أنا كان قلبى حاسسن ان الموضوع كبير ..
ربنا يقوينا وينصفنا عليهم يا رب.
عرض للطباعة
الزملاء zemoss و Proper1981
هل معنى كده ان سبب التزييق حاجة جوه الدبرياج نفسه؟ ممكن يكون ايه؟
طيب ايه التفسير ان العربية بتطلع من التوكيل بعد الاصلاح بدون تزييق ، ثم يعود التزييق بعد عدة ساعات؟
ايه يا جدعان الكلام ده انا كده ابتديت اقلق بجد ....طقم دبرياج ايه ...دا المفروض في العربيات المحترمه بيتغير بعد ما تكون العربيه هلكت ....دا لو كده بجد يبقي ادور علي بيعه للعربيه واريح دماغي واجيب فرنا .......بس انا ليا تفسير تاني معرفش صح ولا غلط وهو ان الدواسه دي بلاستك اوباغ حاجة كده وممكن تكون المفصله بتاعتها كده ونظرا لان الدبرياج هي اكتر دواسه الضغط عليها قوي شويه (لان الفرامل والبنزين اخف من ناحيه التحميل) فممكن تكون المفصله بتاعتها بتتاكل مع الوقت وتعمل التزيقه دي ...وهما في التوكيل بيحلوا الموضوع بشكل مؤقت بإنهم بيرشوا حبه wd40 يلين الدنيا حبه وخلاص
خدوا عندكم النكتة دى ..
النكتة دى .... جديدة ..
- ضمان الدبرياج 3 شهور
بام بارا بارام ... بام .. بام
وكمان دى :
- طقم الدبرياج بـ 1900 جنيه
بام بارا بارام ... بام .. بام
ودى كمان :
- مهندس فى التوكيل: الدواسة بتزيق ، اديها تزييت ، رجعت تزيق ، اديها كمان تزييت ، وعيش يا معلم .. عايز تخلص غير طقم الدبرياج.
محدثكم من توكيل العبور : Egyzizo
على الصفحة الرسمية لرينو كاتبين فى اكتر من موضع ان ضمان اى قطعة غيار رينو اصلى مدتها سنه لو قاللك ان ضمان الدبرياج 3 شهور والكلام الفاضى ده خليه يديلك ورقة مختومة عليها توقيعه فيها الكلام ده واطلع بيها على اى جهة رسمية وقدم بلاغ لان الكلام ده ينافى ما تم ذكره على صفحتم الرسمية
ممكن ترفع قضية وممكن تشتكيهم فى مركز حماية المستهلك
آسف طلع فعلا ضمان الدبرياج 3 شهور وذكر ذلك فى صفحتهم
من فضلك سيارتي رينو لوجان 2010 وهي الان في الضمان وذهبت لمركز العبور بسبب خشانة في دواسة الدبرياج متكررة ... فنصحوني بتغير طقم الدبرياج ... فسؤالي هو هل التغير تبع الضمان حيث ان السيارة في الضمان ولم تكمل ثلاث سنوات وعامله 34000 كم...ارجو الرد سريعا
See Translation
Like ·
- https://fbcdn-profile-a.akamaihd.net...43783738_q.jpg
Renault Egypt أ/ ناجى, ضمان الدبرياج هو 3 شهور او 10.000 كم ايهما اقرب. VR
July 12 at 10:49am · Like
- https://fbcdn-profile-a.akamaihd.net...23860735_q.jpg
Nagy Haasaan شكرا للرد... بس ده شئ غريب شوية كيف يكون ضمانه 3 شهور فقط؟؟؟؟See Translation
July 14 at 7:00am · Like
http://www.nilemotors.net/Nile/183034-3.html
http://www.nilemotors.net/Nile/images/icons/icon1.gif ضمان اللوجان 3 سنين ما عدا
شوفوا .. أنا كنت فى التوكيل من 5 ايام باغير البوابة ، وقلتلهم على تزييق الدبرياج وعملوه .. ورجع تانى ..
وكنت هناك النهارده باغير الطنبورة ، فقلت لهم على التزييق تانى ، ولحسن حظى انهم نسيوه.
