جانبك عالى متوازى مع رقبتك وبعد كدع يبدأ الزجاج بمعنى أخر ان الباب كبير بالنسبة للزجاج وده بيحسسك انك فى عربية فخمة جدا جدا جدا جدا .
ثالثا : من حيث الصالون ان شايف ان صالون الشارك أوسع طبعا من البومة وأفخم بمراحل ونيجى هنا للمقارنة الشارك تكسب فى ان صالونها اوسع واشيك وأفخم بكتتتتتتتتير من البومة بس البومة تكسب فى انا بعض خامات التابلوه جلد وده من وجهة نظرة احسن من الفايبر فى حاجات كتير .. نيجى لشكل العدادات فعدادات الشارك والكاسيت البلت ان والتكييف اشيك بكتتتتتتتتتتتير جدا من البومة لان العدادات رياضية والانارة قوية من اللمبات الليد وطبعا العمر الافتراضى للمبات الليد أكتر بكتير جدا جدا جدا جدا جدا جدا جدا عن اللمبات العادية اللى فى تابوله البومة وفى نفس الوقت اللمبات الليد لا تضعف وطبعا المنظر شيك جدا مع استخدام اللون الابيض فى العدادات والمؤشرات الحمراء والتكييف والكاسيت البرتقالى نفس درجة لون اضاءة البى ام معشوقتى ده غير الشاة الديجيتال ودى مصيبة لوحدها بتشرح كل حاجة فى السيارة البنزين قد ايه ديجيتال طبعا ويكفيك لكام كيلو وبتحرق كام لتر فى 100 كيلو ومتوسط السرعة ومعاد الصيانة ودرجة حرارة الماتور ديجيتال طبعا ودرجة الحرارة الخارجية حتى فى أوبنش تغير صوت الاشارات وتعمل منبه أيضا أثناء السفر لعمل الريست وحاجات تانية . أما عدادات البومة فمنظرها قديم جدا وعادى وضعيفة الاضاءة جدا جدا واللمبات بتاعتها عادية بتضعف بسرعة ووتتأثر بقوة الماتور حتى لما عملوا العدادات الجديد فى البومة 2012 عملوا العدادات لونها زى الابيض الغامق كده وشاشة صغيرة ديجيتال بينهم بتنور بيج كده أو لون غريب مش لايقة خالص وفيها عيب ان مافيهاش مؤشر حرارة لا عادى ولا ديجيتال بس لما الحرارة تعلى عن المستوى الطبيعة فى لمبة بتنور وطبعا ده عيب فى العربية ............. يبقى الشارك تكسب .
رابعا : من حيث العزل اعتقد ان الاثنين العزل فيهم سىء وده انا عرفت تفسيره من صفحة الفيس بتاعت دايموند موتورز وهو ان استخدام خامات العزل مكلف جدا فكيف سيضيفون هذه المواد وفى نفس الوقت يبقى سعر العربية رخيص بالنسبة للالمانى مثلا اللى عازله كويس وعلشان كده غالى طبعا مش علشان العزل بس ولكن انا بكلم فى جزئية العزل .. بس بصراحة البومة تكسب فى الموضوع ده نظرا لعلو ماتور الشارك المايفك عند عمل كيك داون مع العلم ان الشارك 2012 غيرت تصميم علبة الشكمان عن موديل 2011 .. هذا بالاضافة ان الشركة وضعت كاوتش من نوع دانلووب فى الشارك 2012 وده صوته عالى جدا جدا بالاخص على الاسفلت المرمل بس بيدى ثبات عندى الجرى وعند الفرامل أيضا .... ففى هذه المقارنة البومة تكسب بس لو الكاوتش اتغير الشارك هتبقى افضل بكتير مع العلم بأنها سيارة هادية نوعا ما ومكتومة يعنى فى المطبات مبتعملش أصوات .
