يعني ايه 0.8
عرض للطباعة
0.8 ملى متر
هتظبط فتحه البوجيه على المقاس ده 0.8 لان هو بيجى من المصنع مش مظبوط و تقريبا بيبقى 1.1 ملى
و لما بيتظبط بتفرق فى الاستهلاك و السحب شويه كده
[justify]والنبي يا باشا فهمني الحتة دي كويس علشان أنا بغير بوجيهات البيكانتو 2012 بنفسي و مش بعدل حاجة ... بفك و بحط وخلاص
وربنا انت تبقى برنس لو فهمتني الحتة دي كويس
وهل دي بتتعمل في البوجيه نفسه وللا في المكان بتاع البوجيه ؟؟؟؟
مستني إجابتك ومساعتدك بأه علشان أدعيلك دعوة صح[/justify]
عشان بس تفهم المعلومه صح و ملغبطكش
انا ركبت بوجيهات ان جى كى و اللى كان نازل فبريكه شامبيون
دخلت على موقع ان جى كى و لقيت ان البوجيه بالسريال نمبر ده لازم فتحته تبقى 0.8 ملى .و لما خليت الميكانيكى قاسها لقاها اكتر من 1.0 ملى فديقها و قاسها بالفيلر بتاعها و ظبطها على المقاس ده
لكن بوجيهات عربيتى غير عربية حضرتك لان عربيتك بيكانتوا و انا سيراتو و انا البوجيه عندى طويل جدا سن 16
و مش عارف عند حضرتك اه و لا عارف هو بيتظبط على كام
و كل شركه غير التانيه
فمش عاوز افتى .انا اللى قلته ينطبق على السيراتو فقط
و كل عربيه و ليها مقاسات مع البوجيهات
بس بردو اللى متاكد منه ان البوجيهات الليزر و التيتانيوم و البلاتينيوم و كده اللى عمرها طويل و غاليه بتيجى مظبوطه من المصنع
و البوجهات عموما و خاصتا الرخيصه ممكن و هى بتتشحن الكراتين تقع او تتخبط و الفتحه تديق عن المفروض او انت بتركبها ممكن تقفل اكتر و كده يعنى .
يعنى خلى حد متخصص يعملهالك .
و الله اعلم
ممكن تسال اى مهندس فى التوكيل محدش هبيخل عليك بمعلومه .
و الله اعلم
و السلام ختام
شكراً لك
بس البوجيهات عندي بتنزل فابريكة إن جي كي وأنا محتفظ بيها من أول تغييرة
ولما غيرتها بنفسي آخر مرة ركبت شامبيون
و على فكرة عندي سن طويل برضه زي السيراتو بالظبط