المشاركة الأصلية كتبت بواسطة ttp egypt
مساء الخير،
أولاً أحب أدحرج التماسي لكل رجالة نايل موتورز و طبعاً لازم اخص بالذكر رجالة نيسان الجامدين أوي أصحاب السبق في مواضيع كتير مفيده و مهمة.
أسمحولي أشترك معاكم ببعض المعلومات إللى عندي إللي بضحك بيها على الناس علشان أحسسهم ان انا فاهم و كده يعني، إنتوا فاهمين بقي:f_eyeb1[1]:
و بما إنك سألت على العجل الصب فإستعد بقى يا سيدس و خد عندك:049:
التقنية دي بنفسمها لنوعين :
1) كاوتش نازل مصمت أصلاً من المصنع
2) كاوتش عادي و إحنا بنستخدم معاه تكنولوجيا تانية تحوله لكاوتش مصمت
النوعية الأولي: كاوتش نازل مصمت أصلاً من المصنع
و ده بينقسم إلي 3 تصنيفات
أ) للأغراض المنزلية و الزراعية (الأدوات الزراعية الصغيرة زي "العزاءات، ماكينات رش المبيدات، ماكينات جز الحشائش .........إلخ") و ده علشان الأراضي الزراعية بيكون فيها شوك بيخرم الكاوتش - و طبعا النوع ده متاح كتير جداً في الأسواق و سعره مش غالي اوي لإن حجم الكاوتش أساساً يبكون صغير قوي. و ده طبعاً كاوتش ما بيتعرضش ولا لسرعات ولا لأحمال
ب) المعدات الثقيلة و المتخصصة (زي الأوناش و الفورك لفت و العربيات النقل الضخمة) و ده علشان يتحمل الوزن و يتحمل طبيعة السطح إللي بيمشي عليه - يعني مثلاً لو حد بص على أي كاوتش صب بتاع فورك لفت ها يلاقيه متمرمط و مقطع من كل ناحه فتخيل بقى لو كان كاوتش هواء عادي، أكيد كان ها يتخرب بيت صاحبة و طبعاً نفس الفكرة بالنسبة للعربيات إللي شغالة في المحاجر. و ده طبعاً كاوتش مصمم للإغراض الصناعية و الأشغال الشاقة جدا يعني لا يصلح بالمرة للسرعات العالية كما أن كفائة الفرامل بتكون ضعيفة على السرعات العالية
ج) الأعمال المدنية (الحراسات الخاصة و نقل الأموال و ما إلى ذلك) و ده بيكون الغرض الأساسي منه الأمن مع التغاضي عن شوية حاجات تانية مقابل فعالية عنصر الأمن. و ده بيكون كاوتش خبيث بيعمل فيها كاوتش عادي و هو صب من جوه.
النوعية دي فيها عيب خطير جداً جداً و هو إنها ناشفه جداً جداً جداً في الطبات و يتخلى السواقة مش مريحة بالمرة و خصوصاً في شوارع زي الشوارع بتاعتنا كده و علشان تركبه في عربيتك لازم تكزن العفشة مجهزة اساساً إنها يركب فيها كاوتش صب علسان ما تخسرش العفشة و المساعدين خلال فترة لا تذكر ده غير طبعاً إن الكاوتش ده بيسخن جداً أكتر من الكاوتش العادي و بيكون عمره الإفتراضي إقل من الكاوتش إللي إحنا بنستخدمه بكتير و كمان بيكون وزنه تقيل جداً.
د) الأعمال المدنية و العسكرية على حد سواء زي المنتج tweel من ميشلان إللي لسه بيتم تطويره حالياً بالتعاون مع بعض الجامعات بالخارج من حوالي 6 سنوات. و ده بيكون كاوتش شكله خلية النحل كده و بيكون من بره طبقة كاوتش شبه الكاوتش العادي إللي بنشوفه في عربياتنا و لكن من الجنب بنشوف الشكل إللي شبه خلية النحل ده و بيكون من مواد شبه مطاطية مصنعة بطريقة معينة انا شخصياً ما أعرفهاش لسبب منطقي جدا و هو "إن هي دي إللي على أساسها واخدبن برائة الإختراع" .
النوعية دي لسه تحت الإختبار و التطوير لإن على الرغم من تجنبت تقريباً كل عيوب الكاوتش الصب و لكن لسه في عيوب فيها ذي كفائة توزيع الإحمال على الأربع عجلات و كفائة الفرامل مش عالية نتيجة طبيعة رد فعل تركيبة الكاوتش بوجه عام في الفرامل إللي يبكون من أثره ضعف الفرامل.
النوعية التانية: كاوتش عادي و إحنا بنستخدم معاه تكنولوجيا تانية تحوله لكاوتش مصمت
و ده بيكون الكاوتش العادي بتاعنا إللي أحنا بنستعمله في حياتنا العادية و بيتحقن بمادة معينة بتنشف جواه و تخليه صب.
مع مرور الزم تم تطور المواد ديه من حيث سهولة التطبيق و الفاعلية و توفير الراحة في آن واحد.
و بالفعل تم التطوير و توصلوا إلى إستخدام مادة "البولي يوريثان" لتفعيل هذا الحل، مما وفر سهولة التطبيق و قمة الفعالية و خفة الوزن و ليونه بالكاوتش لدرجة أنك ممكن ما تحسش بمشكلة كبيره لما تستخدمه بدل ما تستخدم الهواء.
بس التكنولوجيا دي فيها عيب خطير جداً و هو إنه لا يصلح للإستخدام على سرعات عالية لإن "البولي يوريثان" بيسخن بسرعة و ده ها يضر الكاوتش نفسة. و علشان كده التكنولوجيا دي بتستخدم بس مع المعدات الثقيلة و المعدات الزراعية إللي ما بتحتاجش تمشي على سرعات عالية و لكن يهمها الحماية من معوقات الطرق أو الطرق الغير ممهدة. و ده بيكون حل مناسب جداً من حيث السعر و من حيث التوافر و تكاليف الشحن "لإننا في الحالة دي بنشتري كاوتش عادي و نستخدم معاه المادة دي"
و ده ردي على السؤال بتاعك بالتفصيل. و أرجو إن الإجابة تكون وافيه بالنسبة لك.
و طبعا أكيد يعني انا مش محتاج أقولك إن دي أقل حاجة عندي و ان انا مش عاوز اتكلم في الموضوع اكتر من كده علشان ما أعقدكش و أن انا ضليع في الكاوتشات الصب، أنا أصلي مابحبش اتكلم عن نفسي كتير:018a1d~146: علشان طبعا كل إللي مكتوب في السطرين و نص إللي فاتو دول كلام فارغ و دي إقصى معلومة عندي فيما يخص الكاوتش الصب و بلاش حد بسألني فيه أكتر من كده علشان ما يحرجنيش
مع تحياتي
محمد يسري
01120011222
01006541113