هيونداي Vs سوبارو - درس في أصول القيادة

**Samir Elshahawy** · 24-09-2012 12:00 PM

الاخوة و الاخوات الكرام / اعضاء نايل موتورز

أسعد الله يومكم بكل الخير ووقاكم ووقانا من شر الطريق و شر أنفسنا

بالامس أصابتني حالة اكتئاب شديدة من سلوكيات البعض بالمنتدي و التي تعبر عن مفهوم خاطئ لاساسيات استخدام الطريق و القيادة التي نراها كل يوم و تصيبنا أما بالهلع أو الحزن الشديد علي ماوصلنا أليه من تدني أخلاقي

ووسط هذه الحالة و في صباح اليوم أثناء مروري بأحد الشوارع داخل مدينة الرحاب كان خلفي تماما سيدة تقود سيارتها السوبارو الامبريزا و بدا لي من المرايات أنها تريد التخطي من اليسار فبدأت بأفساح الطريق لها و لكن كان هناك منحني خفيف في الطريق و بعده مباشرة فؤجئت بسيارة ربع نقل متوقفة علي اليمين بما لا يتيح سوي مرور سيارة واحدة من علي يسارها

طبعا كنت مازلت في المقدمة و السوبارو خلفي علي اليسار و هنا كان امامي أحد خيارين :
- التوقف تماما لأفساح المجال للسوبارو للمرور لأن هذه هي حارتها و لها الاولوية
- أو أعطاء أشارة شمال و الدخول في الحارة الشمال بسرعة

و بصراحة فضلت الحل الاول لأن فيه أحترام لقواعد المرور و تحري لقواعد السلامة أذ أني لا أملك أي ضمانات أن تزيد هذه السيدة من سرعتها في نفس الوقت للمرور من علي يساري كما أني لا أضمن أن يأتي أحد المشاة و يمر من امام سيارة النقل علي اليمين بينما امر مسرعا

و بالفعل خفضت من سرعتي و بدأت أتوقف لكن حدثت مفاجأة ماكنت اتوقعها
خفضت السوبارو من سرعتها أيضا و بدأت في التوقف و تكاد مقدمتها تكون مقاربة لمؤخرة سيارتي من اليسار

أنتظرت قليلا كي تمر تلك السيدة المحترمة لكنها اشارت لي بالتقدم

[gdwl]
هنا قواعد المرور تنص علي أنه اذا كان لك أولوية المرور و تنازلت عنها للغير فلايحق لك بعد ذلك أن تطالب بها
[/gdwl]

و بالفعل أعطيب أشارة شمال و بدأت في المرور من يسار السيارة النقل بهدوء حتي تخطيتها و أعطيت أشارة يمين و عدت لحارتي سامحا لتلك السيدة المحترمة و المهذبة بالمرور من يساري

و حقيقة كم فرحت لأنه مازال هناك قائدي سيارات يعرفون قواعد المرور و يحترمونها كما انهم في نفس الوقت يتحلون بالاخلاق و يلتزمون بالقاعدة الاساسية في القيادة التي تنص علي أن القيادة :

فن - ذوق - أخلاق

شكرا لهذه السيدة التي لا أعرفها
و شكرا لكل مالكي سيارات سوبارو التي مثلتهم تلك السيدة الفاضلة فكانت خير تعبير عنهم و عن سياراتهم التي أحبها و أكن لها كل تقدير و كم أتمني أن ينتشر مثل هذا السلوك الراقي الذي سيساعد بكل تأكيد علي حل أزماتنا المرورية و الاهم هو تحقيق السلام النفسي و الود بيننا جميعا

**MohammedAladel** · 24-09-2012 01:21 PM

هو فعلا شكرا للسيدة لأنى مش بشوف من السيدات على الطريق فى عدة مواقف غير الهبل بدون مبالغة ومبيعرفوش يسوقوا
بس مش معنى كدا إنها بتعبر عن سوباروا ماركة السيارة ملهاش دعوى باحترام قوانين المرور وأخلاق القيادة

