يا جماعة هل طبيعى ان تيل فرامل التيدا يصفر بعد 14 الف كيلوا ؟ علما انى مركبه فى اوتو ايجيبت ابو رواش و كانوا خرطوا لى الطنابير معاه
عرض للطباعة
يا جماعة هل طبيعى ان تيل فرامل التيدا يصفر بعد 14 الف كيلوا ؟ علما انى مركبه فى اوتو ايجيبت ابو رواش و كانوا خرطوا لى الطنابير معاه
اتأكد ان الصفارة من التيل الأمامي ولا الخلفي
واكيد لو من الأمامي مش طبيعي
من الامامى انا كان معايا البيكانتو و كان التيل بيصفر بعد 30 الف كيلو بنفس طريقة السواقة
هل ممكن تكون الطنابير مثلا ؟ لانهم خرطوها ليزر لما ركبوا التيل الجديد
في حاجه بتحصل ايام الصيف ان التيل لما بيكون في رطوبة مع الاتربة اللي علي التيل بيقوم مصفر .. هل التيل بيصفر معاك علي طول ولا في اوقات متقطعة ؟
اعتقد ان مودرن بيخرطوا عادى مش ليزر .. لان انا اعرف ان اوتو ايجيبت عندهم جهاز لخرط الطنابير ليزر .. وده اتعمل فى عربيتى .. واتكلف 150 الخرط بالمصنية
فممكن الله واعلم يكون مورن جابوا جهاز خرط ليزر لان انا اعرف مراكز الخدمة مفروض متخرطش عادى .. والله اعلم .. ده مجرد استنتاج بالنسبة لمودرن .. فمش عارف ايه اللى عندهم
وفى موضوع فى المكتبة عن اسباب الريجة .. اقرائه حيفيدك جدا عشان تحافظ على الطنابير
تحياتى
اهلا بيك يا باشا
انا مش عارف عملوها ازاى :) هو قالى هنخرطها ليزر و هتبقى كأنها جديدة
شكرا استاذ احمد على الرد
انا خرطتها ليزر فى اوتو ايجيبت هما خدمتهم حلوة بس الموضوع ده مضايقنى العربية فوق الممتازة و مريحانى اوى مع انها 2007 بس الموضوع ده زعلنى هو و صوت التابلوه
الف شكر على تعبك معايا
لا خالص انا مش بغسل العربية كتير اصلا
حاجة كمان على موضوع ان الصيف بيخليى التيل يصفر دى ..طب اشمعنى انا اللى التيل بتاعى بيصفر؟ :)
صوت الطابلوه .. حضرتك تفك الغطاء اللى علي الطابلوه من فوق .. لان ده بيتفك .. وتحط عزل لباد
انا عامل كدا فى عربيتى .. مع ان العربية عندى مكنتش بشتكى من التزيق .. بس عملتها كنوع من الرخامة .. عشان شوفتها فى فيديو بره مصر .. قولت اعملها زيهم عشان يمكن فى المستقبل يحصل كدا
مع ان بره مصر عملوها كنوع من العزل اكتر مش عشان التزيق
واخيرا عايز اقولك اغلب العربيات فى المطبات بتعتنا وشوارعنا الجبارة .. بتلاقى تزيق فى الطابلوه خفيف .. لان كمان اغلب العربيات الحديثة ماليانة من جوة فيبر كتير
طب اشمعنى انا وانت اللى التيل بتاعنا بيصفر ؟ :)
بهزر :)
عامة انا كدة كدة هوديها التوكيل قريب لانى بقالى 15 الف كيلوا كدة من ساعة ما جبتها ووديتها التوكيل بس بفكر اروح السبع بدل اوتو ايجبت مع ان اوتو ايجبت ليا واحد قريبى شغال فيها وواحد صاحبى شغال فيها بردوا بس بتحرج اغتت عليهم :)