الموضوع: صوت مع الفرامل فى البرسونا

المشاركة الأصلية كتبت بواسطة gadieb

يا شباب انا عندى مشكله غريبه شويه
اول ما ادور العربيه وامشى حوالى 20 دقيقه عادى ما امعش حاجه
وفجه لما ادوس فرامل الاقى الطمبوره الى ورا بتسرخ صوت بجد غبى
مع العلم انى لسه مغير تيل امامى وخلفى
تفتكرو ايه السبب

اعتقد والله أعلم أن السبب يرجع إلى رداءة خامة التيل الخلفي؛ مما يجعله يصدر صوت صفير. الأخوة ملاك بروتون بيوصوا دومًا بتركيب التيل الخلفي الماليزي الموجود بالتوكيل، هو حضرتك ركبت التيل المشار إليه، ولا نوعية أخرى؟

التيل الخلفى الى ركبته ماليزى مش مصرى والامامى ريمسا الاسبانى وعلى فكره انا ركبته اول ما اخذت العربيه على شان كنت سامع نفس الصوت وبرضو مافيش فايده
تفتكروا ممكن تكون المشكله فى الطمبوره .... ويا ترى ايه العلاقه بين المشى الكتير والصوت ده
حاجه غريبه يا ريت تفيدونى

انا من رايى تكشف على الطتنابير
بعد أذن حضرتك هى العربية موديل كام
ياريت لو 2009 تقولى هى فيها ساعة فى نص التابلوة ولا لأ
الف شكر

هى فعلا برسونا 2009 ومافيهاش ساعه زى الى فى الجين تو و فيها مثبت سرعه وعلى فكره الى معايا اعلى فئه بجنوط بروتون اصلى
انا هروح اكشف على الطنابير وربنا يسهل

المشاركة الأصلية كتبت بواسطة gadieb

التيل الخلفى الى ركبته ماليزى مش مصرى والامامى ريمسا الاسبانى وعلى فكره انا ركبته اول ما اخذت العربيه على شان كنت سامع نفس الصوت وبرضو مافيش فايده
تفتكروا ممكن تكون المشكله فى الطمبوره .... ويا ترى ايه العلاقه بين المشى الكتير والصوت ده
حاجه غريبه يا ريت تفيدونى

حضرتك مش كل أنوا التيل الماليزي الخلفي كويسة ... عندك مثلا fbk ده ماليزي ... بس بصراحة سيء جدا .. غير ان في بعض محلات بتبيع انواع أخرى من التيل الخلفي صناعة ماليزي و بيدعي انه نفسه الموجود في الوكيل .. وده غير صحيح ...

و بالمناسبة البيرسونا 2009 مفيهاش ساعة انالوج في التابلو زي الجين القديمة ولا مثبت سرعة... الساعة جزء من كمبيوتر السيارة بيشوفها السائق فقط ... بس اعتقد ان في ناس بتركب الساعة

تحياتي