لمالكي الالنترا : بعد الألنترا هاتجيب أيه ؟

**sewefy** · 14-02-2014 05:53 AM

معايا النترا md 2012 هاى لين عربيه ممتازه بمعنى الكلمه لا غبار عليها فى قوه ماتور وتكيف احلى شكل بجد موحود فى السوق
لكن كان ينقصها حاجه بسيطه وهى انها تكون مصفحه من الاسفل وتكون اعلى شويه عن الارض بس ده من وجهة نظرى لكن عربيه محترمه ولو افكر ابيع اجيب كورى عاليه عن الارض ذى كيا اسبورتاج او i35 او قشقاى مع العلم ان شكل الالنترا وتبلوها احلى من عربيات كتييييييييييييييير بمراحل

**Medicalist** · 14-02-2014 09:43 AM

الشهر الى فات انا سقت
1. كيا سول 2013 : عربيه ماشاء الله عليها ناعمه جدااا و باورها ناعم و اخف من الانترا وسحبها وطلعتها و دواستها انعم بكتير من الانترا بس العربيه حسيتها خفيفه و تناسق التابلوه و الزراير ووضع الكرسى ما ريحنيش كنت حاسس انى تايه
2. نيسان قشقاى 2013 : عربيه تقيله جدااا وما حبتهاش خالص واستهلاك بنزين عالى فى رايى ما تسواش الرقم العالى تمنها ده
3. تويوتا كورولا 2013 هاى لاين : اول مره اركبها و اسوقها . الانترا معايا برقبتها اولا الدريكسيون تقيل بالنسبه للانترا و لفات الطاره تقريبا اتنين و نص على الجمب الواحد فى الانترا واحده ونص
العربيه ضيقه من ورا وقدام وانا قاعد ادام ببقى عايز اوطى وورا كمان راسى بتبقى لامسه فى السقف عكس الانترا 2010 واسعه من ورا وادام لدرجه انه الى بيبقى راكب معايا ورا مش ببقى شايفه
فتحه السقف فى التويوتا زرار واحد تقريبا و مش بتفتح بلمسه واحده لازم تفضل خاطط ايدك على الزرار عشان تفتح
السحب بتاعها و الطلعه بتاعتها تقيله شويه عن الانترا
بصراحه ماكنتش متوقع انها كده انا دايما كنت بحس انه الكورولا اعلى من الانترا بس بالصراحه لقيتها اقل فى حاجات كتير
4. بى ام 316 2013 دى انا ما سوقتهاش بس ركبت مكان السواق العربيه ضيقه اوى من ادام و كنت موطى عشان اقعد براحتى مش عارف بس طبعا البى ام لا تقارن
انطباعى بعد تجربه العربيات دى انه الانترا عربيه جميله جدااا شكل وموتور وسحب و عفشه وكل حاجه بتديهالك
الكيا سول عربيه محترمه جداا وعجبتنى جدااا وتستاهل فلوسها
انا لو نزلت من الانترا ان شاء الله و بعتها فى المتاح بالنسبالى هبقى حابب اركب السيراتو الشكل الجديده حاسس انها واخده روح الانترا القديمه
او ix 35 عربيه جميله جدااا

**MR A7MED** · 14-02-2014 10:02 PM

انا عن نفسى الحمدلله لسه شارى النترا 2014 اول فئه اوتوماتك
والعربيه بسم الله ما شاء الله ممتازه

لو ربنا اراد خلال السنوات القادمه وحبيت اغير هاغير برضه للهيونداى بس موديل اعلى الا وهو

ix35

تحياتى للجميع

**Samir Elshahawy** · 15-02-2014 10:06 PM

بصراحة أنا كنت بأفكر في ال ix 35
لكن مع زيادة الاسعار و أحتمال زيادتها تاني أحتمال كبير أني مش هأغير الالنترا دلوقتي أو علي الاقل هأجيب ألنترا تاني الشكل الجديد هاي لاين

ربنا يستر

**adorehearts** · 16-02-2014 02:05 AM

بغض النظر عن مصر مينفعش فيها غير العربيات الكورى او اليابانى وده يرجع لأسباب كتير واهمها قطع الغيار المتوفرة وسعرها المناسب , اكتر حاجة عجبتنى فى السوق بعد الألنترا هى ال ix35 و kia sportage بجد يوم بعد يوم بيزيد احترامى للعربيتين وان شاء الله ربنا يكرمنى وواحدة فيهم تكون معايا فى يوم من الأيام...

