مقص النترا 2012

**HOSSAM99** · 26-09-2012 09:33 PM

و عليكم السلام و رحمة الله و بركاته
قدر الله و ما شاء فعل و حمداً لله علي سلامتك
أقترح علي حضرتك تجيب مقص إستيراد هاتلاقيه أفضل من الجديد و تركبه في أسرع وقت (الإستيراد عربيات لسه بشوكها و ممشيتش أصلا) و ممكن تجيب فردتين أمامي عشان تعرف تظبط العربيه بلاش أكثر من نقشه في العربيه
و الحدفه هاتكون ظبط زوايا أو زرجينه بسيطه (بتاع الزوايا اللي يحدد)
سؤال: هو عند حضرتك الأستبن مُحدد السرعه (80) اللي هو إستبن صغير ...؟.و العربيه خليجي و لا مصري؟

**ahmedamr** · 26-09-2012 09:41 PM

اكشف ع الجنط يا باشا ع جهاز الترصيص شوفة اتلوح ولا لا

**lordvoldmort** · 21-10-2012 11:18 AM

السلام عليكم
بداية أحب أشكر كل اللي حاول يساعد بأي حاجة و أحب أشكر بشكل خاص الباشمهندس سمير علي مساعدته و معلوماته عن العربية
الموضوع كان طول معايا عشان شغلي واخد اغلب وقتي فمكنتش فاضيلها اوي
المهم بعد الكشف و الفحص الخساير كانت كالتالي:
-المقص الامامي شمال اتعوج و محتاج يتغير
- بارة الدركسيون الأمامي شمال هي كمان محتاجة تتغير
-الكاوتش ( أكيد الامامي شمال ) اتقطع و كان لازم اجيب واحد بداله
-الكارتيرة ( طبعا انتو عارفين انهي واحدة ) اتقطعت
-الرفرف ( copy paste من فوق) اتخبط من تحت و طلع من مكانه من ناحية القايم كدة
- العتب ( المرادي شمال خلفي) اتحك جامد و دخل لجوة

بعد ماعرفت الكلام دة كله طبعا الواحد كان قلبه واجعه خصوصا ان العربية لسه جديدة و لكن قدر الله و ما شاء فعل
المهم رحت نازل شارع دمشق و بعد السؤال هناك و في التوكيل قدرت اجيب :
-المقص موبيس اصلي ب 500 جنيه
- البرة اصلي برده ب 200 جنيه
- الكارتيرة ب 150 جنيه
كدة اجمالي قطع غيار 850 جنيه
جينا لموضوع التركيب بعد ما سألت عند كام عفشجي قالوا هايخدوا 50 جنيه فك و تركيب المقص و الباره قلت اسأل في مركز خدمة معتمد قالي 200 جنيه
بيني و بينكو رغم ان الموضوع دة مش حوار ولا فن يعني و اي عفشجي عادي يعمله انما انا قات بدل ما حد تعصلج معاه حاجة يقعد يرزع ادفع ال 150 الزيادة دول و اشتري دماغي
كدة التركيب خد 200 + 20 ضريبة =220 جنيه

بعد كدة موضوع الكاوتش سألت في كل حتة اني الاقي الأصلي بتاعها ( اللي هوا الهانكوك ) مالقتوش خالص فا في الاخر جبت الكومهو نفس المقاس ب 450 جنيه و خدته علي اشرفكو اللي في السادس و خليتو جابلي الفردتين اللي ورا قدام و حط الجديدة مع اللي كانت قدام يمين ورا مع تظبيط زوايا طبعا عشان العربية كانت حدفة شمال جامد اتكلف الموضوع 30 جنيه
كدة الكاوتش مع الزوايا خد 450+30 = 480 جنيه

نيجي بقي للسمكرة عشان نعدل الرفرف من تحت و نرجعه مكانه و نعدل العتب خد فيها 300 جنيه و بتاع الدوكو خد رش العتب و شوية خرابيش كانت في العربية من قبل كدة 350 جنيه يبقي اجمالي سمكرة و دوكو 300+350 = 650 جنيه

كدة التكلفة الإجمالية
850+220+480+650=2200 جنيه بالتمام و الكمال
طبعا دة قضاء و قدر لكن اللي يضايق ان الموضوع اصلا مكانش غلطتي من الأول دة غير ان العربيه لسه جديدة و انتو عارفين ان اي حاجة بتيجي في الجديد بتعكنن علي الواحد خالص انما نعمل ايه
و ربنا يستر طريقنا جميعا

**Samir Elshahawy** · 21-10-2012 08:24 PM

الحمد لله اللي جت علي قد كده
و علي فكرة انا حاولت اتصل بيك بعد مارجعت من رأس سدر لأن الخط فصل لما كنا داخلين النفق

بس في حاجة عايز أتأكد منها :
- حضرتك ركبت فردة واحدة كومهو و لا فردتين ؟

**lordvoldmort** · 21-10-2012 09:33 PM

المشاركة الأصلية كتبت بواسطة se_coralsea

بس في حاجة عايز أتأكد منها :
- حضرتك ركبت فردة واحدة كومهو و لا فردتين ؟

لا فردة واحدة بس و حطتها ورا شمال مع اللي كانت قدام يمين

**Kareem.ElAraby** · 21-10-2012 09:42 PM

متابع
ربنا يعوض عليك و يرزقك من وسع
و ربنا يحفظ طريقنا كلنا

**Samir Elshahawy** · 22-10-2012 12:14 AM

المشاركة الأصلية كتبت بواسطة lordvoldmort

لا فردة واحدة بس و حطتها ورا شمال مع اللي كانت قدام يمين

المفروض كنت تغيير الفردتين اللي ورا بأثنين تانيين كومهو
أو كنت تنزل الاستبن الهانكوك و تخلي الكومهو أستبن

**Samir Elshahawy** · 22-10-2012 12:29 AM

تم أختيار الموضوع للأشتراك في مسابقة أفضل موضوع لشهر أكتوبر عن قسم تقارير الصيانة و الاصلاحات و ذلك لتوافر العناصر التالية به :
- وجود وصف شامل للمشكلة أو العطل
- مشاركات فعالة من الاعضاء لحل المشكلة
- رد صاحب الموضوع و عرضه لكيفية حل المشكلة و تفاصيلها

**lordvoldmort** · 22-10-2012 01:56 PM

المشاركة الأصلية كتبت بواسطة se_coralsea

المفروض كنت تغيير الفردتين اللي ورا بأثنين تانيين كومهو
أو كنت تنزل الاستبن الهانكوك و تخلي الكومهو أستبن

المشكلة ان الاستبن عندي صغير مش نفس عرض الكاوتش الاصلي ( حاجة كدة تمشي بيها حالك لحد اي بنزينة عشان تصلح الكاوتش الأصلي )
و الراجل بتاع أشرفكو قالي طالاما الجديد دة ورا مش قدام مش هيعمل مشكلة فعشان كدة جبت فردة واحدة بس