ولكن شكرا لك ياباش مهندس على استخدامك اللغة العربية فى كتابة الموضوع أولا

ثم شكرا لك على تواضعك على الطريق وتطبيقك قواعد المرور وقوانينه

فعلا قائد السيارة الملاكى وأى سيارة أخرى لازم يكون محترم على الطريق

أنا لما بكون ماشى ورا واحد ماشى بسرعة معقولة وبياخد المطبات بطريقة محترمة وثابت على الطريق مش برضى أطلع منه ببقى مستمتع ومظمئن ليه وبمشى وراه بمسافة

وأحيانا كتير لما بتخطى السيارات فى ظروف لا تسمح بحس بالهمجية وإنى مش طبيعى

وبعدين مسألة السرعة المفروض تكون مسألة أهمية وقت أكثر من أن تكون مزااااااااااااااج عند السائق فى إنه يجرى وبس مع إنه مش وراه حاجة وفاضى

والدى لما بيبقى سايق العربية ممكن مشوار 4 كيلو والعربية لسة مسخنتش يدوس فى العربية جامد ويوصل ل 100 فى رقم قياسى معرفش ليه وليه العجلة هتفرق إيه ال3 أو 4 دقائق ؟؟؟؟؟

**hazemsagherh** · 24-09-2012 01:29 PM

صدقت ده درس فعلا
يارب الناس كلها تسوق كده :)

**ahmad--ezzat** · 24-09-2012 01:31 PM

تلاقيها جالها موبيل :)

**Samir Elshahawy** · 24-09-2012 01:38 PM

المشاركة الأصلية كتبت بواسطة ahmad--ezzat

تلاقيها جالها موبيل :)

ياراجل حرام عليك , ما انا شايفها في المراية و شوفتها لما جت جنبي
بالعكس دي ملتزمة و ماسكة الطارة بايديها الاثنين و رابطة الحزام

[gdwl]
بس مش معنى كدا إنها بتعبر عن سوباروا ماركة السيارة ملهاش دعوى باحترام قوانين المرور وأخلاق القيادة

[/gdwl]
فعلا معاك حق بس أنا باحب السوبارو زي ما باحب الهيونداي دلوقتي و حبيت أدخلها في الموضوع

**ahmad--ezzat** · 24-09-2012 02:00 PM

الاخ العزيز : انت ليه بتكره الهوندا او كده :)

يعني الست لو كانت راكبه سيفيك ...كنت هتعمل الموضوع؟....دي مركبات يافندم احنا اللي بنتحكم فيها....الموضوع لا له دعوه ب الالنترا ولا السوبارو ولا الجن الازرق....الست تلاقيها محترمه قواعد القياده او خافت تجري جامد او اي ظرف من الظروف
ولكن الموضوع ليس له علاقه بالسوبارو

والله في ناس تانيه معاها عربيات تانيه واخلاقها في القياده احسن من است دي :):):):)
تحياتي

**SonaSteel** · 24-09-2012 02:44 PM

المشاركة الأصلية كتبت بواسطة ahmad--ezzat

الاخ العزيز : انت ليه بتكره الهوندا او كده :)

يعني الست لو كانت راكبه سيفيك ...كنت هتعمل الموضوع؟....دي مركبات يافندم احنا اللي بنتحكم فيها....الموضوع لا له دعوه ب الالنترا ولا السوبارو ولا الجن الازرق....الست تلاقيها محترمه قواعد القياده او خافت تجري جامد او اي ظرف من الظروف
ولكن الموضوع ليس له علاقه بالسوبارو

والله في ناس تانيه معاها عربيات تانيه واخلاقها في القياده احسن من است دي :):):):)
تحياتي

ههههههههههههههههههههههههه هههه ........... لست اكثر منا تحكماً :))

يارييييييييييت كل ستات مصر زيها ..... ياريت رجالةمصر اصلا زيها

انا خلاص وهبت عربيتي للشارع ....... بقيت ازنق علي الميكروباصات والنص نقل والتريلات و الملاكي واحي اخص بالذكر الستااات

ما هو كده يا احط في نفسي واتشل ....... :))