السلام عليكم
دلوقتي عاوز اجيب سامسونج بس محتار اجيب s2 ولا note
فرق السعر مش فارق
بس عاوز اعرف انهي احسن
شكرا
عرض للطباعة
السلام عليكم
دلوقتي عاوز اجيب سامسونج بس محتار اجيب s2 ولا note
فرق السعر مش فارق
بس عاوز اعرف انهي احسن
شكرا
رأي الشخصي النوووووووووت
اشيك كتيييير والكاميرا بتاعته حاسس انها احلي من الs2
مع انها هي هي ...... بس مش عارف احساس
وكمان الs2 الموجود دلوقتي كله ال9100 g
محدش بينصح بيه
لو هاتجيبه ال9100 من غير الg ....... بس يوسد
انا جايب لأختي النوت
هو النوت بس تقيل حبتين يعنى ١٧٨ جرام و مفلطح شويه و على فكره note2 خلاص نازل قريب جداً فممكن تستنى لما تشوفه يمكن يعجبك او على الاقل. لما ال note2 ينزل اكيد هينزل سعر ال note العادى
النوت 2 نزل فى السعودية ... بس دا 10 انش يعنى تابلت
Jarir Bookstore ...not just a bookstore
بس اعتقد يا باشا دا مش Note 2 دا note 10.1 الجديد و دا الشكل القديم بتاعو [sor2]http://ts4.mm.bing.net/images/thumbnail.aspx?q=4587807498963975&id=2f36005633cc9 8c223cb54ae55350182[/sor2]
و دا note 2 الجديد [sor2]http://www.ciol.com/images/Samsung-Galaxy-Note-2_29820121720.jpg[/sor2]
انا بس عاوز اعرف نوت 2 هينزل امتي في شهر اكتوبر
شكرا لرد حضرتك
شكرا للتوضيح.. كنت فاكره نوت 2
لا النوت افضل وقارن بينهم وربنا يوفقك
أنا معايا s2 وزوجتي معاها نوت .....وحكيلك عن الفروق العملية الحقيقية بعد الفاصل :)))
بص يامعلم ...النوت أكبر حجما ...وأكثر متعة في الفن ...لو أنت راجل رسام مثلا ...استخدام القلم في النوت جميل جدا جدا ...التعديل على الصور باستخدام القلم رائع ...كبر الشاشة بيخليك تقرأ على الجهاز بقمة الأريحية ....الجهاز بيسخن لما تفتح الواسرلس في بيتكم كتير ...إجمالا الجهاز بيسخن كتير ...الs2 رائع جدا ...أولا الجهاز أسرع وده هيبان معاك في ان الجهاز مابيعلقش لما تشغل حاجات كتير زي النوت ....لو عندك موبايل انترنت ونوتيفيكايشن كتير الجهاز مش هيعلق ومش هيسخن زي النوت ...أكثر تحملا طبعا ..بنتي بترزع الاتنين على الأرض ...جهازي مابيحصل لهوش حاجة بسنما النوت بيفصل وبيعمل ريستارت !!! في ميزة رهيبة مش في النوت ...تاني يوم اشترينا النوت بنتي بتلعب في شاشة الجهاز الشاشة اتخربشت بضافرها ...جهازي لا يخدش بسهولة بسبب إن تقنية الحماسة أعلى ...النوت محتاج تركبله واقي للشاشة في حين ان الاس تو شاشته من حديد يامعلم .... الاتنين فرسي رهان ...الاتنين أحسن من بعض ...لكن موضوع خوبشة الشاشة في النوت وانه أبطأ وبيسخن أسرع ده مدايقني ....
بطارية الاس تو أقوى شوية صغيرة ....إمكانيات الاس تو أعلى وبالتالي دعمه من الشركة والمطورين أكبر ..يعني مثلا إلى الان لم يتم تحديث النوت للساندويتش بينما تم تحديث الاس تو من شهور .... نصيحتي إليك ...ابتعد عن سامسونج أصلا ....هات htc عملاق ...واصبر شوية صغيرة لحد مانشوف ويندوز فون 8 أخباره ايه ...أندرويد تحفة مفيش كلام ..بس بيقولوا ويندوز فون نازل بقوة ...وأنت جاي تشتري في وقت كله نازل بالتقيل بتاعه ...لازم تستنى ...الاس ثري سعره نزل في شهر ٣٠٠ جنيه أو أكتر ...بعد نزول نوت ٢ ...ولوميا ٩٢٠ ولوميا ٨٢٠ الأسعار هتتغربل ...لو ناوي على htc توكل على الله وهات من دلوقتي لأنهم أقل ماس بيتأثروا بتغير الأسعار ....
بالنسبة للكاميرا فالاتنين زي بعض ...بس الاس تو بيعالج الصور أقوى لأن المعالج أقوى ...فبتظهر الصورة أحلى ..... ده تفسير شخصي تحشيشي لأن الصورة بتبان أحلى في ال s٢ .... أمنية حياتي ان امكانيات s2 تبقى في حجم النوت ...بس الحلو ما يكملش ...في حاجة كمان مهمة : أنت عاوز سمارت فون ليه أصلا ...يعني احتياجاتك ايه وطلباتك ايه وطموحاتك ايه وايه هيفرق معاك وايه مش هيفرق معاك ...يعني في أجهزة تحفة بس الكاميرا التانية بتاعتها vga دي ممكن تكون لبعض الناس عيب قاتل ...ناس تانية تقولك قشطة ...مش مشكلة ...أجهزة سوني تحفة برضو ودعم سوني حلو ...يعني سوني نزلوا الساندويتش للوكمان بتاعهم اللي إمكانياته ربع إمكانيات النوت ولحد دلوقتي سامسونج ماعبرتش النوت !!!!!! لازم تبص على دعم الشركة لأنه مهم برضو ...أجهزة سوني جامدة ...فكر كويس واستفيد من خبرات الآخرين واصبر ...الفلوس مش لعبة :))))
ياباشا أنا عينيا ليك ...لو عزت أي حاجة أنا تحت أمرك ....