أيهما الأفضل فيرنا ام لانوس 2012 من ناحية جودة التقفيل ؟

كنت قررت شراء شيفروليه لانوس 2012 ولكن بعد البحث قرأت العديد من الشكاوي بخصوص تقفيل اللانوس ...... فهل تقفيل الهيونداي فيرنا أفضل حاليا ؟

اللى اعرفه كويس الفيرنا 2012مع اخويا تقفلها كويس عيبها الكاسيت الرودستار ماركة سيئة وبظ غير كده العربية ما شاء الله + ان موديل 2013 غيروا الكاسيت ده عشان سيئ
بنسبة لانوس مقدرش افيدك .

الفيرنا احسن اللانوس من شيفروليه وحشة جدا الفيرنا احسن

كان فيه عضو هنا عامل موضوع عن سوء تقفيل اللانوس

والفيرنا على ما أعتقد تقفيل مصرى برضه بس معرفش عنها حاجة

انا معايا فيرنا بس بحس ان اللانوس تقفيلها انضف ( مجرد احساس ) بس عامة الفيرنا اشد انا ركبت الاتنين بس عيبها واطية و اضيق من اللانوس

بس هوه كل عربية فيه مزايا
يعنى مثلا اللانوس ما تطورش فيها اى حاجة فى الموتور ولا العفشة من سنة 99 غيروا شوية فى الشكل حاجات بسيطة سنة 2001 وشكرا على كده يعنى انت هتركب عربية موديل 2013 بتقنية 1999 انما الفيرنا برضك ما تطورتش بس هيا نازلة بعد الفيرنا بخمس سنين من سنة 2004 تقريبا
الفيرنا كمتور اقوى جدا من اللانوس اى نعم الفيرنا 1600 واللانوس 1500 بس انا مش قصدى على 100 cc الفرق انا قصدى فعلا ان موتور الفيرنا اقوى
اللانوس كارتفاع عن الارض افضل من الفيرنا لان الفيرنا بتحف باقل حمولة وراء
على العموم انا لو انحصرت بين العربيتن دول هختار الفيرنا ولك حرية الاختيار

اللي شوفته هو تقفيل الفيرنا لو بتتكلم عن جودة الخامات فهي خامات ذات جودة ضعيفة
اما احترافية التقفيل فانا تفحصتها مفيش اي اخطاء كانت موجودة والتقفيل ممتاز
لاني برضه شوفت تقفيل عربية صيني وكان تقفيلها سئ
وفي عضو من كم يوم نزل موضوع عن ان تقفيل اللانوس يحتوي على عيوب سيئة جدا

حضرتك اقرا الموضوع ده

http://www.nilemotors.net/Nile/309421-a.html

واقرا ردي عليه و انت تعرف ان دلوقتي كله بقى :10_1_104v[1]:

شكرا جميعا علي الردود ....