هنبص في المرايات امتة بقى

**eng.m7md.ali** · 23-09-2012 01:37 PM

انا بصراحة قرفت من الناس دي
الناس مبتبصش في المرايا خالص وتلاقيه داخل ولا قاطع الطريق مفيش مشكلة عنده خالص
واغلبهم راكبين 128 ولادا يعني عربيات قديمة ميتخافش عليها
وماشي بمبدأ اللي خايف يوسع مع انه لو عربية من العربيات دي دخلت في فيرنا مثلا وش في وش اكيد القديم ده هيتعجن
ياجماعة انا بيتكسر عليا كل يوم بمعدل 565698 مرة
بجد لازم ناخد بالنا من القصة دي واللي معندوش مرايات يشتري مرايات مش عايزين جهل بقى وتخلف
امبارح ماشي على الاوتوستراد بعد صن سيتي ورايح مدينة نصر وفي ملف باخده غالبا على 100 وماشي على اليمين وعربية 127 ماشية على شمالي
قولت اهدي شوية واخد الملف اتفاجأ ان الغبي بيرمي عليا جامد وكان هيلبسني في الرصيف لولا اني هديت جامد عشان الغبي ده

ومواقف كتير جداً حصلت بردو خصوصا للناس اللي معاها بايك
واحد صحبي ماشي عادي في طريقه ويتفاجئ ان عربية بتكسر عليه فجأة من اليمين للشمال عشان ياخد يو تيرن
طبعا مش هقول ان العربية قديمة والراجل مش في دماغه اصلا
هووووووووووووووب
لبسه في الرصيف واتقلب بالبايك ورجله اتكسرت ودلوقتي في المستشفى ومهدد انه يعيش من غير رجله
طبعا الراجل اساسا خاف وموقفش ومحدش لحقه حتى
حسبي الله ونعم الوكيل
ارجوكو اتقوا ربنا وبلاش الاسلوب الهمجي ده في السواقة
واللي معندوش مرايا يشتري مرايا عشان دي ارواح ناس

**احمد المصرى** · 23-09-2012 02:26 PM

دا الطبيعى يا باشا

يوم الجمعه راجع من الهرم وبعد دريم لاند واحد راكب عربيه وبيهدى خالص على المين وقبل الملف بمتر بيعطى اشاره المصيبه اساسا ان الملف دا مش بتاعه اساسا يعنى دى خارجه للطريق التانى مش داخله ليه يعنى المفروض مش يدخل فيها اساسا وطبعا بيبصلى اكنى مش بعرف اسوق ولما كلمته بيقلى مش شايف الاشاره حاولت افهمه انه غبى ومش فاهم مرور اساسا وان دى مش ملف ليه مصمم انه مشغل الاشاره كل كلمه الاشاره تقريما بيتوحم على الاشاره ههههههههههههههههههههههههه ه

بجد السواقه بقت صعبه جدا فى مصر

**mohamed_salama** · 23-09-2012 02:41 PM

يا جماعه ده العادى فى مصر السواقه فهلوه مش اكتر من كده وغالبيه اللى بيسوقوا بقوا يسوقوا بالفهلوه ولا بقواعد مرور ولا اى حاجه خالص

اول ما جبت العربيه بتاعتى وكانت 128 بترولى وماشى فى حالى على الطريق والطريق كان اتجاهين وفى واحد راكب اسكودا سوده راكن على اليمين فانا وقفت وقعدت ادى كلاكس زمامير تصفير تهليل وعلى ما افتكر شاورلى بايده عدى الطريق واسع
واول ما جيت اعدى قامت واحده قاعده وراه فاتحه الباب فجاه فى نفس اللحظه اللى انا معدى فيها يلا الحمد لله الباب بتاعه اتعجن وبقى عامل زى الاوكرديون وانا ختلى خبطه محترمه مع ان المرايه كمان اتكسرت والحمد لله برضوا لما جيت ابيع العربيه عشان الخبطه دى عابت الحوض بتاعها نزل من سعرها حوالى 1000 جنيه يلا الحمد لله على كل حال

**khalid_adel** · 23-09-2012 02:41 PM

ياباشا الالعن بقي
تلاقي عربيه حديثه (تويوتا كورولا ولا صني ولا لانسر) وتلاقي ماشي بيهبل من بعيد بقول ده يا ست يا حمار قافل مراياته
وفعلا بلاقيه ماشي بالعربيه والمرايتين مقفولين وكذا مره اعدي منهم وازعق واقوله لازمتهم ايه المرايات اللي انت قافلهم دول تقريبا هو بيسمع ويقول مع نفسه ملهمش لازمه يازميلي :):):)
objection

**khalid_adel** · 23-09-2012 02:47 PM

انا طالب منكو طلب ويارب تساعدوني فيه
الاشكال المتخلفه دي لما بتكسر عليا انا رد فعلي المبدئي اني بكسر معاه بس الصراحه رد فعلي ممكن يبقى زياده شويه وكذا واحد قالي الموضوع ده مش عارف زي بتخد وممكن احدف معاه بزياده طبعا ده خطر عليا انا كذا مره المس رصيف ومره العربيه كانت حتعوم مني علي الدائري وانا ماشي 120 بسبب حمار برضه حدف فجاءه وهكذا
المهم انا عارف ان ربنا بيسترها كل مره بس الموضوع ده من اكتر اسباب الحوادث وبعد الشر انت تعمل حادثة جامده والحمار يمشي ولا كان ليه دعوه باللي حصل بعد ما البسك
المطلوب منكو تساعدوني اني ابطل الموضوع ده وان لو حمار كسر عليه مزودهاش او اخبط فيه هو مش مهم بس ميودنيش في داهيه وهو يمشي
انا طول الوقت بحط في دماغي الموضوع ده واقول لو مين حدف مش حكسر لكن زي مابقولكو زي بتخض كده وبكسر فجاءه كرد فعل تلقائي :):):)

**bmya** · 23-09-2012 02:49 PM

طيب اللي معندوش مرايه اهو معتدوش لكن اللي بيموتني من الغييييييييييييييظ اللي راكبين عربيات حديثه وماشين قافلين مراياتهم وقال ايه خايف عليها احسن تتخبط وتكسر والمرايه غاليه تييييييييييييت المرايه يعني

-

-

-

الموضوع: هنبص في المرايات امتة بقى

LinkBack

أدوات الموضوع

عرض

هنبص في المرايات امتة بقى - انشر الموضوع فى :

-

-

-

-

المواضيع المتشابهه

المرايات ضم ؟

زرار المرايات ب ١٥٠ جنيه٠ حد عنده بنسة نظبط المرايات بيها

حد عارف المرايات دى ؟

ضبط المرايات

امتة تكون موجودة سوبارو امبريزا 2008 سيدان فى مصر

الكلمات الدلالية لهذا الموضوع

المفضلات

المفضلات

ضوابط المشاركة