عادي يعني
زي كل Larg فيه الـ Larger منه كدا :)
انت ايه ياعم مابتعملش shopping ولا ايه :00020140:
وبعدين انت لسه هتفضل تدقق في every word هيقولها .. يا راجل كبر your head
اخي العزيز / أحمد نوح
أحييك بشدة علي أسلوبك الراقي جدا في الحوار و ده اللي أتعودناه منك فلاجديد
و أضم صوتي لصوتك بضرورة عمل مقابلة يتم خلالها تصفية الاجواء و تهدئة النفوس
للأسف فيه أحتمال كبير جدا أني اسافر خارج البلاد خلال الايام القادمة و لفترة طويلة لذا لايوجد وقت فعلا للتحضير لمقابلة سريعة لتصفية الاجواء
أنا بالفعل بأوجه دعوة لكل السادة الاعضاء المحترمين المشاركين بالموضوع و اولهم أخونا فورميلاتور لحضور مقابلة (رأس سدر) و اذا لم يمكن تحقيق ذلك فأنا أدعو الجميع الي مقابلة سريعة بربوة زهراء مدينة نصر يوم الخميس القادم الموافق 4/أكتوبر/2012 أعتبارا من الساعة الثامنة مساء
ده رقم تليفوني 01118057400 و مستعد لتلقي أتصالاتكم و رسائلكم لتأكيد الحضور
طول عمرك راجل بتسعى فى كل الخير يا بشمهندس ، ربنا يجازيك خير
والله انا برغم ظروف الشغل المنيلة معنديش اى مانع لو الموضوع هيصفى كل النفوس انى اجى مقابلة راس سدر ونتعرف على كل الناس المحترمة اللى برغم خناقهم هنا لو اتقابلوا مش هيكون بينهم الا كل ود واخوة ، ده اللى كنا بنشوفه الكام سنة اللى قضيتهم هنا فى المنتدى
اى حد على المنتدى قد يكون مش عاجبك اسلوبه لما هتشوفه هو شخصياً هتغير فكرك عنه
ولو المقابلة كانت هنا فى اى مكان او وقت انا موافق
للأسف بس انا لسه واخد بالى ان فورميلاتور اتوقف ، رجاء حد يبلغنا بالسبب ، ولو هو شاف الموضوع ده ياريت بجد بعيداً عن المنتدى يتواصل معانا وننظم المقابلة وكل الناس تتعرف بدل ما الكلام بيتفهم على 100 محمل على المنتدى
ربنا يصلح كل النفوس
السلام عليكم
يا رجاله محدش يجيب سيره فورميولاتور بشر خالص
لو حد عاوز يزكره يزكره بكل خير فقط
كان فى مشكله و خلصت .
و الراجل اتوقف و اتشال منه لقب المساعد مع انه يستحق اللقب فعلا و اكتر منى .
و الاداره وقفته يعنى خلاص كل واحد خد حقه
بعد ازنكم هو مش موجود دلوقتى و محدش يهاجمه و لا يزم فيه الموضوع خلص .
و انا مكانه دلوقتى للى هيغلط فيه .
مش من الرجوله اننا نغلط فى حد مش موجود و مش عارف يرد
مش من الرجوله اننا نطعنه فى ضهره
انا و الله كنت عاوز ابعتله رساله اعتزرله فيها .بس معرفتش ابعتله رسايل لا على الخاص او الزوار .و لقيته اتوقف
احقاقا للحق :
انا كنت عاوز حقى ان هو يعتزر على الاهانه او يتوقف .
و بعد ما اتوقف زعلت جدا بصراحه من نفسى .
فياريت كلنا نتحلى باخلاق الفرسان و نسكت
قال رسول الله صلى الله عليه و سلم :
اذا تكلم احدكم فليقل خيرا او ليصمت .
