كنت بتمشى بالايفو بتاعتي في صلاح سالم وكافي خيري شري

طبعا من غير مقولكم العربية متعملهاش صيانه من ييجي 4 سنين كده والكاوتش ممسوح ومتبهدل والفلاتر كلها مسدوده وفيهـا بنزين 80 والفتيس مبيجبش سادس اساسا( أيوه يعني العربية مش في حالتها بس هتطلع من الفيراري جايلكم في الكلام أنا أهو )

المهم انا قلت اييه لما اصحي الوحش بتاعي شويه وجيت جنب الواد بتاع الفيراري ورحت دايس بنزين مرتين تلاتة الواد سخن

هوبا لقيته شد قمت مسقط نقلة ودايس بنزين على الاخر وصحيت المارد الياباني ووصلت لفات الموتور عندي ليجي 19 ألف لفه كده وال B.tech فتح والبربيء قفل واتعفرتت العربية
هو صحيح 550 حصان وأنا 276 ( ايفو بقى :d ) يعني نصه تقريبا لكن على ميين دي مواتير متسوبيشي يا جدعان ميهماش 550 حصان ولا 900 حصان حتى

المهم نرجع للشدايه أولاني يا معلم اديته فرق 8 عربيات كده التاني بقي 10 عربيات في الرابع والخامس ماشافنييش

دخلنا على طلعة أكتوبر من صلاح سالم وكلكم عارفين إن الملف ده 90 درجه تقريبا

مش هتكلم كتير عن ثبات الميتسوبشي داخل الملف على سرعة 360 كده وولا الهوا كاني ماشي على 60 وشايف بتاع الفراري وهو جاي ورايا وعرضت منه في الملف وكان هيلبس ( أيوه كنت مركز على 360 في الملف وببص في المراية كمان يا عم بقولك ايييفووو يعني ثبات التنيين ).

المهم الواد بتاع الفيراري فضل يجري وراية من فرق 18 عربية كده ويقلب نور هديتله وطبعا من 300 لحد 60 في بتاع 3 متر ونص كده ( ارجوك صدقني دي ايفو )وده طبعا بسبب فرامل الميتسوبشي الخرافيه الاسطورية وبصيتتله بقرف كده قاللي دي مسقطه 8800 cc يا باشا ولا إيه؟!

قلتله لأ دي ستووك التنيين يا معلم 2000 cc قال بسم الله إزاي يعني وطلعت من فراري بالمنظر ده ؟!
قلتله سبحان الله ويخلق مالا تعلموووون دي ميتسوبيشي ايفو يا معلم يعني معلمه على فيراريات وبورشات ولامبورجينيات وتاكسيات مصر كلها

قام مديني بحبك بحبك وقال لي بسم الله ما شاء الله اتفضل يا باشا ربنا يحفظهالك

صباح الفل