غيرت الطبه طلعلي الخرطوم

**ehabsoft** · 23-09-2012 10:37 AM

السلام عليكم ورحمه الله وبركاته
انا خلاص دورة العربية جبتلي جلطه مش عارف اعمل فيها ايه خلاص
امبارح بعد ما غسلت دورة الميه بان عندي طبه ميه عدمانه وكان مكنها كمان ورا الفرن
خدت العربية ورحت عند المكانيكي وكان عنده شغل كتير
المهم فك الفرن ووصل للطبه خت القديمة وجبت طبه تانيه مصري ب 2 جنيه واول مره الاقي حاجه رخيصه المهم حط السليكون وركبها وروحت.
النهارده بقى ببص على ميه القربة لاقتها ناقصه جالي حاله من الحزن قلت يمكن لسه الميه وصلت لكل اجزاء الدورة المهم ذوت ميه ورحت الشغل وببص على الميه اللي في القربة ما فيهاش نقطه ميه
لا قيت الخرطوم اللي ورا الكربتير مسرب ميه
فالى الله المشتكى

**فادى محمد** · 23-09-2012 10:54 AM

وعليكم السلام ورحمه الله وبركاته ..
معلش ياباشا انت في نعمه انك بتعرف مكان التسريب في ناس تانيه بتدوخ ال10 دوخات ومابتوصلش لحاجه وبيتخلل رحله البحث عن التسريب فتاوي وتعديلات من الصنايعيه وفي الاخر صاحب العربيه بيزهق ويموت من الحسره..
-الخرطوم اللي قصد حضرتك عليه اسمه خرطوم العكاز واصل من ورا الكربراتير لمانفولد الميه ودي صورته للي مش عارفه

-الخرطوم ده جديد ب65ج ..
-في خرطوم طويل وله دورانات وتعريجات اشتريته من بتوع قطع غيار البيجو اسمه (خرطوم تكييف) طوله حوالي 140سم وخامته ممتازه وب60ج فرنساوي ممكن تشتريه وتقص منه اي جزء مشابه للي عندك والباقي احتياطي .

**احمد فهمى** · 23-09-2012 06:47 PM

انا عندى رأى فك كل الخراطيم وغيرها واحد ضرب الباقى هيحصلو انا كل ٦٠ الف بفك كل الخراطيم واغيرها حتى لو مبتسربش وده امان لك عدا الخرطوم المومى اللى جنب البطاريه تحت ده عمرو طويل ومن خامات مختلفه