الموضوع: هنبص في المرايات امتة بقى

المشاركة الأصلية كتبت بواسطة eng f3lix

ربنا يسترها علينا جميعا من البهايم دول
بصوا يا رجالة انا هحكيلكو كذا حكاية
امبارح وانا في الحرفيين وداخل شارع المرسيدس
سواق نص نقل بيرجع لورا
ولجل حظي المنيل بستين نيلة الكلاكس بتاعي باظ مش عارف ليه
المهم ان الباشا بيرجع بيرجع بيرجع وانا لما شوفته كدة جبت r ورجعت انا كمان بس للاسف في عربية كانت لازقة فيا
رجعت سيكا والباشا بردو بيرجع من غير مايبص في المرايا لحد ماريح على العربية
طبعا نزلت فيه شتيمة وتهزيق وقلة ادب خصوصا اني كنت متنرفز ساعتها وهو مقدرش يتكلم عشان عارف انه غلطان

حكاية تانية
واحد صاحبي معاه شيروكي 2001
ماشي في الشارع اللي ورا الميري لاند بسرعة 50 كيلو لان الطريق فاضي وطبعا عارفين الطريق ده فيه فتحات عشان اللي بيحب يلف او كدة
المهم سواق تاكسي كان هيطلع وصاحبي قلبله نور على اساس انه مش هيهدي
سواق التاكسي وقف مكانه عشان صاحبي يعدي عادي جداً
فجأة سواق التاكسي طلع قدامه والمسافة كانت اقل من 15 متر
صاحبي فرمل جامد طبعا
عارفين عمل ايه؟
جري ورا سواق التاكسي وخبطه في الرفرف اللي ورا يمين لحد مالعربية عامت ولبس في رصيف وصاحبي كمل طريقه عادي
نفس الكلام ده انا بقيت بحس اني لازم اعمله مع اللي هيكسر عليا
اني اخبطه في الرفرف اللي ورا اعومله العربية عشان يفوق
وساعات مبقاش يهمني اني اعمل كدة ولا اخاف على العربية
وساعات بقول في نفسي معلش يمكن مش واخد باله
وساعات تانية الشيطان يوسوسلي ويقولي اعمل كدة
مش عارف الاحساس ده بيجي لكل الناس ولا انا بس ؟

خد بالك احيانا الواحد بيكون متردد جامد من جواه في الدوران او طالع من شارع جانبي يعدي ولا لا يعدي ولا لا وتلاقيه غصب عنه
عدى في اخر لحظة وممكن الللي جاي سريع ده يلبسو في بعض بس احيانا بيكون غصب عنه

انما في مواقف فيها استهبال واضح وصريح انك تلاقي نفسك ماشي في الحارة بتاعتك طبيعي
وواحد جاي سريع من وراك وبيزنق نفسه بينك وبين العربية اللي جمبك يقوم حاكك فيك
هنا بقى وقتها تجري وراه وتدبه

اللى مش بيبص فى المرايات ماشى بمبدأ (أنت فاكرنى هبص فى المراية كل ما أغير حارة ...... يا راجل كبر مخك)