صدق رسول الله صلى الله عليه و سلم
يا ريت يا رجاله تتقبلوا كلامى بصدر رحب
و السلام ختام
أستاذ محمد مصطفى : أحييك على مشاعرك الطيبة ورجولتك وتسامحك :) وأنا على فكرة بحب كل الناس زيك كدا متفهمنيش خطأ أنا بحب فورميلاتور قوى على فكرة للعلم بس خلاص أنا كعالم سيارات وكدا قفلت من ناحيته هنا فى المنتدى
والأستاذ أحمد نوح كلامك جميل جدا والله حتى وإنت بتهزر فى أول مشاركة دمك خفيف قوى وزى العسل :)
تمام اوى يا رجاله يبقى اتفقنا ان الموضوع انتهى و محدش نفسه شايله من حد
و صافى يا لبن حليب يا قشطه .
هو ده الكلام
و الف شكر و حمد لله ان الموضوع انتهى و اتقفل على خير
علية افضل الصلاة والسلام
احلى حاجه ان صاحب الموضوع سابه والناس عماله تاكل فى بعض
فتتتتتتتتتتنه صاحب الموضوع بيعمل فتننننننه ههههههههههههههههههههههههه هههه
انا متاكد ان عربيتك دلوقتى يا evo تعمل دلوقتى مليون جنيه او دولار والكل عايز يشتريها
والله انا متاكد ان الموضوع دا حقيقى الى حكيته بس زى ما قولتلك ديناميكيا وفزيائيا استحاله بعض حاجات قولت عليها
تحياتى لك وهدى الموقف شويه هههههههههههههه
خلاص ياجماعة الموضوع خلص و ياريت نفكر بجد في مقابلة سريعة زي ما سبق و اقترح اخونا أحمد نوح
و انا بأدعوا كل السادة الاعضاء المشاركين في الموضوع لمقابلة يوم الخميس القادم أن شاء الله بربوة زهراء مدينة نصر علي الطريق الدائري أمام أكاديمية الشرطة الساعة الثامنة مساء
و ذلك في حال تعذر حضور الجميع مقابلة رأس سدر يوم الجمعة القادم
كما أود أن أوجه الدعوة لأخونا فورميلاتور و اللي يعرفه أو يعرف يتصل به يبلغه الدعوة
و ذلك بهدف أزالة اي سوء تفاهم و تصفية النفوس و أكيد لما نشوف بعض مباشرة الوضع هايتغير تماما انا واثق من ده
هو أنا بحترم Formulator و ساعات كتير بستفيد من معلوماته (زي ما ساعات كتير بتخنق من عداوته مع الكوري و الياباني)
بس بصراحة في نقطة صغننة خالص قد كده استوقفتني
Formulator ده ولا مش Formulator يا متعلمين يا بتوع المدارس :bill:
أنا عارف كل حاجة بس مدكن :glasses18:
http://www.nilemotors.net/Nile/24716...post3873829174
http://www.nilemotors.net/Nile/24760...post3873829198
http://www.nilemotors.net/Nile/24720...post3873830978
ايه ده يابشررررررر اييييه ده
عضويات متعدده وتحوير وكدب وتناكه
ليه التلون ده
في ايييييه؟؟؟؟؟؟؟؟؟؟؟؟؟؟
يا جماعة ممكن نهدى بس
موضوع عضوية scud ده ليه ظروفه الخاصة و اللى كان متابع المنتدى من زمان هيفهم انا بتكلم فى ايه و كان باين للكل و اولهم الادارة ان ده formulator نفس طريقة الكتابة حتى نفس اللون المميز برضه .. عشان كده قولت بسهولة جدا تعرف اسلوب formulator فى اى رد ..
بجد يا جماعة الراجل كتير افاد المنتدى و افاد الاعضاء و انا قبل كده سألته فى كام حاجة على الرسائل الخاصة و متأخرش عليا فى الرد ..