خامسا : من حيث الاصوات الغريبة فى السيارة وهى من واقع الشكوات المتكررة من الاعضاء هانبتدى بالشارك . السيارة الشارك لحد دلوقتى معايا فيها بعض الاصوات البسيطة والصعب سماعها الا وانت مركز وطافى الكاسيت وفى مكان مغلق وده انا سألت عليه فى التوكيل وطلع طبيعى ففيها صوت عند فتح الكونتكت دون تدوير العربية صوت كده تكتكة كهرباء لمدة ثانيتين مثلا وده طلع طبيعى وفى صوت اخر وهو عند وضع الفتيس على d أو r بيجى صوت زى كهرباء لمدة ثانيتين أيضا وبتسمعه وانت فاتح الزجاج وبليل بالاخص يعنى فى الهدوء التام وبتسمعه أسفل الماتور يعنى فى الفتيس وده طلع طبيعى لان الفتيس كهرباء وفى صوت تانى بيجخى أيضا لما تجيب حرف r أو d بعد وهو خبطتين أو خبطة من ورا وده طلع طبيعى وهو صوت فصل الفرامل عن الطنابير الخلفية وفى صوت اخير وهو عند فتح الكونتكت بتسمع صوت زى صوت تصفير الاذن بس بسيط جدا جدا جدا جدا جدا جدا وده صادر من لوحة العدادات بس انا لسه مسألتش عنه مع العلم انه عايز جراج محل مقفول ومفيش أى ضوضاء خالص خالص علشان تسمعه ... كل الاصوات دى ليست لها قيمة وخفيفة جدا جدا جدا جدا ومش متلاحظة نهائى ومش مسموعة خالص ويمكن الكثير لم يسمعها بس انا لاحظتها لانى غالبا بجرج العربية بليل والجراج عبارة عن محل صغير ويمكن علشان كده أنا سمعت الاصوات دى وسألت عنها .
نيجى بقى للبومة . البومة مكتومة أيضا فى المطبات بس لما البارات أو الاتياش بتبوظ وهى دائما بتبوظ بسرعة ودى أحد عيوب البومة فبتسمع صوت مزيكا تحت العربية ده غير صوت قواعد الماتور واللى دايما بتبوظ أيضا بسرعة فى البومة ده غير الصوت الشهير فى البومة وهو صوت خبط حديد حديد يسمع فى الدريكسيون بالاخص اثناء كسر الدريكسيون شمال والصوت ده مقرف جدا جدا وبيكره الواحد فى العربية ومش بيحس انه سايق زيرو خالص وطبعا الصوت ده صادر من علبة الدريكسيون وانا قلت قبل كده الحل وهو استبدال البستم الحديد اللى فى علبة الدركسيون بتاع الرجلاش بأخر فايبر نفس المقاس وده بيقلل الصوت وبيخلى تكراره نادر جدا . انا بحس ان البومة صوت عفشتها مسموع قوى بالاخص لو فى مشاكل فيها عكس الشارك بحس ان الشارك العفشة مفصولة تماما عن العربية يعنى مش بتحس بأى خبط أو اهتزازات يعنى صالون العربية فى وادى والعفشة فى وادى اخر بحس ان فى فاصل بينى وبينها . ملخص الكلام فى الجزئية دة الشارك تكسب .
سادسا : من حيث قوة الماتور : الشارك تكسب طبعا وقوة ماتورها 117 حصان ومايفك أم البومة السوبر اكشن تقريبا 107 حصان ومن حيث التسارع الشارك تكسب وفى حاجة فى الشارك عجبانى قوى قوى وهى بعد سرعة 100 وعايز تجرى من غير كيك داون ولا حاجة بتجمع بسرعة رهيبة لحد 180 يعنى فى وقت قصير جدا أكنك بتشد بالغيار التانى فى عربية مانيوال فما بالك لو عملت كيك داون انا العربية عجبانى جدا جدا جدا فى السحب بتاعها وعلى فكرة انا ركبت بومة 1300 و1600 فعارف انا بقارن ازاى مع احترامى بردو للبومة ومش عايز حد يزعل انا بقول وجهة نظرى فقط .
