يوم فى الورشة

**Abdallah** · 21-06-2007 07:55 PM

النهاردة كنت رايح الحرفيين عشان اعمل ماسورة الفلتر...
فعلا عملت ماسورة طولها حوالى 17 سم استانلس وظبطتها وركبتها تماما وكلفتنى 30 جنيه وساعتين زمن لانى خليت الصنايعى يعملهالى مرتين.

وفكرت انى اروح اظبط زوايا ولما رحت لصنايعى الزوايا قالى فى بلية عنك محروقة, قلتله منا عارف ان فى بلية خشنة, قالى لاء يا باشا دى محروقة وبلاش تسافر بالعربية كدة...
المهم بتاع الزوايا خد 20 جنيه ظبط زوايا ( المفروض 15 بس الظاهر ان فى بورسعيد غالية شوية )
رحت اشتريت بلية مكتوب عليها Made in E.E.C ومن الناحية التانية مكتوب Germany جبتها بـ 54 جنيه بعد ما لقيت واحدة يابانى وحسيت ان دى انضف منها واليابانى كانت بـ 65 المهم يا ريت حد يتطوع مشكورا ويقولى ايه اى اى سى دى
رحت لميكانيكى حل الركبة ورحت فورت اليبلية وركبت التانية وقفلنا العجلة, كام يا اسطى قالى 30 جنيه, طبعا شطت فيه المهم اديتوه 15 مرضيش وعمل حوار قمت راميله 5 جنيه وماشى وهيا المفروض تركيب البلية مياخدش ازيد من 10 جنيه بس نقول ايه فى الطمع بقة ورجعت لبتاع الزوايا كشف على الترصيص وفعلا صوت الونة اختفى تماما وبقيت حاسس ان العربية نعمت شوية ودة كان ملخص اليوم...
عندى سؤال يا ترى اجيب بوجيهات ايه؟؟؟
انا راكب فى العربية عندى بوجيهات شامبيون وهيا جاية من بلادها بيهم وبدور على شامبيون مش لاقى نهائى مفيش الا NGK وبعض الانواع الاخرى...
فى نوع NGK عادى ب 25 جنيه وفى NGK صاحب المحل بيقول انه فيه مقاومة مش عارف مقاومة ايه الحقيقة بس هوا كدة بيتباع ب 38 جنيه وفيه NGK مكتوب على العلبة كلها Daewoo Motor وصنع فى كوريا وفى الطرف كدة مكتوب NGK ودة بيتباع بـ 35 المفروض اشترى انهى نوع فى دول؟؟؟

**NaderNabil** · 21-06-2007 08:50 PM

المشاركة الأصلية كتبت بواسطة Abdallah

يا ريت حد يتطوع مشكورا ويقولى ايه اى اى سى دى

European Economic Community

take care of the PRC (Public Republic Of China), chiniese people are being smart nowadays, they put PRC instead of made in china to sell their products better

**Abdallah** · 21-06-2007 08:54 PM

LOL what smart people , well thats means its really made in german, i think i will go to buy another one !!

**hazem_khidr** · 21-06-2007 09:14 PM

متهيالي يا عبد الله ال NGK حلوه و الناس بتشكر فيها و الدينسو برضه كويه هو عموما كل اللي انت قلته كويس حسب ارتياحك انت و ما تدورش علي شامبيون مش حتلاقي.

**NaderNabil** · 21-06-2007 09:15 PM

المشاركة الأصلية كتبت بواسطة hazem_khidr

متهيالي يا عبد الله ال NGK حلوه و الناس بتشكر فيها و الدينسو برضه كويه هو عموما كل اللي انت قلته كويس حسب ارتياحك انت و ما تدورش علي شامبيون مش حتلاقي.

even if u find it, it woldn't be original

those were the old Days

**MMamdouh** · 22-06-2007 02:55 AM

انا ركبت الNGK ابو 25 جنية و شغال... هو مفيهوش مقاومة اللى بتمنع التشويش على الراديو بس دا مش مهم اوى

الطقم اللى ب38 جنية فىه مقاومة و حتلاقى الرقم بتاعة زى الرقم اللى مكتوب فى الكتالوج بالضبط

كويس انك ملاقتش الشامبيون... انت لو حطيت مشط كبريت حيشتغل احسن منهم

MMamdouh

**Abdallah** · 22-06-2007 12:43 PM

الدنسو من اسوء الانواع حاليا نظرا لان معظم الى بينزل مضروب انا كنت بستعمله فى التويوتا وجربت حتى ال 3 شمعة بتاعة مكانش كويس معايا, ال NGK فعلا كويس اوى بس الاحسن الشامبيون الاصلى, انا بصراحة مش هغيرهم الا لما ينتهوا تماما ان شاء الله لانى مش هعرف اجيب غيرهم من هنا.