يا ريت نفتكرله شوية من حسناته فى المنتدى و حتى لو شايفين ان اسلوبه مش مناسب او كده فمفيش انسان كامل و كلنا مليانين عيوب و بعدين ممكن يكون فعلا اسلوبه كده و مش قاصد انه يهين حد بس يمكن اسلوبه شديد شوية
و يا ريت فعلا كل الاعضاء تهدى و المنتدى يرجع زى زمان من غير خناقات و شد على الفاضى و المليان
يا جماعه حد يكلم الاداري المسئول عن الوقف كان الاولى انه يقفل الموضوع وبلاش يوقف فورميولاتور .
مع اختلافي معاه في الموضوع ده وطريقه تعامله لكن في النهايه احنا اخوات وعلاقتنا اهم من الموضوع كله على بعضه من اول صفحه لاخر صفحه .
معلش يا جماعة انا عايز أضيف حاجة في غاية الأهمية
أنا من واقع عملي وطبيعته وعلاقته بالعلم ونقل العلم
حابب اوضح بعض النقاط
اولا - بالنسبة لموضوع الوقف -
الأدارة تعاملت بحزم مع فورميلاتور خلال يومين ابتداء بسلبه لقب منسق قسم "ودي من وجهة نظري عقاب في حد ذاته" صحيح اللقب شرفي ومش هيزود او ينقص - بس وحشة اوي السلب بعد العطاء - واحنا اساسا حياتنا كلها القاب واداور - ممكن تقوم بالدور وماتخدش اللقب وممكن تاخد اللقب وماتقمش بالدور - ويذال اللقب تشريف والدور تكليف.
ثم تأتي بعدها الأدارة بوقفه - لتقول لا أحد فوق قوانين المنتدي حتي لو كان احد منسقيه او اعلم اعضاءه.
ثانيا - بالنسبة للعلم ونقل العلم ودور المتعلم وعلاقته بمن يتلقي العلم علي يديه
دائما المتعلم يستهين بمن يتلقي العلم علي يديه ويتخيل ان الحصول علي اصح معلومة بنفس سهولة توصيل المعلومة - بمعني
انت وصلتك المعلومة من فورميلاتور او غيره صح وبطريقة سلسة وسهلة - فتتخيل انه حصل عليها بنفس السهولة اللي انت حصلت منه عليها
والحقيقة غير كدة تماماً - ممكن الأنستركتور يسهر ليالي وايام ويمقق عينيه قراية وبحث وتعب وترجمة وفي النهاية يلاقي white paper او doc. علي النت بتنفي تماما كل الكلام اللي هو فهمه وتعب فيه - فيقوم يبدأ بالبحث من جديد وراء المعلومة الجديدة ويعيد نفس الكرة مرة تانية (سهر وتعب وترجمة وتمقيق عين)
عشان في النهاية يقولك معلومة صح موثقة ومؤكدة وبمنتهي السهولة - يعني تقدر تقول ان كل دقيقة تدريب يقابلها ساعة او اتنين تحضير
ثالثا - علي المستوي الشخصي
انا والله لا اعرف قورميلاتور او مصطفي وللأسف عرفت اسمه من خلال هذا الموضوع
بس حابب اقول نقطة
عندنا الinstructors في النهاية عبارة عن بني أدم - لحم ودم - بيتطلب منه اداء دور - وفي الأول والأخر هو image للشركة اولا وله وضعه ثانيا - ودة بيخليه أشبه بالممثل علي خشبة المسرح - رغم كل ألامه ومشاكله لازم يمثل الدور ويفصل مشاعره عن بعض وماينقلش للمشاهد او المتدرب شعوره واحاسيسه - فقط ينقل العلم وبطريقة شيقة وسهلة
انتوا هاجمتوا فورميلاتور لأنه عصبي وردوده هجومية او كما وصفها هو بالaggressive - طب وايه يعني ؟؟؟
