الموضوع: ياتري دة عيب مؤشر البنزين ولا العوامة

المشاركة الأصلية كتبت بواسطة benmatar

إن شاء الله سليمة
بس موضوع المؤشر ده شائع في الفيليشيا وعندي نفس الحكاية بيقرأ لغاية النص بس، يعني لو عملت full tank بيفضل على النص وبينزل في النص التحتاني عادي، إنما ناس كتير فكو الكنبة بنفسهم ونظفو والعوامة وصنفرو الوصلات والعداد اتظبط، وماعتقدش إن المشكلة من التابلوه أو العداد
وبالنسبة لموضوع التفويل، مانصحش حضرتك بصفة علمة بالتفويل لغاية الزور لأن بكده فتحات التهوية بتتملي بنزين، وبيكون في عربيات كتير إنه يحصل drain أو تسريب للكمية الفائضة عن المسموح، وده مش صح في الحر الشديد، وحاول تملاها لغاية ما المسدس يفصل أوتوماتيك. وطالما التانك معاك سليم والحمد لله بلا تفك وتركب، بس مفيش مشكلة إنه وهو راكب يتعمل فحص وكشف على خراطيمه والقفزان اللي رابطة الخرطوم بالتانك، وبالتوفيق

اشكرك على إهتمام أخي الكريم
ولكن كنت عاوز أعرف السلك الواصل من العوامة الى المؤشر ماشي ازاي فى العربية
وهل دة يتطلب فك الكرسي الخلفي وهل فعلا تلامس السلك مع جسم العربية ممكن يكون السبب

بصراحة أنا عاوز أحل المسشكلة بنفسي علشان الكام صنايعي اللي اتعاملت معاهم سؤاء كهربائي أو ميكانيكي شكلهم مش فاهمين

أشكرك على الاهتمام والرد وان شاء الله فى أقرب فرصة هفك العوامة وأنظفها بس ياريت لو حد يعرف طريقة فك العوامة وتنظيفها يشرحهالي

وهل لا قدر الله ممكن تحصل قافلة أو شرز لو جيت جمب الفيشة بتاعت العوامة

المشاركة الأصلية كتبت بواسطة benmatar

تحت أمرك بس المسار بتاع السلك معرفوش إنما ممكن تتابعه من العوامة، مانصحكش تفك عشان السلك لأن لو السلك مقطوع مش هيدي غشارة من أساسه والمؤشر يفضل تحت
وفي نفس الوقت انصحك إنك تكون متخيل الصورة وفاهمها بس برضه تروح لفني محترم تبقى واقف وعارف هو بيعمل إيه وواحدة واحدة هتكتسب الخبرة وتعمل كل حاجة بنفسك وكلنا كنا كده، بس الأول مرتين تلاتة تروح لحد محترم وأمين
ومعتقدش غنه هيكون أي شرز أو قافلة وخاصة إن حضرتك المفروض لما تشتغل في الكهرباء أو تحط إيدك في الموتور ما يكونش المفتاح في الكونتاكت من اصله عشان سلامتك أولا، وبالتوفيق

اشكرك أخي العزيز على إهتمامك

وان شاء الله قررت الذهاب لكهربائي محترم يحل المشكلة

علشان أمبارح حاولت أفك الكرسي الخلفي وبعد عذاب السنين أكتشفت أن السلك نازل من العوامة وماشي فى كابل أسف العربية ونزلت تحت العربية ومعرفتش أوصل للكابل دة فقررت اشتري دماغي واروح لكهربائي أحسن

أشكرك أخي العزيز على المشاركة وأن شاء الله بعد العودة من عند الكهربائي فى اقرب وقت

هدخل واكتب بالتفصيل المشكلة كانت فين وأتحلت ان شاء الله أزاي

وبالتوفيق للجميع

بعد الذهاب لكهربائي كويس طلع المشكلة السلك عامل قافلة ومكانة ساييح أعلي العوامة

والراجل نصحني أروح الوكالة عند حد بيشتغل فى العددات علشان قاللي العداد فى الغالب بايظ

ياريت لو حد يعرف واحد يشتغل فى العداد اكون مشكور لية