وزيرالبترول: ينفى اى زيادة فى اسعار السولار والبنزين فقط استبعاد بعض الفئات من الدعم

ماشي أنا مع فكرة أن الدعم يتشال تماماً لأنه فكرة فاشلة أصلاً و عبء على الدولة من غير أي مردود.. علمني أصطاد بدل ما تديني السمكة على الجاهز!! وياريتك بتديني سمكة فيها لحم!!
بس وقت ما تفكر تشيل الدعم يبقى تديني حقوقي في المقابل لأن العملية ما هياش one-way أنت تلم فلوس مني و أنا أقعد أدفعلك فلوس عمال على بطال طول عمري من غير ما يبقى في حاجة في المقابل..
شيل الدعم و بفلوسه وفر وظايف و أدفع مرتبات محترمة الناس تقدر تشتري بيها الحاجة بسعرها الحر و أهو كده كده هتاخد منهم ضرايب دخل زيادة. قدم خدمات آدمية سواء مواصلات أو علاج أو غيره و غيره, قلل أسعار الجمارك المبالغ فيها اللي بقت سرقة علني, هي طول عمر فكرة الجمارك أنها لحماية المنتج المحلي!!.. هو فين المنتج المحلي لا موأخذة عشان تحميه أصلاً؟!!
مهو طبيعي الأقتصاد يكون عاجز طول ما هو لسة بيتسند على عكاز السرقة من الضرايب و الجمارك و بعد كده يرميلي لوم عجز الموازنة على الدعم!!..