العربية بتاكل بنزين بشكل غير طبيبعى

**zeyada2002** · 23-09-2012 01:59 PM

انا معاى عربية رينو 9 موديل 90
المشكلة انها بتسحب بنزين بصورة كبيرة جدا انا التانك عندى 45 تقريبا انا بفول العربية بالكتير بتمشى معاى 200 كيلو وكمان مشكلة ان فيها رعشة على الاول والتانى ولما اطلع مطلع الرعشة بتزيد ماحدش يبفدنى المشكلة ممكن تكون المشكلة انى من اسيوط ومش لاقى ميكانيكى ابن حلال يفهم فى العربية

**romieh** · 23-09-2012 02:34 PM

احتمال كبير يكون ديسك واسطوانة دبرياج

**zeyada2002** · 23-09-2012 04:43 PM

لسه مغير الديسك والاسطوانة والفرش يعنى طقم دبرياج كامل من حوالى شهر تقريبا

**romieh** · 23-09-2012 05:05 PM

ماهو ممكن يكون الديسك والاسطوانة اللى انت اشترتهم دول مضروبين وهما اللى عاملين المشاكل

**hassanin_lada** · 23-09-2012 05:19 PM

بص ياباشا انا مافهمش قووووووووي فالحديث بس انا من اسيوط ..

في واحد اسمو نشأة في تقسيم البترول بعد مجدي بتاع الزوايا ده شاطر جدا جدا وشغال حديث بس

وفي محمود وده شاب ودماخو حلوه خالص وبياخد ويدي معاك ومحترم جدا جدا والورشه بتاعته بعد النقطه العسكريه قبل ماتمسك طريق درنكه .. جنب منه واحد اسمه احمد الكهربائي وده رقمه 010004363706

**zeyada2002** · 25-09-2012 12:27 PM

المشاركة الأصلية كتبت بواسطة bkaltalamana

بص ياباشا انا مافهمش قووووووووي فالحديث بس انا من اسيوط ..

في واحد اسمو نشأة في تقسيم البترول بعد مجدي بتاع الزوايا ده شاطر جدا جدا وشغال حديث بس

وفي محمود وده شاب ودماخو حلوه خالص وبياخد ويدي معاك ومحترم جدا جدا والورشه بتاعته بعد النقطه العسكريه قبل ماتمسك طريق درنكه .. جنب منه واحد اسمه احمد الكهربائي وده رقمه 010004363706

بس شكرا ليك اوى المشكلة انى عربيى مش حديثة ونشأت باشا روحتله قالى مش بشتغل فى العربيات دى وكمان المشكلة ان قطع الغيار بتاعها فى اسيوط يكاد يكون مفيش خالص علشان كده كل اللميكانيكية الكويسسيين يبقولوا مش بنشتغل فيها لو انت تعرف حد كويس فى الرينو 9 ونظيف ياريت تقولى عليه او حتى فى القاهرة بس المشكلة انا خايف اكون زبون ويضحك عليا فى القاهرة لكن لو تعرف حد مضمون وبيفهم فى الرينو 9 فى القاهرة انا ممكن اسافر مخصوص

**khaled sabry** · 25-09-2012 02:38 PM

غالبا المشكله فى الكربراتير مادمت واثق فى الدسك و الاسطوانه

انا اصلا من اسيوط على فكره بس مقيم فى القاهره
بص روح لاحمد فؤاد فى المعلمين
انا مش عارف اوصفهولك بالظبط فين لكن انتا لما تعدى السادات و تعدى الكوبرى اللى على الترعه ده
تخليك ماشى مع الطريق و تلف فى اول يو تيرن شمال و تحود فى او او ثانى شارع يمين (مش فاكر بالظبط) لكن هو شارع حتلاقى على اوله ارض زراعيه صغيره كده
اسأل هناك على احمد فؤاد الميكانيكي
وقوله انك من طرف م خالد صبرى اللى معاه التيوتا كورولا القديمه ابن م صبرى (رحمه الله ) اللى معاه البيجو 504 ابن اخو د ممدوح اللى كان معاه 132 ( قولتلك على العيله اهه لأنهم كلهم كانو زباينه وكلهم بيشكرو فيه )

**hassanin_lada** · 25-09-2012 06:33 PM

يابشمهندس هو رايح يصلح العربيه ولا يناسب الميكانيكي :d .. عموما هو في محمود ده هو شاطر جدا جدا بس الصراحه بقي ماعرفش هلي ليه في الرينو ولا بس انا كنت بشوف عندو عربيات ماركات غريبه من الدايو غير اللي احنا عارفينهم فاكيد انشألله مش هيغلب في دي