الموضوع: شدايه عالميه . متسوبيشي ايفو وفيراري في صلاح سالم

ايفو باشا

و النبى انا عايز اعمل دماغ من دى :d:d:d

^_^

المشاركة الأصلية كتبت بواسطة evo

أنا كتبت الموضوع بهدف إني اصحصح البعض وافوقهم وممكن تعتبروه دش ساقع لتفوقهم لانهم تمادوا في السرحان بالناس بشكل يفقع محسسني انهم بيتكلموا مع شوية قرويين مش فاهمين الالف من كوز الدره في العربيات وكل واحد عمال يسرح ويسرح وللاسف بيلاقي مهللين ومهنأين
اللي زود الطين بله إن الفئة دي بدأت تتمادي إلى حاجات متدخلش العقل زي مقارنة موتور 1600 مع موتور 3000 تربو هار اسود لأ ويقولك طلعت منه أو حتى قربت منه ياعم ارحمنا بقى من التخلف ده

اللي زي دول أنا باسمهم ricers واحد غيرسلوك بوجهات ولا ركب فلتر ولا ركب سبويلرهييجي يعمل علينا بطل ويفردلنا صدره وهو أصلا تلاقيه لو جاب 120 بيلزق في الدركسيون وللا اللي منهم حوشله 4 أو 5 الف جنيه وراح جابله موتور معفن عفا عليه الزمن من 15 سنة وحطه في عربيته اللي أساسا مقعداه جنبها في الحرفين أكتر مابيقعد في بيتهم وافتكر نفسه انه بقى من ال super tuners في مصر ومعاه سوبر كار لمجرد انه ماشي في الشارع يشمشم على واحد غلبان راكب عربية اوتوماتيك يفردعليه عضلاته شوية ويرضي غروره المريض

حبيبي إنت ricer و اللي عاوز يتمنظر يتمنظر بحاجة تكون على حق مش تجريلي مع فرنا ولا gen 2 ولا أي family car و تيجي تعمل موضوع أنا دمرت الدنيا أنا بهدلت عربيات مصر

كل واحد فيهم عايش جوه خيالاته المريضه اللي مهيأله انه حاجة وسط ال racers وال tuners في مصر أو على الاقل انه بطل في المنتدى والكل بيرفع القبعة وينحني احتراما لصاحب السوبر كار أو اقوى واحد فينا زي مابيقولوا !

بس أحب اقول للي زي ده

حبيبي إنت ولا حاجة وسط ال community دي سواء ركبت سلوك بوجهات أو ركبت فلتر أو سقطت موتور مصر دلوقتي السلم فيها بيبدأ من 300 حصان علشان يتقال إنك راكب حاجة كويسة ومش عاوز اقولك إن فيه عربيات 1000 حصان في مصر دلوقتي ومعمولة في مصر فخليك كده العب مع اللي قدك ومتجيش تعمل بطل على الناس اللي جاية تستفديلها كلمتين .

عموما بقولها تاني ماحدش ياخد الموضوع على نفسه رجاء بعد إيه ؟؟؟؟
إلا اللي علي راسه بطحة بقى ! مفيش حد على راسه بطحة فى نايل موتورز :)

وبصراحة الرجالة قامت بالواجب وزياده عاش يا رجالة الرجالة بتعلق على مشاركة حضرتك وإنه كلام مش معقول وهزار فكل واحد بيقول كلمة على هواه وإن شاء الله ما يقصدوش التهكم والسخرية مثل حضرتك

معلش متزعلش نفسك

بس هو ينفع تعالج الخطأ بخطأ مثله ولا تعالجه بالصح ؟؟؟

حضرتك أخطأت فى عمل الموضوع دا

شوف كام واحد دخل وقرأ الموضوع وما استفدش حاجة بل أنا اتصدمت من المكتوب فى الموضوع أنا ذنبى أيه ؟؟

إنت بتوجه رسالة لحد معين أو شريحة معينة فى المنتدى وأنا والله بعد ما قرأت الموضوع وقرأت كام تعليق كنت حاسس إنت بتلمح بإيه

بس المفروض إنك تعمل موضوع وتقول فيه اللى إنت عايزه بصراحة ومن غير سخرية وبالأدلة وتقول دا محرك كذا بيطلع كذا حصان وتقارن عربيات بعربيات و توضح ال حقيقة للناس اللى إنت زعلان عليهم إن بينضحك عليهم

صدقنى فيه ناس كتير فاهمة وبتعدى مش كل حاجة بتتكتب هنا لازم تتصدق

أحنا مش ميكانيكية ولا مهندسين تعديلات ولا حاجة إحنا ملاك أو هواة وكل كلامنا هنا معرض إنه يكون خاطئ ومش عيب الخطأ لكن التمادى فيه هو الخطأ الحقيقى

وبعدين إيه اللى مزعل حضرتك ؟؟؟

وليه الطريقة دى فى التعبير عن رأيك ؟؟؟

أنا بقى مش مصدق إن فيه فى مصر عربيات بتتعدل وتبقى 1000 حصان حقى حتى لو كان فيه لازمتها إيه دى قوة مفرطة ومفيش طريق تمشى بيها عليه ولا حتى ال 400 حصان أ,و 300

أنا ملاحظ زيك بالمبالغة فى وصف بعض السيارات بس عادى أنا مش مجبر أنى أصدق

وبكدا حضرتك هتزعل ناس كتير فلازم تعتذر عن خطأك وعن تجاوزك لقواعد المنتدى

و بعدين يا ايفو باشا مش كل الناس هتعرف تعمل عربيه 300 حصان

احنا هنا الشد بيتنحصر بين 100 حصان لحد 200 حصان لا أكتر ولا أقل

و بعدين يا باشا الحمد لله مفيش حد هنا الا وصادق فى كلامه

و بعدين انت راجل قديم و كلنا بناخد خبرتنا منك

يعنى اكيد عارف الناس الصادقه من الهتاشه

و احنا اى حد بنحس ان فيها حاجه هتش

بنجيبه و نحطه على دراج ريس و فيديو

وورينى نفسك بقا يا معلم فوق و تحت

^_^