**hossam_elwani** · 16-02-2014 02:54 AM

بعيد عن الموضوع .. خدعوك فقالو سعر اعادة بيع اﻻلنترا ممتاز الواقع عكس التمنى .. العربيه بتبقى كسر زيرو وبينزل فى سعرها لحد 25000 واكتر

**svneleven** · 16-02-2014 04:23 AM

المشاركة الأصلية كتبت بواسطة medicalist

الشهر الى فات انا سقت
1. كيا سول 2013 : عربيه ماشاء الله عليها ناعمه جدااا و باورها ناعم و اخف من الانترا وسحبها وطلعتها و دواستها انعم بكتير من الانترا بس العربيه حسيتها خفيفه و تناسق التابلوه و الزراير ووضع الكرسى ما ريحنيش كنت حاسس انى تايه
2. نيسان قشقاى 2013 : عربيه تقيله جدااا وما حبتهاش خالص واستهلاك بنزين عالى فى رايى ما تسواش الرقم العالى تمنها ده
3. تويوتا كورولا 2013 هاى لاين : اول مره اركبها و اسوقها . الانترا معايا برقبتها اولا الدريكسيون تقيل بالنسبه للانترا و لفات الطاره تقريبا اتنين و نص على الجمب الواحد فى الانترا واحده ونص
العربيه ضيقه من ورا وقدام وانا قاعد ادام ببقى عايز اوطى وورا كمان راسى بتبقى لامسه فى السقف عكس الانترا 2010 واسعه من ورا وادام لدرجه انه الى بيبقى راكب معايا ورا مش ببقى شايفه
فتحه السقف فى التويوتا زرار واحد تقريبا و مش بتفتح بلمسه واحده لازم تفضل خاطط ايدك على الزرار عشان تفتح
السحب بتاعها و الطلعه بتاعتها تقيله شويه عن الانترا
بصراحه ماكنتش متوقع انها كده انا دايما كنت بحس انه الكورولا اعلى من الانترا بس بالصراحه لقيتها اقل فى حاجات كتير
4. بى ام 316 2013 دى انا ما سوقتهاش بس ركبت مكان السواق العربيه ضيقه اوى من ادام و كنت موطى عشان اقعد براحتى مش عارف بس طبعا البى ام لا تقارن
انطباعى بعد تجربه العربيات دى انه الانترا عربيه جميله جدااا شكل وموتور وسحب و عفشه وكل حاجه بتديهالك
الكيا سول عربيه محترمه جداا وعجبتنى جدااا وتستاهل فلوسها
انا لو نزلت من الانترا ان شاء الله و بعتها فى المتاح بالنسبالى هبقى حابب اركب السيراتو الشكل الجديده حاسس انها واخده روح الانترا القديمه
او ix 35 عربيه جميله جدااا

تعليق صغير عن حكاية ال بي ام حضرتك ممكن توطي الكرسي ل تحت لو أنت طويل. انا بعمل كده بردو لأن فيه ناس قصيرة بيعلي الكرسي عشان يشوف الكابوت. أنا معايا 2011 اللي هي أضيق من ال 2013.

**svneleven** · 16-02-2014 04:30 AM

ردي علي الموضوع الشيق أن أنت لما هتتنقل من الانترا لالانترا موديل جديد أو سيراتو مش هتحس بفرق كبير غير في شكل العربية و شوية كماليات زياده. شوف مثلا الانترا hd و md. ما فيش فرق يذكر في متعة السواقة أو الأداء.
أنا كان معايا الانترا2008 ثم 2012 ما فيش فرق أداء يذكر. نفس العربية لكن شكلها مختلف. و كنت بحبهم جدا لكن لما بعت كان لازم أجيب ألماني مش أي أوروبي لأن تقريبا الكوري في رأيي أحسن من معظم الأوروبي عدا الألماني تحس أن فيه فرق. طبعا مش معناه أن الألماني أحسن من الكوري بوجه مطلق لأن كل عربية فيها مميزات و عيوب حتي الألماني طبعا لكن الألمان تحس أن عربياتهم ليها طعم جديد مختلف زي الأمريكي كده ليهم (نفس) في عربياتهم. طبعا أنا ما قولتش تجيب أمريكاني عشان كل اللي عندنا في مصر مش أمريكاني ده لعب عيال عشان الأمريكاني لازم يتركب مواتير كبيرة و كبيرة بمعني الكلمة يعني مش 1600 ولا 2000 حتي.