الموضوع: عيوب البورا

اشكر رد حضرتك واهتمامك جدا وكلامك فعلا يريح واكد اعتقادي بان الموضوع مش موضوع عربيه ده موضوع عنايه بالسيارة واهتمام فقط لا غير واكيد المانيا وفولكس فاجن مش هتعمل عربيه اي كلام
بس يا ريت حضرتك تقولي تجربتك معاها مع التكييف مثلا لاني بسمع ان التكييف بيكون ضعيف في الالماني وكمان تجربتك بصفع عامه مع السياره والعفشه وهلي بتحتاج تغير حاجات كتير وهل العفشه معمرة يعني يا ريت تنقل لي خبرتك والعربيه بقالها معاك قد ايه

ف حاجة كمان انا احب اعرفها لو حضرتك كنت سمعت عن البولو الكلاسيك ال 1400 سي سي يا ريت تديني انطباعك عنها
وشكرا

بص يا باشا العربيات دى متتكلمش فى عفشه و لا تكييف و لا ثبات و لا اى حاجه تانيه الملحوظه بس هو الفتيس عاوز عنايه و متابعه و فتيسها ب 4 الاف فى الحرفيين و كيلو الزيت ب 120 زيت كهرباء ابيض ..... العفشه جبارة طبعا و مريحه جدا التكييف قوى لدرجه انك مش هتستحملو و هتطفيه عشان ما تتعبش قوة الشاسيه و الرفارف و ابواب السيارة حدث و لا حرج مش هبالغ لو قلتلك تضاهى الجيب الجديد مريحه جدا فى السفر ..... بس نصيحه لو بتفكر فى البورا بفلوسها هات باسات احلى و اوسع و اشيك و افخم و نفس الموتور و العفشه

السلام عليكم
اعطال الفتيس الاوتوماتيك فى الفولكس بالاخص اكتر من مثيلها فى الامريكانى و اليابانى و الامريكانى هو احسن فيتيس اوتوماتيك و اليابانيين اتعلموا من الامريكان صناعة الاوتوماتيك فلو كنت عايز اوتوماتيك فعليك باليابانى لان مشاكله قليلة جدا و انا سمعت شكاوى كثيره من فيتيس الجولف 4 و البورا و الاوكتيفيا a4 و الجولف 5 و اخرهم ابن خالى نصحته بلاش البورا الوتوماتيك و لكنه اصرر و كانت النتيجة ان العربيه جابت منه فتيس على الطريق الصحراوى و اضطرر ينقلها و يشترى فتيس استيراد و الموضوع تجاوز اكتر من 5500 جنه علما بان العربية كانت حالتها ممتازة و الموضوع ده حصل مع احد ميكانيكية الجولف المعروفين اشترى اوكتفيا a4 اوتوماتيك و جابت منه فتيس و عرفت منه انه كلفة 3000 جنيه اصلاح اما عن كفائة البورا فبستثناء الاوتوماتيك فهيه عربية ممتازة من كله للعلم انا مبركبش غير جولف و معايا جولف 3 بس مانيوال هذا و الله اعلم

اشكركم جميعا علي ال ردود الاكثر من رائعه ديه
بس انا عن نفسي بالطريقه ديه بدات اقلق من موضوع الاتوماتيك ديه وبفكر جديا في المانيوال فهل بردو لها عيوب في الفتيس
انا بخصوص الباسات فهي عربيه كبيره قوي علي وهتبق لخمه وانا مش بحتاج كل المساحه ديه وكمان هي 2000 سي سي واحنا زي ما انتوا عارفين دخلين علي رفع اسعار بنزين وكمان ممكن متدخلش في البنزين المدعوم لانها 2000 سي سي وده مش هيبق ميزه وكمان انا بحب شكل البورا قوي وهي شبابي اكثر من الباسات

انا ليا رأى تانى ممكن يرضى تطلعاتك و هو الاوكتيفيا a4 السيارة هى البورا بالضبط لكن باختلاف الشكل الخارجى يعنى موتور 1600 sr و العفشه و و الفرامل abs و الثبات كله نفس البورا يعنى ممكن تقول اختها فى الرضاعة لكن ما يميزها ان قطع غيارها الخارجية زى الصاج و الاكسسوار و الاكصدامات ارخص من البورا و متوفرة جدا بالاخص الاستيراد (استعمال الخارج) لان السيارة موديلها من 97 حتى 2006 (و ده يوفرلك تدرج فى اسعارها حسب مقدرتك ) لكن البورا من 98 حتى 2003 و مش منتشره فى انحاء العالم مثل الاوكتيفيا بالاضافة لكثرة نزولها مصر معاقين مما يؤمن لها قطع غيار لفترة معقولة من الزمن بسعر تنافسى بالاضافة ستجد منها فبريكا خوارج كتير عن البورا و احب اقولك ان قطع غيارها الاستيرا ارخص من الفيرنا نفسها كما انها تتمتع بشنطه مهولة تمكنك من تركيب اسطوانة غاز فى حال زيادة اسعار البنزين و الله الموفق

بس انا عن نفسي بحب شكل البورا وكمان انها مش كبيره زي الاسكودا وشبابي اكثر وبحس انها شيك ومرتاح لها اكثر

يا ريت يا جماعه اللي عنده كتالوج الصيانه بتاع البورا يرفعه لنا لاني دورت عليه كتير ومش لاقيه وهل في كتالوج عربي للبورا وايه اخبار التوكيل بتاعها لسه بيقبلوا موديلات 2002 ولا خلاص بطلوا ولو حد عنده جدول الصيانه يرفعه لنا بردو وشكرا