المشاركة الأصلية كتبت بواسطة hossam99
في نفس ظروف شراء الإلنترا 2008 (hd) و مع نفس الإلتزامات و بنفس السعر يبقي هي الإلنترا لكن هاي لاين بدون s/r
لكن لو بأحوال 2013 فأكيد فيه حاجات أفضل بالنسبه لسعر الهاي لاين من الـ(md) و بما إني عشقت الفرنساوي علي كبر فممكن سيتروين ds4 عربيه ممتازه أو بيجو 3008 (نفسي أركبهم الصراحه)
و لو كوري هايبقي سبورتاج
لو هانفتح في الميزانيه هاتبقي حته c205 avantgarde و بارك الله فيما رزق
لكن...
لي كلمتين من خلال تجربه الإلنترا من 2008 حتي الآن
العربيه ممتازه و إقتصاديه و الحمد لله حتي الآن بحالة الزيرو مبتطلبش قطع غيار أساسيه خلال 77000 كم
كل ما تم من صيانه مجرد صيانات وقائيه و تغيير سوائل
عربيه عائليه إقتصاديه و محتفظه بتمنها واسعه و ناعمه ...كل ما أفكر أغيرها أستحرم لأنها جديده و حالتها ممتازه و أقول تكمل كمان سنه و هكذا
أكثر حاجه بتضايقني فيها هي الكماليات مفيش كماليات (أول فئه أوتو)