سابعا : من حيث الثبات : كنت كتير بختلف مع البعض أثناء امتلاكى للبومة وكنت دايما بقول ان ثبات البومة مش حلو بداية من سرعة 130 كيلو والدركسيون بيبقى خفيف جدا جدا ولو سبته هتلاقيه بيلعب يمين حوالى 2 سم وشمال حوالى 2 سم مع الطريق لان الطرق عندنا كلنا عارفنها كويس والعربية بتبقى خفيفية جدا جدا وبتتأثر بالطريق صحيح انها مبتعومش بس بتبقى خفيفة والدركسيون خفيف أيضا فمن الصعب التحكم فيها وطبعا كلنا بنتحكم فيها مع التعود بس بتبقى بتجرى وانت قلقان ومتعصب اكنك بتلعب بلاى ستيشن مش هادى والعربية راسية . نيجى للشارك مش قادر أوصف ثباتها انا جربتها كتير وكنت من فترة صغيرة على طريق مصر اسماعلية وحبيت أجرب الثبات على السرعات العالية جدا العربية هادية جدا على السرعات العالية يعنى بعد 130 وانت طالع حتى كان فى واحد جنبى وكنت ماشى على 180 وقالى انا حاسس ان العربية مش بتجرى وده لانها ثبته جدا جدا جدا جدا جدا مش بتلعب على الطريق ثقيلة على الطريق حتى حبيت اجى يمين وشمال أكنى باخد غرزة على سرعة 160 وكأنى باخد غروة على سرعة 70 كيلوا مثلا والدركسيون ممتاز يمكن بيقى خفيف شوية بعد الـ170 بس سهل التحكم فيه جدا من غير عصبية ولا تنشنة خالص صدقونى اكنى سايق المانى بالظبط . مع العلم ان الشارك أعلى من البومة بسنتيمتر ونصف وفى نفس الوقت اثبت منها يعنى خد مطبات عالية براحتك مش هتحك خالص وثابتة جدا جدا جدا .
ثامنا : من حيث النعومة : الشارك أنعم من البومة اللى من غير عفشة رياضية وأنعم بكتير جدا جدا جدا من البومة اللى بعفشة رياضية مع العلم ان عفشة الشارك رياضية .
تاسعا : من حيث الفرامل : صحيح ان الشارك عربية تقيلة عن البومة بس الفرامل رائعة وجربتها على السرعات العالية هى مافيهاش abs وانا عارف فوائده بس الفرامل اكتر من ممتازة .
عاشرا : من حيث الصاج : قبل ما اشترى العربية مهندس قريبى فى متسوبيشى فى التوكيل القديم وهو خبرة عالية جدا جدا جدا قالى صاج الشارك أقوى واحسن من البومة بس وانا بضغط على الباب بعد ما اشريت الشارك حسيت انه اخف من البومة بس العضم وأماكن القوة أكتر وأقوى بكتير من البومة بس المهندس بيأكدلى ان الصاج أحسن يمكن عاملين الابواب كده علشان ترد معاك فى الخبطات .
11: البارومة . البومة فيها عيب وهو وجود بارومة فى الجزء الخلفى من الاعتاب الجانبية يعنى فى التجويف اللى أمام العجلاتين الخلفيتين وده انا قلت الحل بتاعه فى مشاركة ليا وهو ملىء هذا التجويف بسيلكنون عضم ثم دهان هذا السيليكون بلون العربية وهذا لا يعيب العربية اطلاقا ولو حبيت تشيل السيليكون فى اى وقت هايتشال بالدهان اللى عليه وعلى فكرة انا عملت الموضوع ده فى الشارك أيضا تحسبا لوجود نفس العيب وكنت عمله فى البومة أيضا .
من ناحية أعادة البيع : انا عارف الموضوع دع كويس والكل عارفه بس انا عايز ادى مثال بومة مثلا موديل 2008 سوبر أكشن كان الواحد شاريها بـ 125 الف جنيه لما يجيى يبعها هايبعها بكام كبيرها 85 الف جنيع يعنى خسر 40 ألف جنيه طيب الشارك مثلا واحد كان شاريها مثلا الفئة المتوسطة بحوالى 130 الف جنيه هايبعها بكام سوقها 90 ألف جنيه يبقى خسر كام حوالى 40 الف جنيه يعنى الخسارة قريبة من بعضها ومعروف فى سوق السيارات بتاعنا واللى من أغرب أسواق العالم ان السيارة كا ما زاد ثمنها كل ما خسرت اكتر فى البيع .
ملخص التقرير : هاعيدها تانى هذا التقرير من وجهة نظرى مع احترامى لوجهات نظر الاعضاء ومع احترامى للبومة وهى سيارة ممتازة وفيها مميزات كثيرة وكفاية انها يابانية الصنع ولكن ملخص التقرير الشارك عربية لا يعرف قيمتها غير اللى راكبها .
