مقص النترا 2012

**lordvoldmort** · 23-09-2012 05:50 PM

السلام عليكم
النهاردة الصبح و انا رايح الشغل علي طريق ال NA كنت واخد الحارة الشمال خالص و ماشي في امان الله و اذ فجاة واحد من ورايا يمين جاي زي الصاروخ و كسر عليا جامد اوي لدرجة ان كابوته كان خلاص داخل فيا ففرملت جامد و كسرت شمال و في الغالب كان في حتة زجاج ولا حاجة في الرمل لانها خرمت الكاوتش فا ده خلي مقدمة العربية تحدف يمين جامد و طبعا اتزان العربية راح بعد ما الكاوتش اتخرم فلما كسرت شمال تاني عشان ارجع العربية تاني للحارة اللي انا فيها ااعجلة الامامية شمال طلعت علي الرصيف و نزلت تاني
و رغم الكلام دة كله الأخ دة كمل عاااادي خالص و لا كانه كان هيقلب واحد وكان يلبسه هو واللي وراه
المهم الفحص المبدئي كدة ان المقص اتعوج من الطلعة و النزلة و محتاج فردة كاوتش طبعا مكان اللي اتخرمت و الناس بتقولي المقص يتغير متصلحوش بس
فانتو رأيكوا ايه ؟ و لو هاجيبه الاقب الأصلي بتاعه فين ؟ و بكام ؟
و بالنسبة للكاوتش أجيب هانكوك زي اللي في العربية ولا نوع تاني ؟ و منين و بكام برضه؟
شكرا مقدما

**haysam2000** · 23-09-2012 06:22 PM

برضه حمار تانى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اصل انا كمان لسه عامل حادثه بسبب واحد, معلش ربنا يقويك و المهم انك كويس و بخير و من راى غير المقص بس انا مش عارف بكام

**hany63** · 23-09-2012 09:37 PM

ما تنساش تبص على الزوايا بعد ما تغير المقص عشان تتطمن ان ما فيش ترحيل في العجله و لو لقيت هتعمل زرجينه عشان العجله ترجع مكانها

**Samir Elshahawy** · 23-09-2012 10:31 PM

أولا.. حمدا لله علي سلامتك

ثانيا.. بالنسبة للخسائر انصح بالتالي :
- تغيير المقص و ممكن تسأل عليه في شارع دمشق أو الحرفيين هايكون أرخص من التوكيل
- بالنسبة للكاوتش ركب الاستبن و حاول تصلح الفردة اللي اتخرمت و تخليها أستبن لأن مافيش هانكوك من نفس النوع و النقشة لأني من سنة فقت فردة كاوتش برضه و مالقيتهاش و لا حتي في التوكيل و كان سعرها معدي ال 600 جنيه

**SAMEH_FOUAD** · 24-09-2012 01:03 AM

قدر الله وماشاء فعل وحمد لله على سلامتك
لازم تعمل الاتى :

1- تغير المقص ثم تربيط العفشة

2- تغير الكاوتش

3- مراجعة الزوايا

**lordvoldmort** · 25-09-2012 11:16 AM

انا بشكر كل اللي رد وحاول يساعد
زي ما قولت قبل كدة المقص اتعوج من الخبطة و طلوع الرصيف فالعجلة اتحركت من مكانها و رجعت لورا وبقت تحك في الرفرف لما تيجي تمشي
المهم جا ميكاميكي فك المقص و عدلو علي قد ما يقدر بس عشان العجلة لما تتحرك متحكش في الرفرف و قالي طبعا دة لازم يتغير دة غير ان العربية بقت حادفة شمال ( مش عارف دي مشكلة زوايا ولا من المقص) دة غير كمان ان الاستبن عرضه أصغر بكتير عن الكاوتش الأصلي ( مش عارف ليه مش حاطين استبن نفس العرض) فطبعا دانتني ماشي علي حاجة بتاعت 60\70 كم -ساعة و كاسر يمين طول الطريق لحد ما وصلت البيت
فا اللي بسأل عليه دلوقتي لو حد يعرف مكتن معين أجيب منه المقص و هل أجيبه استيراد ولا الأصلي بتاعة؟ وتمنه كام في كل حالة؟ و المفروض تركيبة بكام؟
و برضه الكاوتش أجيبه نوع أيه؟ و بكام ؟ و منين؟ و لو هاجيبه بالجنط بتاعه هايبقا بكام ؟
معاش أنا عارف اني طولت عليكو بس أنا عايز أنجز في الموضوع دة علي قد ماقدر

**lordvoldmort** · 26-09-2012 06:07 PM

ايه يا جماعة مفيش حد عندة أي اقتراحات

**Samir Elshahawy** · 26-09-2012 07:28 PM

غريبة حكاية أن الأستبن عرضه أقل من الاصلي
أنا ركبت الأستبن و كان نفس المقاس

الموضوع: مقص النترا 2012

LinkBack

أدوات الموضوع

عرض

مقص النترا 2012 - انشر الموضوع فى :

-

-

-

-

-

المواضيع المتشابهه

النترا 2012-كيا سول 2012 - بيرسونا اليجانس 2012

النترا 2012 ولا شارك 2012 ولا بومه 2012

النترا 2012 ولا شارك 2012 ولا بومه 2012

النترا 2012 ولا شارك 2012 ولا بومه 2012

مقارنة فيرنا - النترا 2010 - النترا 2012 - صني - تيدا - التو

الكلمات الدلالية لهذا الموضوع

المفضلات

المفضلات

ضوابط المشاركة