طب مانت بتقول علي فلان الفلاني كممثل - انه عبقري ولم تأتي خشبة المسرح بمثله - وتتناسي تماما انه ممكن يكون شارب للخمر او الفاظه خارجة او او او
انا معاك ان ناقل العلم له صفة وهيئة وماينفعش اتلقي العلم من حد بيتعالي او مغرور او كما وصفتوه من الصفات العديدة في هذا الموضوع
بس انا حابب اقولك كلمة - طالما بتتعلم منه وحابب علمه - يبقي تقبله علي حاله- بكل عصبيته بكل ردوده الحادة
رغم اني مش شايف كدة - لأنه في كل رد حاد تلاقي في نهاية السطر ههههههههههههه او ايموشن بيضحك او او او
وانا بصفتي كمدرب او يشرفني ان اكون احد نقلة العلم ان اقول كلمة اخيرة في هذه المشاركة
انا من كام صفحة حاولت مع فورميلاتور بالطريقة اني اهديه وامتص غضبه او حدته علشان مايحصلش اللي حصل - بس للأسف انه حصل (الوقف) لأني من اكتر الناس المتصورة والمقدرة لقيمة العلم عند البني أدم
بقي يبقي يا جدعان عندنا ثروة علمية زي الراجل دة وبأسلوب - انا شايفه شيق - ونستفزه لحد لما نوقعه فريسة للغضب وفريسة سهلة للوقف ؟؟؟؟؟ مش الأدارة ولا المشرفين اللي هيخسروا - احنا كأعضاء اللي بنخسر
لن انسي له مشاركة قيمة جدا (وفي اعتقادي ان كل كلمة بيقولها كانت قيمة والعلم بينط من عينيه حتي في هذا الموضوع كان بينقل علم) هذه المشاركة كان بيوضح فيها ازاي العربية الفلانية صعبة في الهاندلينج بتاعها handling - هتقولي بتكتب انجليزي زيه - هقولك ااه امال اكتبهالك ازاي ؟؟؟؟ كلمة هاندلينج ترجمتها معاملة ولو قولتلك معاملة مش هينفع لأنها تعني معاني كثيرة جدا وكلمة هاندلينج معبرة جدا جدا جدا وماتترجمش ولكنها تتحس واعتي المترجمين مش هيوصلك الأحساس بتاع هاندلينج بأي مرادف زي ما هي هتوصله
وفي النهاية احب اقولك
والله ما هتعرفوا قيمة علم البني أدم الفلاني غير لما الحنفية تتقفل وتحس بعدم وجوده بينا وان العلم قيمة وبيدي قيمة للبني أدم بتخلينا نتجاوز عن اخطاؤه ولو تعرفوا قيمة العلم عند البني أدم هتعرفوا معني كلامي - لأن انا من الناس اللي بتقدر قيمة العلم عند البني أدم ومن اكتر الناس اللي بتحسها
احنا عندنا معلمين او ناقلي علم بنتضطر ليهم رغم عيوبهم بس لأن محدش غيرهم عنده علمهم - وبنتجاوز عن عيوبه مقابل علمه - يعني علي سبيل المثال - اعرف احد المدربين - عيبه القاتل - التأخر عن المواعيد (صفة زميمة) الأدارة تبقي هتتجنن لكن العملاء والمتدربين بيحبوه وبيطلبوه رغم عيبه
تحياتي لكل من شارك في الموضوع
خالص شكري وتقديري واحترامي لفورميلاتور
formulator متوقفش بسبب الموضوع دا
هو اتوقف بسبب موضوع تانى فى كيا
و اخد اسبوع وقف
علي فكره
الوقف مش علشان اي استفزازات حصلت في المنتدي من الاخ فورميولاتور لاي حد او لردود
المنتدي اصلا مفيهوش قاعده ضد الاستفزاز
الوقف كان لمخالفه القاعده رقم 12
للالفاظ الي دايما بتتضمنها مشاركاته واللي بتشير لشتايم