ما هي اعراض تلف الاسكترا ؟
السلام عليكم ورحمة الله وبركاته
يا ريت يا جماعه حد يوضحلنا ايه اعراض تلف الاسكترا ( العاده ) بالظبط لاني روحت للعفشجي قبل العيد علشان يربط العفشة وقالي ان الاسكترا عندي مبوشة وكان عايز يودي الاسكترا لخراط عشان يعملها حاجه جلبة تقريبا مش فاكر وللاسف لقيناه قافل لان الكلام ده كان قبل العيد بيوم .
عموما هو قالي انها مش هتضر العربية في حاجه باستثناء الدربكة اللي بسمعها وبحسها في الدركسيون في الطرق المكسرة . فهل الكلام ده مظبوط فعلا ؟
وهل العيب ده ممكن يتصلح ولا كده الاسكترا فعلا بايظة ومحتاجه تتغير؟
لو محتاجه تتغير يفضل اجيبها جديد ولا استيراد مع العلم ان العفشجي فضل الاستيراد
للعلم انا سألت علي اسعارها جديد 375 صيني عند محل اسمه الكوثر و 500 الماني عند فتح الباب والاتنين في الحرفيين اما استيراد فهي في حدود من 250 الي 350 مع العلم ان محلات الاستيراد اللي اتصلت بيها مكنتش موجودة عندهم بس قالولي علي رنج سعرها بس اكيد لو لفيت لفة كويسة هلاقيها ان شاء الله .
تحياتي للجميع