فلما استلمت العربية ، ولقيته لسه ما اتعملش ، قلت للاستقبال ، فبعت لى ميكانيكى من جوه يعمله للعربية وهى واقفة بره.
الميكانيكى جه ، وجاب معاه wd40 + برطمان شحم أبيض.
وما اشتغلش غير فى حتة واحدة ، وهى اللى فى الحوض اللى كان قال عليها د. أحمد عبد الرحمن وهى دى مربط الفرس بعيد عن الدواسة نفسها.
الميكانيكى شال جلدة سمرا ، ورش wd40 بغزارة ، وبعدين أخد الشحم الأبيض وقام بتشحيم البيضة كويس، هو قال اسمها كده.
والنتيجة ان التزييقة راحت تماماً
أنا عارف انها هترجع سريعاً
بس الفكرة انى اطمئنيت ان اللعب كله من بره ومافيش مشاكل جوه الدبرياج نفسه.
أنا تفسيرى للموضوع كالتالى :
المنطقة دى فيها احتكاك وشد ، ولازم تكون متشحمة باستمرار
وكان لازم يدخلوها فى الصيانات الدورية بأنهم ينضفوها من التراب ويعاد تشحيمها بشحم نظيف كل 10 آلاف كيلو مثلاً ، وده مابيحصلش للأسف.
والنتيجة ان كتير مننا نتيجة الاحتكاك بدون تشحيم مثالى لأن شحم الفابريكة اتطين ونشف مع الزمن ، حصل خشونة عندهم فى منطقة الاحتكاك دى (فى البيضة اللى الميكانيكى قال عليها) ، وعشان كده أسطح الاحتكاك أصبحت غير مثالية للعمل والتشحيم مابقاش يخليها تعمل بكفاءة لفترة طويلة.
أما الناس اللى غيرت طقم الدبرياش أو تم نصحهم بذلك للتخلص من التزييق (وأنا منهم) ، فدول التوكيل بيريح دماغه معاهم ، بأنه يستبدل البيضة المتآكلة دى ، بواحدة جديدة ، ولأنها متصلة بمجموعة الدبرياج من الداخل فلابد من تغيير المجموعة كاملة ، وبكده تتحل المشكلة.
فأنا شايف ان الموضوع بسيط ومش مستاهل تغيير طقم الدبرياج ، وأدينا عرفنا السكة وممكن نشحمها بنفسنا كل أسبوعين تلاتة ، أو كلما زاد التزييق ، ومين عارف ممكن نلاقى نوع شحم Heavy Duty ذو كفاءة عالية يستمر لفترات أطول (موضوع الشحوم ده علم لوحده على فكرة).
............
بص يا زيزو عشان تعيش سعيد بالعربية: Wd40 كل شهر:
Wd40 كل شهر:
تشحيم دواسة الفرامل والدبرياج والبنزين من جوا الصالون
تشحييم سلك الدبرياج جوا الموتور وتبخ الشحم جوا الجلدة السودا اللي انت شوفتها
تشحيم سلك البنزين جوا الموتور وبرضه تبخ الشحم جوا الجلدة السودا والخرطوم (زي الدبرياج بالضبط)
تشحيم بطاحات المساعد اليمين والشمال بختين تلاتة على راس المساعد والكاوتشة بداخل حوض الموتور
اعوج العجل ناحية اليمين بالكامل + اطفي العربية عشان طلمبة الباور ورش على الكوبلن والمقصات والبارات
دور العربية واعوج العجل ناحية الشمال بالكامل + عيد اللي انت عملته في الناحية الثانية
سليكون اسبراي:
رشة على داير كاوتش الباب في مكان التقاءه بالباب داير ما يدور عشان في المطبات متسمعش ايء ايء
رشة على كاوتشات المساعدين برضه لو خايف تحط عليها wd40
وابقى اسمعك جاي تقول فيه حاجه بتزيق ثاني هههههههههههههه
صدقني يا دكتور اعمل كده واتفرج على المرسيدس اللي انت راكبها وريش النعام اللي انت حتمشي عليه