الموضوع: دليـلك الخـاص عـن الاطـارات .مفاهيم .معلومات . رموز . ارشادات

موضوع مبهر والله
حين يجتمع العظماء ... احمد مصطفى ويوسف عوض ... تسلم ايدكم والله

تقرير ممتاز

تسلم ايديكم يا رجاله

المشاركة الأصلية كتبت بواسطة ابو ابراهيم

التقرير ممتاز
ولاكن كنا عاوزين حاجة بالبلدى كدا
حاجة سهلة نفهمها

ههههههههههههههه
بصراحة ما كانش ينفع عشان سمعة المنتدى وانت عارف بقى الكل بينقل منا فطبيعى نحافظ على سمعتنا
وبعدين اغلب المادة منقولة عن مواقع ومترجمة من الانجليزية .. ما ينفعش ندبلجها بالعامية بقى
ولو فيه اى حاجة مش فاهمة .. اوعدك ان الرد هايكون بالبلدى

المشاركة الأصلية كتبت بواسطة PeaceMan

رائع رائع رائع .. انا مستني باقي الحلقات علي احر من الجمر .. بس كنت عايز أسأل علي حاجه كنت سمعت بس مشوفتش ان في اطارات صماء يعني مش بتتنفخ بالهواء بتكون عبارة عن كاوتش صماء علي الجنط بدون هواء .. كنت عايز اعرف معلومات عنه
شكرا علي الموضوع الهايل ده

ده على اساس انك مش منسق معانا يا اخ بيشوى !!!

بالنسبة للاطارات الصماء .. انا متكلم عنها وهى ميشلان Tweels وتم اختبارها على اودى زى ماهو واضح فى الصور ومش بتتنفخ هواء خالص وكمان تنفع فى العربيات المصفحة ضد الرصاص والهجوم بأى سلاح نارى ..

ولكن موضوع الاطارات الصماء المقفولة زى العجل بتاع زمان كله كاوتش فى كاوتش مصمت .. انسى عشان هايبقى وزن كبيييييييييييييييييييير جداااااااااااا على المحاور ومش هايلاقى مرونة فى المناورة وظروف الطريق وهاتبقى راكب جرار فى الاخر مش عربية !!!

المشاركة الأصلية كتبت بواسطة DarkMagician

تسلم ايدك يا احمد انت ويوسف على المجهود الجبار ياريت بجد يبقى فيه تفصايل اكتر عن كل نوع من البراندات ومميزاته
ونفسي اعرف الرن فلات بكم بس بدون ما اتصدم ههههههههههههههههههههه

الله يخليك يا اسامة ..
موضوع البراندات ده كبييييييييييير جدااااااا وكل صانع له تاريخ وتميز فى نقطة معينة دون الاخر وكمان التطور فى كل شركة كل يوم بيزيد والمفاهيم بتتغير حسب المنتج وتصنيفه
انما لما حد بيسأل عن اختيار افضل من بين كذا نوع .. اكيد بندله على الافضل من ناحية كذا وكذا ..

بالنسبة للRFT سعر الفردة بتتكلم فى مبلغ محترم فوق ال2000ج على ما اظن واساسا مش متوفر الا فى مقاسات كبيرة 17 انش وانت طالع .. والله اعلم

وانا من رأيى انه كان مرحلة انتقالية فى صناعة الاطارات والهدف الاساسى منها كان هو الاستغناء عن الاستبن وتقليل وزن العربية لزيادة ادائها او زيادة حجم الشنطة واول من بدأت تطبيقه كانت BMW وكمان عشان تقليل الخساير وزيادة السيطرة ع العربية عند القيادة بسرعات وفجأة الضغط مرة واحدة يقل مرة واحدة .. مش فكرة بقى حماية ضد الثقوب وامان فى الطرق المقطوعة وغيرها
والدليل انها بتمشيك مسافة لا تزيد عن 100-150 كم بسرعة لا تتجاوز 80 كم/س ولازم تروح اقرب ورشة عشان تصلحها وتلحم مكان القطع والتسريب ..

انما لو بتفكر بطريقة عملية وتكلفة اقل فى الوقت الحالى .. انا شايف ان التسليح فكرة جميلة جداااااااااااا
وفعلا بتديك ثقة اكتر وانت سايق مهما كانت ظروف الطريق ومفاجآته ومش شرط تكون المعوقات مقصودة او بفعل فاعل .. وراد جداااااااا تكون صدفة لو عديت من قدام نجار ولا بتاع كاوتش ماعندوش ضمير ولا زجاج مكسور ع الطريق او اى عائق فجائى
والتكلفة لكل اطار مش هاتزيد عن 250ج يعنى 1000ج للطقم ولا تدفع مش اقل من 10 الاف ج فى RFT وفى الاخر هاتمشى بيه مريح ويقابلك ناس طيبة توقفك وتقولك العجل نايمة يا بييييييييه ؟!!!!